| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
| 搵野... |
|
今日起身落去搵我社署姑娘度拎番d錢!!
之後諗住去開戶口,但又冇帶住址證明,所以開唔到!!
好無聊咁o係黃大仙中心行,點都搵唔到o岩心水!!
 |
| 刊登時間：2007-05-19 01:08 AM [ 訪客留言(0) ] [ 編輯日誌 ] [ 分享至FACEBOOK ] |
配con~~  |
|
今日又遲o左出門!!導師助導今日要去Ben lung同阿狗o既洗禮,所以著得好靚!!上去崇拜!!團會...
阿豪突然出現o係我面前...呆了!!先是慶祝屬靈母親o既母親節,因為d母親快閃!!4位母親,吉昌同波波主持...
係咁搞gag...笑爆肚呀!!尤其係波波讀o個封英文點唱信!!吉昌就扮勁...笑死!!要佢o地估野,我比隻手儀仔估,
佢估唔到!!之後係祈禱會,啟華同Panda做主席,吉昌彈結他!!啟華仲做埋獻詩o添!!又係講浪子的比喻,
又係Panda負責!!彈牙...傾cell o係6月9日o既目標!!目標 : 哨牙:40 New牙:35 Fire:35
完o左之後助導同家員留低,其他人行先!!今日係Ben lung同阿狗洗禮,我o地落o左去影相先!!
之後係咁叫佢o地落o黎,佢o地都唔知點??阿豪走人!!去M記食,食得勁趕!!因為2:30要番去R團契!!
一論咀咁食晒就走人!!番去對稿!!識o左d人!!下個星期團契o既人有蛋治,寶妮,Alex,家聲同我!!
仲有一d團資會跟,包括嘉莉!!其實都只係分配角色,比嘉莉分配o左做Miss,無奈!!完o左之後落去打波,
收到家姐o既電話,佢話帶我去配con,本來尋日去,但因為有野做,所以無去!!如果今日再唔去,就有排都配唔到!!
去黃大仙o既眼鏡鋪度配,等o左好耐,因為好多人!!去驗眼...嘩!!好深近視!!
有散光,要戴有散光o既con,加多百幾蚊!!之後那人幫我戴con,右眼冇問題,左眼戴o黎戴去都有d"吉吉地"咁!!
家姐因為要番工走先!!o個個人話要去荷蘭訂造,要加多$18,唔係呀嘛??配完之後番屋企!!
|
| 刊登時間：2007-05-19 12:47 AM [ 訪客留言(0) ] [ 編輯日誌 ] [ 分享至FACEBOOK ] |
| 忙不了~~ |
|
今日人o地約o左我2點鐘番到書院,做咩咁早??係R團契宣傳!!尋晚打比我o既人係團資o既人搵我做團契宣傳!!
番到去,見到Fire ,全珍請我食o左舊壽司!!而其實都唔知邊d人係團資??只知係大將團,但又唔記得佢咩名!!
算!!之後有個人走o黎問我係咪叫Michelle,我話係!!哦...原來就係佢,我之前同佢一齊做過事奉o架!!
佢話佢叫""筋姐"!!個名好怪!!之後我o地R啦!!尋日都諗好o架喇!!仲有一個人係大陣仗,佢遲d o黎!!
佢o黎到再R,都幾正呀!!之後我同o左惠君去MTR接新人!!阿豪話阿秋都會o黎,太好了!!但應該係團契時o黎!!
番到去上去團契,阿豪出去接阿秋,佢o地o黎到,又話去廁所!!搞到佢o地都唔知個團契講咩!!個團契係講路得!!
個遊戲好搞笑!!叫阿豪同阿秋出去玩,佢o地唔制!!今次Stella總結!!完o左總結,我o地就上台預備團契宣傳,
好驚呀!!就o係台後面再R一次!!OK!!一出場,聽到有人講:係咪Michelle呀??好無奈!!個團契宣傳係我諗o架!!
