本來想早D打演唱會REPORT，但日記又上載唔到相，拖左接近一星期先打！
其實完場一刻我已經好似斷左片咁，而家記憶更加模糊！算啦∼記得幾多打幾多∼
 以前作文寫我的願望，我都寫希望去東京巨蛋睇演唱會，終於實現啦！！
門口看板，好有新年氣氛🎍🎍
（由於場內唔可以影相，偷拍照要低調看！原照 照片講解）
睇show前幾日收到QR code，寫住23 GATE入場，上網睇D人講多數係1樓stand，亦有機會係arena！
有期待過可以衝落去arena啦∼∼不過都估到唔會咁好彩！總之唔係2樓已經好開心∼
A：arena B：1樓stand（我個位在此） C＆D：較高位置及2樓
中央四面台設計，頭頂四部大電視，紅色係花道
倒數演唱會時有拍到舞台設計，影片30:07∼
我個位係樓梯旁邊，條柱有少少擋住，總算睇到正面及其中一條花道！原照 照片講解
感謝有人記錄左歌單及Jr.出場曲目∼∼邊睇邊回想......
我整左應援扇，一邊寫住Shige，一邊寫住MADE！
Jr.有份出場o既就舉MADE，其餘都舉Shige！其實隔咁遠佢地都睇唔到
開場立即發現我個位好遠完全睇唔清楚🤣
現場睇唔想望大電視，04.努力一番後認到稲葉光企最遠處Massu後面
有影片作實，5:45∼（同Massu對望後笑得好開心）福士同健翔完全被條柱擋住
07. Massu去面前花道盡頭準備釣上氣球，右邊花道係Shige
Shige好開心想翻筋斗，小山驚到大叫「好恐怖」，氣球距離地面25米∼
08. Shige剛好在頭頂，唱到「抱きしめていい？」「擁抱你可以嗎？」一句時，
先指一指觀眾，然後做擁抱動作，超可愛∼∼有指向我地方向，附近所有人一齊尖叫
忘記邊首歌，面前花道發生！小山遞支咪俾大河唱左兩句，唱完大河向小山90度躹躬
12. 稲葉應該色氣全開，但被柱擋住乜都睇唔到，影片8:34∼
健翔動作電到我！稲葉同大河都好性感 福士動作太快∼
15. 中央舞台但外圍有野包圍住，所有人都睇唔清楚，隱約見到有大河
介紹LIVE BAND後有介紹「DANCER Johnnys' Jr.」，跳左一段仔舞
MADE 4人一齊做「秋山-san」動作（上圖健翔個動作，將手劃過嘴唇∼）
MC講到7號係閒日，大家應該放完年假返工返學，問有冇人自行拎假。
有提起Shige以前演過o既電視劇劇名同人物名。小山幫大家拎水，自稱係媽媽。
Shige變身小朋友，訓向地下邊揼地邊講「唔制∼唔想完結啦∼」笑死！！影片09:22∼
4人轉左SOLO歌，並唔係唱今次大碟o既歌。好可惜睇唔到Massu唱＜Thunder＞
睇唔到Shige唱＜氷溫＞，不過＜カカオ＞都唔錯，右邊花道表演，最後由升高左o既舞台sir落黎∼
小山前段係面前花道表演，終於見到MADE 4人！後段去左中央舞台。
後段被今野貴之擋住兼搶咪，今野唱左幾句！唱完小山捉佢一齊道歉
睇返report，原來6號小山遞咪俾今野，點知佢唔識唱，所以7號今野練好歌走去搶咪，哈哈∼
連續幾首中央舞台表演...毫無印象...
27. 三隻外星人公仔走上看台訪問觀眾，大家都舉高應援扇希望入鏡∼
我見全部都係NEWS o既名好難突出，所以舉MADE！大電視左上角有影到我把扇，全場6萬人睇到MADE個名
而且NEWS忙住換衫都唔會睇大電視，反而Jr.較得閒可能會睇，唔知MADE留唔留意到我把扇呢？！
28. 我有望實大電視！有拍到稲葉光呢個表情！希望DVD會收錄∼
29. 開始NEWS用移動舞台繞場一周，Jr.們係花道同中央舞台跳舞
NYARO有6個Jr.係面前花道做心心pose及公主抱，只見到稲葉，其餘不明
Jr.們中央舞台，舞台升高後360度旋轉，MADE 4人企係巨蛋正中央最高一級，感覺好似佢地開演唱會
最後Jr.介紹MADE向正面，介紹三隻外星人公仔時，稲葉光一個人模仿晒佢地
6號時福士模仿魷魚，大河模仿雞泡魚，健翔模仿章魚（下圖：章魚／魷魚／雞泡魚）
其他零碎記憶∼∼唔知幾時發生∼∼
稲葉光係面前花道盡頭揮手，俾心心，雙手飛吻
健翔帶領外星人公仔係面前花道走落台，拍拍章魚個頭，然後同佢地揮手say bye bye，超可愛
MADE同外星人公仔成為左好朋友，睇REPORT佢地有超多互動，仲會拖手仔
互動時間，一半人拍手揼腳，一半人lalala哼歌，sorry到而家都唔知首歌乜名...
手越同Shige超大聲，基本上合唱時只聽到佢地把聲！Shige狀態超好∼
3小時演出，只記得咁多野∼∼如果醒起其他細節再後補！！
14/1 後補∼（睇完別人Twitter上o既report又記起D！）
18. Strawberry係為15周年而創作，Shige作詞o既一段，有「joyful」一字，
唱到「joyful」時全場一齊合唱，Shige聽到即時笑得超開心！MC時都有提起∼
MC時Shige同Massu研究如何整齊地fing手燈，結果發現360度舞台冇可能整齊，哈哈∼
提到跨年演唱會唱＜Cinderella Girl＞，綵排時Jr.經過門口後傳來偷笑聲
35. Jr.們拎住紙傘係面前花道跳舞，NEWS移動舞台剛好經過，所以唔得閒望Jr.
22. 由手越祐也作曲，作詞竟然係Jr. 京本大我，大電視打出黎一刻超驚喜
最後介紹完Jr.，所有人中央舞台圍圈企，大電視緩緩降落直至遮住晒整個人，
大概遮到去小腿位置，見到有Jr.爬係地下不停揮手，睇report原來係稲葉同健翔 |
