| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
F.5 camp第二日(下)~~  |
|
solo cook:自己搵柴去煮飯!!大會比一d米,同一條蠟腸我o地!!要我o地自己落手落腳去搵柴,自己煮飯比自己食!!取唔到火就唔使食!!
一開始個個人都揀定靚位,去取火煮飯!!好多人都好耐先取到火煮飯,有幾耐??每個人都唔同喎!!而我??正確時間就唔知喇!!
不過就一定有個幾兩個鐘囉!!仲要唔係我自己取火o架!!係梁sir幫我o架!!仲搞o左好耐,真係唔該你,唔係我唔使食!!好在我o個陣唔肚餓咋,
如果唔係餓死o左好耐!!仲煮得好靚o添!!好好味!!我煮完之後,原來仲有好幾個弟兄姊妹仲未食得!!
唔知係咪食得飽得滯,食完要打大佬!!吓...點算呀??無"定"去喎!!唔通真係好似牛咁周圍柯??定係去o個d"廁所"呀??最後決定去"廁所"!!
嘩...但一打開對門,勁多昆蟲飛o黎飛去!!唯有祈求d昆蟲唔好咬我pat pat!!最後都安然無恙咁去完!!之後就集隊!!唔記得up咩!!
煮食:真係o丫...仲煮咩食呀??我諗d人飽到都唔想食!!但無奈係一定要煮食!!今餐要食o既餸好多都發臭,唔食得!!而就o黎煮完o既菜又整瀉o左!!
我o地組反而係冇肉!!三頭六臂好好呀!!肯將佢o地d餸同我o地一齊食,而我o地搞到雞手鴨腳咁,佢o地都幫我o地手執野!!三頭六臂唔該你o地!!
黑夜十字架:導師帶o左我o地組去一個地方,要我o地逐個逐個去自己行一條路,阿強會先帶我o地行一小路仔,之後就由我o地自己一個人行,
導師話唔知會幾時行完,行行下可能會有牛,馬騮出現!!咁o岩我行之前換電池,點知換完又唔著,Jessica比o左佢o個支電筒我去行,
但佢個支電筒係睇唔清楚!!我係尾2 o個個人行!!我好驚呀!!但又一定要行喎!!行行下...見到有個影,但我又睇唔到係咩,個影好似係馬騮,
但又唔知係唔係!!企o左o係度一陣,又唔敢行,覺得好驚,喊o左出o黎!!我以為係馬騮,就吹哨子!!吹完之後,原來係人o黎o架!!覺得自己好白痴!!
但又諗番,如果真係馬騮咁點算呢??梗係吹哨子啦!!之後又一直行,我仲驚過頭先,個心仍然跳得好快!!行到終點喇!!見到一個大o既十字架,
Panda就企o左o係隔離,佢話:你可以用任何方式去親近呢個十字架去祈禱!!之後有兩條分叉路,要行右邊o個條路,行到前面就要熄電筒!!
我聽到之後即刻抱住個十字架祈禱,我o既眼淚係咁流出o黎!!祈完禱就熄電筒繼續行,點知原來之前行o左o既一班組員o係前面坐低o左!!
我就行去坐低,等埋Charles o黎到就可以行番出去!!原來我行o個陣以為係馬騮o既原來係華豬o黎!!佢蒙到得番對眼,我頭先都唔清楚係邊個!!
個人獨處:比一個鐘至個半鐘o既時間去親近神,同神說話,亦讓神同我o地去說話!!安靜o左冇幾耐,Jessica叫我過去搵佢!!我就行去搵佢!!
佢同我一齊傾計,講o左好多野,雖然我由黑夜十字架出o左o黎,但我仍然好驚!!傾傾下個心又定落o黎!!但Jessica同我講o既野又好入心入肺,
好多都講中o左!!唉...我o地傾完之後,佢就叫我搵第二個組員同佢傾計,我諗佢想搵晒d組員傾計!!之後我自己就繼續個人獨處喇!!其實我好眼訓,
因為已經好夜了,但又未訓得!!完o左又集隊一陣,之後可以訓了!!訓o個陣就o黎2點,但點知訓訓下要出去集隊,集隊o個陣4點幾!!救命!!
搞咩呀??原來係一個活動,叫儆醒!!阿強話我o地尋日煮食煮多o左47分鐘,所以要宜家還番o個47分鐘比佢!!就係做10下掌上壓,係一齊打掃!!
嘩...精精神神o個陣都可以做到10下掌上壓啫,矇下矇下點做呀??攞命咩??都未做,就咁撐住,都已經好攰!!呢10下掌上壓真係好辛苦!!
一有人做得唔好,又要等埋!!都好似有d唔舒服,但又唔想講!!做完就解散,我o地坐o左o係石路度抖下,阿強問o左我幾次有冇事,我話冇事!!
