呢幾日..突然想起好多以前既事..

最記得既應該係果晚吧..第一次將心裡面的委屈...不滿發洩出黎

果晚真係嚇死左好多人= ="諗起都有d唔好意思

不過好彩身邊有你地既陪伴..令到我可以再一次勇敢既企起身

可能我真係將自己收得太埋啦..

有時連我自己都唔知點解會咁..可能我就係一個咁怪既人

記得你地講過...其實係我地咁多人當中....我係最唔好相處開果個

因為我唔會咁快就將個心交出黎...我將自己保護得太好..

可能係時候改變...不過我相信需要時間...請你地等多陣吧

尋晚訓到一半...竟然發惡夢....攪到嚇醒左..

之後個心就好亂...一直訓唔著

攪到5點幾先訓到..不過訓唔夠一陣就要起身返學...

所以好累..成日就好想訓- -acc堂miss冇返..哈哈

我緊係把握機會訓啦...

不過訓到腰好酸= =...真係傷心= =

放學返到home...冇得訓..仲要做地理報...做到8點先做好 --

好累 --都係去訓啦~~

今日一個字容易- -慘......

由早上起身...就開始痛...

如果唔係今日有2堂acc..我先唔返呀- -

好彩..下午有返去...坐車果時..勁痛..

痛到有d想喊- -

突然之間覺得自己軟弱左..

連自己都唔知點解..

好希望可以做返以前堅強既自己..

止少面對困難..唔開心..都可以勇敢面對

有人話處女座既女仔係最鐘意亂諗野..

一d都冇錯....

一個人係home..冇買野食..因為冇胃口

所以就一邊聽歌一邊睇書..

有人問過我點解咁鐘意睇書..

咁係因為係睇書果時..我係一個局外人

冷眼睇書裡面既一切..果種感覺唔知點講好

反而對事情睇得更清楚明白...

只想成為局外人

不想成為局中人

今日係吹水既生日..

因為今日軒仔揚仔同佢都要返工..

所以尋晚我地6個人就幫吹水慶祝..

我地去左旺角吃韓式燒烤一個人88..

好彩我地一早訂位..如果唔係都好難有位

果度真係好多人= =+仲好大油煙味..

因為係任飲任食..所以我地都沖出去鮏野食..

第一次就鮏左好多壽司返黎..之後就一直鮏燒烤既野食...

岩開始我地都不停吃不停吃..但係冇幾耐..個個都食飽啦 ==

之後我地就不斷去鮏熟食返黎食..仲有糖水雪糕等等..

完來西米露+雪糕好好味嫁..哈哈

揚仔成晚超攪笑..一個人坐係一邊每次去鮏既野食都係唔同既,,

之後就一個人一邊食一邊俾我地笑..

我地食到差唔多..又開始玩遊戲- -

玩猜剪刀.石頭.布..輸左既飲汽水..哈哈

好彩我冇輸咋..李雪儀飲到死左呀- -佢輸得好慘..

玩完飲汽水..就玩吃壽司= =仲+上x辣

好慘我輸左一次..吃到好想嘔- -

妍妍輸得最慘呀..食得最多 --

食到快12點我地就坐亡命小巴返去華天天台= =

去會合李生隆..我地玩話事x

玩到勁激呀...粒墨好慘..輸左2次= =

我又冇輸啦//哈哈

我地玩得太大聲= =玩到有警察黎==

之後我地就走人啦..

吹水你一定過左一個好難忘既生日啦@@

2月28號係yen既生日...

果晚我地5個女仔..我.粒墨.娥姐.人妖.yen一齊去左紅火蟻BBQ

果晚係紅火蟻既最後一晚開鋪..好彩我地唔係遲一日去咋- -

我地6點幾就去到紅火蟻..我地係最早嫁..

因為係最後一晚開鋪..所以有好多野食都冇提供- -

勁唔開心囉..咩都冇..但係就仲要收68蚊一位..

不過我地5個都食左好多野...飽到死左- -

一路食到10點..就走人啦..

係返去既途中..YEN打開左軒仔同揚仔包俾佢既利是

佢地2個死仔話係每人包100蚊..點知YEN打開一睇

竟然係4A班既人名紙...之後笑到我地死左

YEN立即打電話去鬧佢地..最後佢地落左黎花都..請我地5個食糖水..

食到11點幾..我地就返HOME啦..因為第2日仲要返學= =

今晚都幾好玩...哈哈