傻仔??比人話係女!!順利過o左!!完團契,上43開cell,哈...可以開cell喇!!真感恩!!阿芝hold cell,
玩"羅亞方舟"同咩d人企上櫈度,又調o左調去!!第2個遊戲玩o左一陣,就要走去團契宣傳!!好在冇遲到!!
都係好驚!!都未開幕,支咪冇聲!!呆o左!!搞到慢o左!!一出場,d人又嗌:Michelle!!乜好似個個都識我咁o既??
順利過o左!!番番開cell,都完了!!落番去家會!!慶祝母親節...完o左,唉...晨祈要開會喇!!o係開會之前,
去23買聖樂衫先,好後悔呀!!之前揀o左黑色,但睇到件粉紅色仲靚呀!!勁靚呀!!嗚嗚...救命!!超鐘意!!
開會了,F.5番o黎喇!!下星期日去Jessica屋企或者佢家姐屋企(元朗)!!未知??晨祈有2個事奉等我去做!!
完!!落canteen,同佢o地走人!!
|
| 刊登時間：2007-05-18 02:43 AM [ 訪客留言(0) ] [ 編輯日誌 ] [ 分享至FACEBOOK ] |
| 唱K~~ |
|
惠君一早講過佢今日唔使番學,可以番到晨更o既佢係十分興奮!!好在佢今早打o黎叫醒我,唔係我一定番唔到!!
佢都好晏先打o黎,我7點先出門口!!搭的士去新堂,唔係o既話就趕唔切!!番到去都係搭2!!完o左發覺我,吉昌,
陸熟,惠君,儀仔,波波,祺峰,嘉莉番(可能留o左)!!要番學o既都番o左,我o地去牛車水食,個個都吽下吽下咁!!
今次食o左好少野就覺得好飽喇!!我同惠君叫吉昌同波波唔好去游水,吉昌個樣就扮到好假咁話唔好!!
笑死人!!陸熟好可憐咁,無咩人理佢!!食完吉昌同波波去游水,尋日問o左惠君去唔去唱K,佢話今日答我!!
佢竟然答我唔知,我真係好想去唱K呀!!我有成5年冇去過喇!!咁難得我又考完會考,惠君唔使番學,好難得o架!!
我話若果再唔決定,到時吉昌佢去o左游水就想去都冇得去!!咁佢先決定去!!吉昌都比我o地去!!
我o地去新堂坐o左一陣,之後陸熟番學,儀仔去李國樑屋企傾野,本來惠君都話唔想去旺角唱,遠o既關係,
因為儀仔話旺角某某Neway可以唱耐d,所以先去旺角唱!!幾經波折,我o地最終都搵o個間Neway,
我o地10點9去到!!上到去個侍應話唱2個鐘...咁少??佢話如果無人可以繼續唱!!K lunch學生$38,
各有一個餐同兩杯野飲!!安排o左一間o係正門口o既房比我o地!!嘩...間房好大呀!!2丁友間房好大,
以前2個人唱,間房細到乜咁!!以前無論多人定少人,最多得3支咪,但2個人都拎o左4支咪比我o地!!
仲有兩個screen o添,正呀!!一開始,我o地唔點歌住,唱番d詩歌先...之後就狂點歌!!初初都好好玩!!
唱o左幾耐下,個侍應入o黎問我o地飲咩野飲,我o地都唔口渴,因為仲好飽!!我嗌o左杯好立克,惠君嗌鴛鴦!!
期間都有搞gag,好好笑!!吉昌竟然話諗住等埋我o地食飯...吓...唔係呀嘛??我o地O o左咀!!無野講!!
過o左2個鐘個侍應都未叫我o地走!!之後個侍應問我o地食咩??我o地就嗌野食!!但只顧坐唱,都唔係太想食!!
其實我o地o係歌與歌之間都唱o左少少詩歌!!又飲多杯野,已經覺得有d悶喇!!但我o地又唔捨得走人!!
