尋晚舉行了＜BEST ARTIST 2017＞，見到MADE去＜桃山＞見學，都估到NEWS同Arashi表演冇帶伴舞。
話說2016年的BEST ARTIST，Arashi有帶MADE！！而且個造型...... 戴黑超兼露額！
18:03開始，出場時MADE在斜台頂：www.bilibili.com/video/av7367259/
  福士 健翔 大河 稲葉
回顧完上年，睇返今年∼
NEWS終於唱新歌＜KINGDOM＞ 連唱歌好好o既Massu都話首歌好高音好難唱！總覺得手越就快唱爆咪
歌詞有提及One同Anthem，之前兩首足球主題曲名！舞蹈方面超鍾意佢地圍圈同搭膊頭動作，感覺好團結∼
第二首係同RADIO FISH合作＜PERFECT HUMAN＞，同平常NEWS風格好唔同，呢種合作表演幾好！
Massu黑髮維持左一陣又染返紅，變回四人四髮色：www.bilibili.com/video/av16784666/
另一組令人在意o既中丸雄一&SixTONES, Snow Man！原來係睇中兩組Jr. o既後空翻同不良感覺∼
稲葉隊長只會側手翻，唔識向後翻，所以無緣了∼稲葉光！！！！快練習呀！！！！
www.bilibili.com/video/av16751941/index_4.html
最無聊部分係整蠱山田涼介！ 退團真係唔可以亂講！！我地NEWS就係由9人退到得4人，所以退團係超敏感字眼啦∼
有少少心痛山田涼介，好彩大家斯文人當時冇打交∼睇得出佢地感情超好，山田o既真心話連知情o既成員都感動到喊。
www.bilibili.com/video/av16757890/
雖然演唱後中島裕翔跑去同山田涼介抱抱，但我絕對贊成山田返休息室後毒打咁多位成員，驚左咁多日辛苦了
www.bilibili.com/video/av16757890/index_2.html
特別環節，由唔同組合合作表演跳舞歌組曲！公佈後反對聲音佔多數，因為男女偶像合作，J家粉絲怕自家帥哥被女團食左，好白痴
第一部我覺得有點悶。出奇地＜UFO＞我竟然識，荻野目洋子&ジャニーズWEST唱果首即係陳慧嫻首＜跳舞街＞，開始暴露年齡
嵐&乃木坂46唱＜A．RA．SHI＞超中伏！J家同女偶像合作已經唔討好，個女仔唱錯三隻字歌詞，即被人網上狂鬧，最後要公開道歉。
作為理智粉絲真心講句，真係唱得唔好，而且一D合作o既感覺都冇，浪費左個機會∼
www.bilibili.com/video/av16763450/
第二部比較精彩！有NEWS同Morning娘。
反對聲音最大o既係Morning娘。& Sexy Zone合作，因為年齡相近怕大家亂攪兒女私情，J家粉絲真係諗太多！
Morning娘。係專業的，我怕Sexy Zone撩佢地多D囉！
之後亀梨和也好攪笑，音樂開始左仲向到做＜LOVEマシーン＞個動作！＜青春アミーゴ＞真係超經典！
NEWS部份上面介紹左。最後AKB48 &主持人合作，就係歡樂氣氛下完結，完全冇合作可言，哈哈∼
www.bilibili.com/video/av16757836/
最意想唔到o既係......
Morning娘。& Sexy Zone合作o既＜LOVEマシーン＞超有火花！！網上一致好評∼∼👍🏻🎉仲話係成晚最好睇o既表演！
M娘。粉絲讚Sexy Zone唱得好，竟然可以唱原KEY！而且跳舞超投入
Sexy Zone粉絲讚M娘。冇帶耳機都唱得咁好，超有實力，大家都好可愛
估唔到表演後兩幫粉絲超和平😂 觀眾o既眼睛係雪亮，大家都係專業偶像，做得好實有人識欣賞∼
我都覺得好精彩∼Sexy Zone竟然唱到原KEY！佢地五個真係當左自己係M娘。成員，跳得勁放！中島健人係新center
氣氛超歡樂，睇多幾次心情都好D(中文字幕版)：www.bilibili.com/video/av16760238/index_2.html
兩隊單獨表演部份都超短！
Morning娘。：www.bilibili.com/video/av16752681/
Sexy Zone：www.bilibili.com/video/av16760238/
然後，J家粉絲都話好期待再同Morning娘。合作∼ 同J家男偶像合作真係好恐怖，萬一做得唔好就會被人網上洗板狂鬧∼
妹子們好厲害，今次成功得到Sexy Zone粉絲合作許可。話說之前佢地都成功得到関ジャニ∞粉絲歡心∼
因為呢個節目：www.bilibili.com/video/av3131628/
雖然係2015年o既節目，但佢地一齊跳＜What is LOVE?＞好多粉絲都仲記得！
而且仲有一段故事令兩幫粉絲加深淵源！！
2016年12月10日，兩隊都係札幌開演唱會。當日落大雪飛機停航，令到Morning娘。成員們去唔到北海道被迫中止演唱會。
而関ジャニ∞早一日已到北海道所以冇影響照常開演唱會，但好多粉絲去唔到現場出現吉位。
一邊有粉絲冇偶像，一邊有偶像冇粉絲！大家一拍即合網上搵飛讓飛，終於填滿左札幌巨蛋9成位置！！
後來村上信五係電台節目講起，當日都覺得奇怪，咁大雪都冇影響有9成入座，仲有咁多男觀眾。
之後工作人員向網上見到呢件事，話返俾成員們聽，佢地都超感動，仲係節目多謝M娘。粉絲∼
聽講後來有関∞粉絲專登去睇Morning娘。演唱會當回禮。大家守望相助和平共處咪幾好！👍🏻
合作都要睇八字夾唔夾∼Morning娘。同Johnnys事務所冇問題啦！下一次會同邊隊合作呢？
|
増田（貴久）君演出音樂節目或舞台時，會特意指名要我們
