�鴽琩茪F,是要叫人得生命,並且得的更豐盛��
 
M2160
暱稱: ♬MiCheLLe♬
性別: 女
國家: 香港
地區: 黃大仙區
«‹ September 2025 ›»
SMTWTFS
123456
78910111213
14151617181920
21222324252627
282930
•近況~~
•三板遊戲日...獻詩......
•中一新生註冊日(第二日...
•中一新生註冊日(第一日...
•整盾牌...番大堂祈禱會...
最近三個月尚無任何留言
我的連結
 
 
 
2007 年 6 月 3 日  星期日   晴天


少人到乜咁~~ 開心

今日遲o左少少出門口,搭車時見到阿P,同佢一齊行番書院!!計埋助導得7丁友崇拜,波波同我o地坐埋同一行!!

少人到真係冇眼睇!!gini要陪佢屋企人番崇拜,阿芝同康莉冇番,惠君又唔比出!!得波波,吉昌,我,阿生,嘉莉,

玉清同高芬!!完o左崇拜,阿生走埋!!之後係家祈!!吉昌彈結他!!有其他堂會o既人o黎睇!!今次家祈好強勁,

下個月我要hold一個比今個月更強勁o既家祈!!家祈之後,宣佈F.7助導o既去向,o個陣先知cell會有個新助導!!

佢叫阿草!!我問全珍先知佢全名叫區碧莙!!我聽過佢個名,但我未見過佢,或許我見過佢都唔知佢係乜水!!

完o左聚會之後去食飯,高芬走埋,得番4丁友,我o地去KFC食!!我o地4丁友買o左個皇牌套餐食,波波又話o黎,

之後又話唔o黎!!食剩o左少少!!但好耐都冇食,真係好好味!!食完番書院,我o地上去聽一個關於崇拜o既講座,

以婚禮去講崇拜,幾得意!!令我明白崇拜o既野更多!!接著落o既係差傳奮興會!!期間有個break,我去o左廁所!!

係去廁所途中,見到麗霞同陸熟,中間仲夾住o左個人,經陸熟o既介紹下,原來佢就係o黎我o地cell o既阿草!!

麗霞叫我o地o黎個擁抱,點知佢鬼咁死大力拍我背脊,個背脊好鬼痛!!我估呢個助導都係變態的!!哈哈!!

去完廁所開始奮興會!!完o左奮興會去23睇電視!!睇番以前d野,可以見到以前導師助導o既樣,真係好好笑呀!!

Ellen話吉昌尋日同今日都企o係部電視隔離睇,仲企o係同一個位置!!莫講話Ellen覺得佢企o係電視隔離o丫,

其實我都有留意佢o架!!Ellen冇講錯!!之後唔知係咪比Ellen話佢,連23都唔見佢個影,原來佢去o左canteen!!

o係23時睇緊電視時,惠君打比我,o個陣太嘈喇,所以冇同佢傾呀!!之後落canteen搵佢o地!!上43,有野食!!

但我上7樓搵資料!!搵搵下,又落番43玩!!吉昌同波波開會,佢o地傾F.5 camp d野!!我o地其他人就係旁邊玩!!

係咁搞gag,玩,同阿席玩得好excitedly,超正!!搞到7點到先走!!

                                  

刊登時間:2007-06-07 07:31 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 2 日  星期六   晴天


百年樹人研討會~~ 開心

今日10點9有個敬拜讚美祈禱會!!吉昌話要資深同屬靈o既人才可參與!!尋日通知話晨祈要8點9番到書院!!

仲唔可以遲到o添!!要著晨祈衫!!講到好重要咁!!救命!!今日諗住7點幾起身,8點先起身!!o岩o岩好番到去!!

其實都估到係要o係祈禱會度跳舞!!要跳首<敬拜讚美榮耀你>,係呢兩個鐘之內諗好,如果跳得唔齊就唔出!!

因為副歌只係拍手,我o地只係諗唔係副歌o個度!!January對於o係咁短時間去R一隻舞都要捉得好嚴謹!!

