今日翻到去娜娜就俾紀念冊我寫，我寫完諗住俾翻佢既時候，佢仲要我貼埋相，所以我拎左翻屋企~今日上左三堂maths，好累.都唔知做咩，今日成日都好似有啲失落，同埋好累~小息既時候，我又走出班房希望企一陣唔駛禁累啦，不過都好似冇咩用禁.之後就同娜娜佢地影左相，影左出黎之後我覺得好似自己同左個低form影相~因為佢個樣太細個喇.除左同娜娜影仲幫左勤影，影到好搞野~左lunch就上左安蔭買飯食，落到去我同勤講好似唔係好想食禁~原來佢都係.lunch time 就黎完個陣我就去左搵陳太同嘉嘉姐姐傾左陣.之後就落翻去上中文堂，今日set 極部電腦都用唔到~所以曾sir就同我地講左啲野，佢講嗰啲野好<arm>，而且講得好好，佢令我再次重新審核自己究竟自己可唔可以再變成佢所講既禁樣~其實曾sir有時所講既野我係好同意而且好鐘意聽.因為我覺得佢除左教書之後，仲教埋我地點去做人.今日佢講既野我以後都會記住~放學就走左去2樓測驗，測完驗就自己一個翻屋企.

p.s:聽日巧儀同善媛就出去比賽，原來一年就禁快過左，希望佢地俾心機拎到獎翻黎啦~
      < support U >

今日上堂都冇咩事發生禁，係轉堂個陣我問娜娜影唔影相，佢就俾左一個幾搞笑既答案我~佢竟然話佢自己塊面唔夠紅，要今晚返去meet紅佢先至影~我聽完都唔知俾個咩反應佢好.今日上bio終於教到evolution，我最想佢教個課.我覺得嗰課啲圖真係幾得意，好多都係個啲好多憶年前既生物~個樣有啲奇怪.不過上上下堂我就唔知做咩定左係度望住本書，直至啲人出聲話有人搵佢我先繼續聽書~上完bio就上eth，其實我都唔係好鐘意上eth.因為麥太成日講埋啲野都唔係好<arm>我聽，所以我次次上親佢堂我都唔係好出聲，做下自己野禁~放學就去現代補習，wl lee 話英皇告周勤才，又話英皇會告唔入，都唔知佢係米講真.其實我都唔知周勤才搞咩，啲人話英皇對佢唔好~點都好啦，我都唔識佢既，唔係簫源米得囉~

今日下午就出左英皇補習，補完習就去無印買野~買完野就搭28M翻姨媽到，落車之後就發覺跌左個銀包係架車到.之後就立即打上姨媽到，然後就搭的士去個小巴位個度搵翻架小巴~好采最後都搵得翻.啲錢所有野都仲係度.其實我並唔係緊張啲錢又或者係學生證身分證個啲野~有時有啲野跌左就永遠都搵唔翻.最後上到樓就睇下碟禁，原來姨媽佢地要出街食飯，所以我就係屋企食伊麵.今日睇左michael jackson~我始終都覺得佢型個Rain.夜晚翻到屋企就決定寫左封信佢，我諗呢個係最好既方法~

今日7點半就起身翻學測maths，測到10點半就放~放學個陣覺得有啲凍，又有小小落雨，唔會太大，自己一個人行落巴士站.行個陣條路好靜，行緊落巴士站其間，見到有個我地學校既女仔紥頭髮紥到去得意~落到巴士站我就見到子揚，同佢一齊搭車落tsuen wan，落到去未夠鐘所以就食左啲野~根住就去補習，補完習就去吉野家食野，食完就翻屋企.翻到屋企睇左好多ktv，我覺得有啲真係拍得唔錯.今日睇左<<夜曲>>、<<四面楚歌>>、<<髮如雪>>、<<珊瑚海>>同<<一路向北>>~禁多個我就最鐘意<<髮如雪>>.睇完之後就開左電腦玩左一陣icq，禁就做功課喇~

今日翻學搭巴士既時候，我漏左津水係巴士~翻到去第一時間就係買水飲.翻學個時搭地鐵個陣就愈諗愈嬲，所以隻手就係禁整對地鐵車門.都唔知朝早做咩，翻到去學校都仲係有啲嬲.上早會就要上禮堂，聽校長講野~之後就翻課室上maths，今日啲堂好似好快過禁，到左lunch就留係學校食~食完野就去左okay買金莎俾陳太佢地，上到去俾陳太既時候，佢話我唔識講野<tum>女仔.佢話得閒開翻堂教我講野<tum>女仔喎~去完音樂室就上左三樓，問嗰個美兒智君係唔係度.佢話唔係.之後佢隔離個女仔問我係米同智君拍拖，我就話冇~去到禮堂就見到智君，我坐低左過左一陣佢就坐埋黎.我本來都想同佢講架喇，我又講唔出口.最後我就翻一翻左課室，同娜娜講"死喇，我講唔出，我唔夠狠，禁講好似好賤忍禁"~根住佢就話講啦，你遲早都講架啦.最後今日都冇講到.到左上pe堂，勁開心，玩閃避球我殺左二個c班，仲要係一個勁人，超happy~但係之後就俾王濤執翻兩獲，俾佢掟食到應.不過算啦，兩個算唔錯成績架喇~d班最後4勝3.後來我先知原來自己整到四達傷左，不過都冇所謂，因為我好耐都未試過整親自己~