最後唱o左差唔多唱o左5個鐘走人!!唱到夠晒!!之後番新堂搵吉昌,佢o係6樓幫隔離cell作cell歌!!
見佢個樣好攰,好苦惱咁!!惠君竟然同佢send訊息,原來係見佢攰先send訊息比佢!!i之後gini番到o黎傾野!!
我同惠君落去祈禱室祈禱先,之後吉昌先落o黎!!本來我o地book o左5-6,但因為未開門搞遲o左,
轉o左book 5:30-6:30,同惠君傾o左一陣計,之後見到吉昌o係門口裝下裝下!!哈哈...原來佢都覺o架??
祈禱過後,我o地一齊行,我同惠君走,吉昌要去練波!!之後我同惠君竟然...唔好提喇!!超白痴!!
ps:夜晚竟然有人打比我搵我聽日...唔講得住o架!!
|
| 刊登時間：2007-05-13 11:42 PM [ 訪客留言(0) ] [ 編輯日誌 ] [ 分享至FACEBOOK ] |
| 觀塘一日遊~~ |
|
今日訓到1點幾起身,阿媽都知我會考辛苦,成日都早起,所以都唔理我幾點起身,由得我訓!!
起身之後同佢出去觀塘飲茶!!,我自己先去拎身份證,阿媽去茶樓拎位!!之後join佢!!飲完阿媽去打麻雀,
我自己去行apm,行o左好耐,諗住買番個銀包,但好多都好靚,揀唔落手,最後都係冇買,諗住遲d同fd一齊去買!!
行行下,突破有兩個人出現o係我眼前,原來我撞到大力團團導師阿Ming同佢o既...咁都比我撞見??
嘩...原來男人打o既呔子好貴o架,成8百幾蚊,就算係Play boy o既呔子,折o左都係2百幾!!貴得很!!
惠君話吉昌今日都考得OK!!話佢報o左學校o既籃球比賽,宜家比賽緊!!行完apm去洗頭,之前去開o個間,
個師傅星期四休息,唯有尋覓另外一間未去過的!!洗完番去搵媽咪,佢唔打了!!我同佢去人和食野!!惠君打o黎,
咁o岩阿媽又叫惠君出o黎食野,你o地有無咁o岩呀??點知惠君話真係出o黎!!出到o黎就不停傾計,
期間吉昌打番電話比我...原來佢打o黎係問我下個星期可唔可以hold團契??我 梗係得啦!!但好似快o左d喎!!
不過算啦!!相隔上次hold團契都唔係太耐,係2月o既事,只係相隔3個月,但第1次hold團契係番o左10個月,
到第2次就隔成年,耐到乜咁!!今次就快到乜咁!!當佢知道我同惠君一齊時,佢覺得好驚訝!!問做咩唔同佢講,
因為我知佢打緊比賽,打比佢都無人聽!!我同惠君聽日去唱K,但惠君講得我o地兩個會好悶,佢個同學又唔去!!
之前搵儀仔,佢又唔得閒,佢話吉昌唔使番學,叫我搵佢!!我同吉昌講我o地聽日去唱K,問下佢點??
佢聽日同波波去游水!!但佢竟然話...有助導竟然等於...咁都得??唔係呀??唔好咁啦!!都係算吧!!
惠君好正經咁講o左句好衰o既說話,比吉昌話佢係惡毒o既小羊!!一連兩日被兩個唔同o既助導話,
仲係自己cell o既助導!!唉...食完已經10點幾了,我o地都番屋企了!!
|
| 刊登時間：2007-05-13 03:29 AM [ 訪客留言(0) ] [ 編輯日誌 ] [ 分享至FACEBOOK ] |
« | 50 | 51 | 52 | 53 | 54 | 55 | 56 | 57 | 58 | 59 | ... | 109 | »  |
2007 年 5 月 14 日 星期一 