皆因有我同January,最後都好快完成隻舞!!我o地都決定o係中間度跳,兩個兩個咁跳!!而我o地住最後o個行!!

有其他家同十四間堂會o既人o黎參與祈禱會,January佢好緊張!!一頭一尾都係<耶穌,願你為王>!!

中間就跳了!!我就跳錯o左少少!!而跳完之後o係前面兩邊兜番去後面坐!!黃月英牧師講得非常之好呀!!

但我都好眼訓,因為今日好早起身!!聽聽下,我睇到阿豪打過比我,我send訊息比佢問佢咩事,

佢竟然話我知阿秋番唔到!!12點幾完o左,我行番去同導師助導一齊!!吉昌問我番咁早番o黎做咩??

我尋日都同佢講o左!!我話晨祈頭先跳舞!!佢話見唔到!!連麗霞,陸熟都見唔到!!o係中間跳見唔到都唔出奇,

但我o地跳完由兩邊跑番後面坐,咁大動作都見唔到!!真無奈!!之後我o地去23睇下我o地整好o既野!!

真係好靚呀!!麗霞讚我細心呀!!^哈哈^!!我同麗霞去o左廁所,我去換聖樂衫!!之後我o地去食野,去大滿貫食!!

真係好熱呀!!總之唔換住啦!!件聖樂衫黑色,好熱呀!!蠢o左呀!!我買o左個鰻魚飯食,都OK好食啦!!

因為陸熟,麗霞...有野做,所以走先!!我o地食完之後都番書院!!

                                  

刊登時間:2007-06-06 05:51 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 2 日  星期六   晴天


音樂團契~~ 開心

番到書院已經2點了!!心兒佢應承o左今日會番!!我o係門口接佢!!之後上13開cell,今日gini hold cell!!

其實兩個遊戲都好混亂!!可能我一直都打緊電話o掛!!我一直call緊呂斯利,佢尋日都話應承番,今日又唔肯番!!

叫到總結時佢都唔番,算了吧!!完o左開cell都有幾個字時間,同o左心兒去廁所同帶佢去23睇佈置!!

而阿豪去o左接港生!!那龜速都好快!!團契了,我o地團坐中間!!除o左我o地家之外,仲有曙光之家o既人o係度!!

一開始有肥妹子,阿羊,郭達天同一個男仔(唔知佢叫咩名)出場唱歌!!之後做o左一小段o既劇!!

朱小唐唱白花油王子o個首<愛多80年>好頂引呀!!而君佬唱<我們這一家>都笑爆肚!!總之全場都好搞笑啦!!

中間玩遊戲,係估歌仔!!當時我諗:如果惠君係度,佢做估歌仔o個人就o岩喇!!哈哈!!呢個吉昌o丫,

第一次就唔知係咪<歡樂今宵>啫??第二次都係扮<歡樂今宵>呀!!亂o黎o架!!不過最後都係我o地團嬴o左!!

連估第10首最難o個首都比我o地估到!!雖然笑到肚爆,但係呢個音樂團契o既連貫性唔好!!套劇係幾好!!

但梗係覺得佢o既連貫性唔好!!唔係好識講!!最後當然由人靚聲甜o既Ellen總結啦!!佢仲分享o左首歌o添!!

就係<只因衪愛你>呢首歌,同儀仔一齊唱!!真係好好聽呀!!完o左之後都冇野做,好多人都走晒!!

但我6點半卻要F.5聚!!宜家先5點,仲要等多個半鐘先聚得,o係操場度發呆!!悶到死!!又冇咩人理我!!

終於到o左6點半喇!!係聚之前去o左換番件家衫,今日著o左3件衫喇!!上41聚!!佢派o左張要帶裝備o既紙!!

嘩,好多我都冇!!仲好嚴謹o添!!今日去食飯o個陣,Panda同我講話佢F.5 camp死梗!!熱到咁,唔死都一身殘!!

之後都諗住幫佢o地手拆團d野,不過阿豆唔比小羊留低,所以我走o左!!