但其實我好唔開心!!又喊o左出o黎,因為唔想o係佢o地面前喊,所以都忍住!!之後就番番營地訓教!!
 |
| 刊登時間：2007-07-07 03:04 AM [ 訪客留言(0) ] [ 編輯日誌 ] [ 分享至FACEBOOK ] |
F.5入camp喇~~  |
|
今早媽咪起身煮飯比我食,但我趕住走,食o左幾啖就出門口了!!番到去就將個背囊放o係23,完o左崇拜先拎!!今日講道係吳振智牧師,都係第一次!!
完o左崇拜o係操場集隊!!頒仰望勳章,係小組導師頒比一d做得好o既組員,而某些時段就會頒的!!之後會有大仰望勳章!!Jessica話我冇食早餐,
所以今次我冇仰望勳章!!之後check裝備!!唔齊o既就一陣lunch買!!原來我o地有個立願禮,會o係家會度立願!!上台集隊!!逐個逐個立願!!
完o左就比1個鐘我o地食lunch,我o地奇兵就去大快活度食!!d組員好關心我!!食完就番番書院集合!!之後就行去搭旅遊巴出發了!!
組名(小組導師):第一組:Rocky(Jeson) 第二組:超人(聲波同金魚) 第三組:三頭六臂(吉昌同阿媛) 第四組:奇兵(Jessica)(我在第四組)
煮食:有5餐(Day1晚;Day2早,晚;Day3早,午) 規定:晚餐一定要有"4餸1湯" 午餐唔可以開爐 要煮埋小組導師o個份
第一日行程(活動):高蕉遠觸-->行山(兩個鐘)-->到營地:大發雷霆-->紮營同煮食(晚)-->信心天梯同吹蠟燭-->訓教!!
高蕉遠觸:用條繩綁住d蕉,但係d蕉係高過我o地個頭好多!!要我o地成組人每人都要用個鼻掂到隻蕉,掂晒就拎隻蕉落o黎食o左佢,最快就嬴!!
一定要抬人上去掂,所以就要有人做防護(即係有人跌落o黎,就有人去接住佢)!! 最後我o地奇兵嬴!! 行山好辛苦呀!!
大發雷霆:去到營地後,個營地有個海,要我o地對住個海大嗌,自己想o係個camp裏面學到d咩,諗到就行出前面度大聲嗌出o黎!!
第一晚o既湯我o地組煮紫菜雜丸湯,煮剩好多雜丸,就比o左導師!!但到就o黎飲得o既時間,煲湯整瀉o左!!之後竟然問番導師攞番!!呆o左!!
信心天梯:奇兵同三頭六臂一組,Rocky同超人一組!!我o地先玩信心天梯,之後先玩吹蠟燭!!兩個人一組拎住一條"通",縛頭掂縛頭咁平排,
形成一條梯o既形狀!!每個人都要o係條"通"上面行,一定要有人做防護!!行o個個都盡量唔好掂人!!而下面o既人就一定要有力去撐住上面o個個,
唔好比行o既人跌落o黎!!唔係就大件事!! 有d男仔勁重,撐撐下都冇力撐咁滯,好在有導師去幫我o地撐!!玩完隻手好痛!!
吹蠟燭:分番兩組人!!首先每人有1隻杯同1支蠟燭!! 第1次:每人都會點著蠟燭,要將隔離組o既蠟燭吹熄晒為嬴!!而比人吹熄o左,
係唔可以郁同吹熄人o地o既蠟燭!! 點知唔使幾秒,我o地組o既蠟燭熄晒!!呆o左!!輸o左!! 第二次:自己組定下要點著幾多支o既蠟燭!!
嬴法:一係點著晒自己組o既蠟燭,一係吹熄晒隔離組o既蠟燭!! 我o地組定4支,最後點著晒d蠟燭,嬴o左!! 第三次:全組人只點著一支蠟燭,
同樣都係好似第二次咁嬴法,最後1次決勝負!!開始之後,我都唔知點解吹熄o左肥潘支蠟燭,而我支蠟燭係未點著!!比人投訴!!再玩多次!!
隔離組以為嬴o左,但點知肥潘o係我隔離比我吹熄o左!!加上我o地有d策略,所以嬴o左!! 最後都係嬴o左!!
玩完之後就去營裏面換衫訓教!! 我o地組4個女仔,3個男仔!!女仔訓6人營,男仔訓4人營!! 第一日行程同活動結束!!訓教!!
|
| 刊登時間：2007-06-27 03:51 AM [ 訪客留言(1) ] [ 編輯日誌 ] [ 分享至FACEBOOK ] |
| 教人溫書~~ |
|
今日要早出門口去買F.5 camp d野,本來諗住尋日買,但成日都煩住祈禱會d野,所以今日去買!!今日冇團契,
冇開cell,我o地團就o係新堂溫書!!雖然我係F.5,但我都要番去,教下人溫書都好呀!!
