真係唔認老都唔得！！人大左記性越黎越差！！

尋晚不停諗住∼∼好開心又到星期二，今次輪到可愛o既健翔更新連載

結果今朝發現記錯左......今日係大河o既更新日

有少少失落，不過大河o既更新絕對唔會令大小姐們失望∼

有提到稲葉隊長及河合大哥生日🎂

看日記＊AT19_20181023

仲上載左一張全員超級帥氣，穿著西裝o既合照！

剛剛發現原來J-WEB o既翻譯工作人員會重覆檢查D文章，仲會修正返錯誤。

經常將河合郁人打成河合「鬱」人，斗真海斗打成「鬥」真海「鬥」，一睇就知用拼音輸入！

由於我力求完美，發現佢修正左後，我都會重新儲存過篇日記，刪除舊文。

重新儲存就會有新連結，為免麻煩要改連結，以後會貼整個資料夾連結，click入去就搵到篇日記。

檔案名以日期表示，日文中文任君選擇！！從來都唔覺自己做事可以咁有條理

＊＊其實左邊都有齊連結！新增左「其他」，最近野澤祐樹開始左個期間限定連載！＊＊

 ＜ABC座2018＞官方舞台相第二弾出爐啦！！！！

要讚讚攝影師，照片跟第一弾同樣優秀，又好想買......

💚稲葉光💚

黃色背心果張好可愛　以前覺得稲葉有前髮比較好睇，而家覺得gel起前髮都唔錯！

💛冨岡健翔💛

女僕　最底果張係謝幕時，背後仲影到MADE個名！攝影師👍🏻👍🏻構圖100分∼∼

❤️秋山大河❤️

嗯∼∼∼係我錯覺嗎？！感覺影大河o既攝影師技術一般！

💙福士申樹💙

福士可以俾多點笑容嗎？！因為太緊張笑唔出？！

今日Travis Japan的松田元太更新連載時提到超多MADE∼

會同稲葉一齊沖涼；會同大河一齊飲蕃茄汁；會向福士撒嬌；會叫健翔做哥哥。

看日記＊松田元太_20181022

最後仲上載左全員的裸照！！！！

好孩子∼∼∼∼姐姐會認識一下你，記實你個名同個樣！！

大河樣貌超兇　之前成日話佢肥左好多，而家睇清楚，冇肥冇肚腩啦∼

健翔髮型好好，笑容好好，上半身身型（應該）好好，如果影埋下半身更好∼

稲葉個動作想點呢？！焦點落左係佢肚臍位置，到底係有肚腩定有腹肌？！

福士只有一顆頭......先生你的美body呢？！

黑色內褲露點

祝河合郁人31歲生日快樂∼∼🎂🎉

超級好奇，到底河合前輩同秋山大河係幾時搭上

大河稱呼河合做大哥，經常一齊食飯，演出舞台劇期間仲半同居狀態∼

叫河合前輩有點兒見外，好啦！一於跟大河叫佢做「大哥」

今年大哥生日都係向＜ABC座＞中渡過，有成員們一齊過其實都好開心啦！！

只有我覺得今年個蛋糕好醜嗎？！

SORRY大哥∼∼∼∼我修飾一下用字

只有我覺得今年個蛋糕唔太精美嗎？！

大哥仲提到，MADE及Travis Japan夾錢送左部遊戲機俾佢！！

希望A.B.C-Z繼續多多關照MADE

上年係舞台上慶祝時，同時幫埋稲葉光補祝生日。紮馬吹蠟燭超可愛

雖然今年冇係舞台上慶祝，但私底下慶祝應該有吧！希望遲D有相睇∼