                                  

刊登時間:2007-06-06 05:48 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 6 月 1 日  星期五   晴天


拎成績表+佈置家房~~

今日要番學校拎成績表,要著校服番去!!今早番晨更!!一起身就call吉昌!!去到o係新堂樓下見到祺峰,

佢問我做咩做校服??因為拎成績表!!因為我F.5,所以今日好多人問我做咩著校服!!完o左之後唔見吉昌,

佢又撻Q o左!!得我,美君,祺峰,麗霞同陸熟!!而最後只係得我,麗霞同阿豆一齊去食早餐,要同大三一齊食,

去牛車水食!!食完我就番學校,因為9點要番去拎成績表!!去到拎o左幾張野,今年成績表,F.1至F.5成績表,

同埋一d獎狀!!今年考得好差...考成點唔好問我喇!!我都唔想講!!拎完我一直都o係學校,同詠詠一齊,

o係學校過o左兩個小息先走!!本來諗住同阿豪去F.1度搵新人,但因為最後詠詠都走埋,我又唔想等得太耐,

所以12點到走o左!!之後番番新堂,原來蛋蛋,阿崇,Dicky佢o地等等整緊各團o既野,而有d都幫手整家o既野!!

我都幫手整家o既野,我連飯都唔食,因為仲未餓!!到o左5點到,我就同佢o地一齊番過書院!!去到見到gini,

阿生,吉昌同Panda,原來gini同阿生都只係番o黎一陣就走了!!期後麗霞,儀仔,全珍同阿席都番o左o黎!!

我就同佢o地一齊整個網,用o黎掛住d相等等!!陸熟做o左"網中人",哈哈!!突然間好肚餓,先諗起未食lunch,

咁o岩麗霞出去買野,叫佢買章魚小丸子!!幾經辛苦我o地終於整完個網!!但要等人將整好o既窗花黐落個窗度!!

之後要將d相用雙面膠紙黐落張顏色紙度,然後將d顏色紙剪到好似雲咁剪佢出o黎!!對我o黎講都幾熟手!!

吉昌突然間同我講o左句:Michelle,好彩有你咋!!唔係得我一個整cell o既野都唔知整到幾時呀??我就回應佢:

唔係好彩,係感謝神呀!!我聽到都好開心,唔係因為助導同我講o左呢番說話,亦唔係因為得我一個幫到助導,

而係助導需要我o地o既時候,我能夠幫到助導,同佢一齊整野!!唔係得佢一個咁辛苦咁整野!!真係感謝神!!

9點了,Panda要我走,佢唔想小羊整到太夜!!但我唔想走,好想留低幫導師助導手!!阿豆話最遲做到9點半,

所以留到9點半,全日都著住校服整,真係好唔方便!!到o左9點半,佢o地都係未整完,但都整到七七八八了!!

我就走了!!佢o地10點幾都未整完!!辛苦你o地了!!10點到番到屋企睇<溏心風暴>大結局!!聽日音樂團契了!!

                                  

刊登時間:2007-06-05 11:59 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 30 日  星期三   晴天


痛到阿媽都唔認得~~ 不安

今晚諗住番祈禱會,同o左吉昌講,佢比我番!!諗住番去之前落慈雲山中心行一行,點知行行下勁肚痛!!

去o左廁所柯!!柯o左好耐,身體發冷發熱,體內好熱,出晒汗,但個身摸落去好凍!!真係痛到想call白車呀!!

痛到咁都唔會番祈禱會,只祈禱能夠有力,唔痛咁行番上屋企!!冇咁痛時就行番上屋企!!都係一時痛一時唔痛!!

好辛苦呀!!終於都番到屋企,諗住打番個電話比吉昌話我唔去,佢又冇聽,因為佢要R野!!我就訓o左o係張床度!!

打比gini傾計,痛到喊!!嗌救命!!同佢傾計可以分散痛楚!!之後都冇事,唔痛了!!期後吉昌先打番比我!!

                                  

刊登時間:2007-06-04 04:33 PM  [ 訪客留言(0) ] [ 編輯日誌 ] [ 分享至FACEBOOK ]