出門口之前吉昌打o黎話我o地番新堂之前有cell聚,只係食飯啫!!但我要買camp d野,所以唔去!!
我買完都有d時間去食飯,同佢o地o係大滿貫食,有阿草佢o地!!而阿豪我係約o左1點9,但佢就一早o黎o左!!
之前佢仲話小俊會o黎o添...呆o左!!我叫佢o地o黎大滿貫!!點知葉淑樺都o黎o左!!但港生就唔見人!!
食完同佢o地一齊去新堂,o係44溫書!!去到都幾多人下!!之後就教佢o地!!期間原來係有野食!!好正呀!!
期間詩敏打o黎同我講祈禱會d野...都幾無奈...哼!!今早o既電話仲無奈!!完了都冇野做!!走時吉昌打o黎,
因為佢去o左買d野,所以唔係同我o地一齊!!佢話聲波之前比o左條褲佢,叫佢比我,就約o左o係書院比我!!
就番到書院,妹妹叫我番書院拎垃圾膠袋,番到去上23!!上去一陣,詩敏打o黎叫我番新堂...呆o左!!冇番!!
走人!!番到屋企,佢o地話將感恩轉讚美...呆o左!!
|
| 刊登時間：2007-06-25 11:57 PM [ 訪客留言(0) ] [ 編輯日誌 ] [ 分享至FACEBOOK ] |
| 好苦惱~~ |
|
今早番晨更遲o左少少!!起打比助導,佢話就o黎去camp,想多d休息,所以唔番!!又係咁啦!!
呢排成團得我一個小羊同番晨更o既助導食早餐!!得我,儀仔同陸熟咋!!又係我決定,去五十嵐食!!食完助導散!!
儀仔有野做,同佢一齊o係M記逗留,同埋隔離團!!因為新堂今日唔開!!佢要整父親節d野,我就要諗祈禱會,
諗感恩o個part!!到佢要走,我都仲o係度諗緊!!隔離團d人都走埋!!我又去大滿貫諗!!諗到頭都大埋!!好煩呀!!
我o地F.5約o左今日4點9 o係黃大仙地鐵站到等,約去買camp o既食物!!晏畫蛋蛋就過o黎搵我,
期後佢又搵個新人,走o左!!之後又去搵佢,佢o係M記!!o個陣都好晏!!晏畫未食野,買o左個餐食!!
都差唔多時間去join佢o地,但就見到victoria,想佢教我寫祈禱會資料!!就留低o左幾個字!!我去龍翔join佢o地,
只係得陳超同志傑!!其他人呢??有d出唔到o黎!!之後財仔o黎到就去買野了!!我拎菇類!!都幾多野下!!
買到7點幾,惠婷打o黎問我番唔番書院繡毛巾,我因為仲未諗好祈禱會d野,就冇番到去!!買完之後番屋企了!!
最後都send到份資料比佢o地!!thank victoria!!
|
| 刊登時間：2007-06-23 01:58 AM [ 訪客留言(0) ] [ 編輯日誌 ] [ 分享至FACEBOOK ] |
繡野~~  |
|
尋日收到電話,話父親節將近,要整一d野比屬靈o既父親,5點鐘番要整!!原來係要繡毛巾,o係23繡!!
要繡佢o地o既名o係條毛巾度,都幾有意思!!去得o個d小羊,梗係繡o左自己助導o既毛巾先啦!!我自己都係!!
導師o既毛巾係細d,助導o既毛巾就大d!!我先繡吉昌o個條,繡完佢個名先醒起佢有英文名,
但唔記得佢英文名點串,就打比佢問!!佢梗係問我咩事啦,我話問下啫!!得佢o個條有"中英對照"咋!!
之後就繡聲波o個條,本來都諗住繡埋英文名,但因為冇時間繡,所以就冇繡!!因為得番我同惠婷,上7樓繡埋佢!!
兼且我約o左聲波o係書院比對鞋我!!我繡緊佢就番o黎,趁佢離開o左就繡!!繡完同佢一齊走了!!
佢話要去旺角同妹妹佢o地慶祝生日!!而d毛巾就諗住星期日家會時送!!但聲波,吉昌佢o地要入camp了!!
ps:如果今日真係14日,我就唔會打出o黎!!但過o左了,就打吧!!
|
| 刊登時間：2007-06-23 01:35 AM [ 訪客留言(0) ] [ 編輯日誌 ] [ 分享至FACEBOOK ] |
« | 43 | 44 | 45 | 46 | 47 | 48 | 49 | 50 | 51 | 52 | ... | 109 | »  |
2007 年 6 月 18 日 星期一 
