開始寫呢個BLOG, 其實無諗住會有好多人睇, 只係想記錄下自己成長既經歷。

由細到大, 都好貪玩, 做人既宗旨係 "寧靜後悔做左一樣野, 都好過後悔無做到一樣野", 所以一有機會就咩都試。

好既壞既咩都試過, 好在我一直都深信一樣野, 就係玩得最高既境界係, 要玩得又讀得到書, 所以無風無浪又升到上大學。

一直以黎, 感情都係我成長入面最大既課題。 可能因為覺得屋企俾唔到愛, 所以成日都掛住拍拖, 

所以我既ENERGY一直都係向外, 一路都向外去尋找愛。當然, 後來先明白到, 原來人就係愛, 根本就唔應該向外去搵。

講番NEW AGE, 第一次接觸既係TAROT CARD. 我諗好多女仔都同我一樣, 覺得呢樣野好神秘。

第一次玩既係"星座小王子"出既TAROT, 得22隻主牌, 有本書仔介紹正位同逆位既解說。

之後一直都對呢樣野著迷, 曾經有一段時間仲好想去試下好出名既利時神婆, 可惜屋企管得嚴, 而利時神婆又夜晚先開工, 所以一直都無去到。

而到左大學畢業出黎做野之後, 都一直去試唔同既野, 仲記得有次有位舊同事介紹我去見一個THAI MASTER,

佢講D野真係好準, 仲試埋佛牌, 經歷係點, 就遲D先再講喇。

直到一次, 我真真正正既搵番自己既時間。 由我有記憶起, 開始拍拖後從來都未試過單身超過一年, 一直都係幫別人既事情, 

自己想要既野總係放到最後。

終於, 機會來了。 和一個很愛的男友分手了後, 時間很多, 有時間學自己想學既野, 所以就去左上TAROT CLASS.

之後都KEEP住我既MOTTO, 咩都玩咩都試, 試過SRT, REIKI, 生命數字, 零極限, OSHO ZEN, 星盤, RUNES, 水晶, ANGEL CARD, AURA SOMA,etc.

一直都好想寫低我既經歷, 對自己坦白, 而今日, 我終於都實踐左我呢幾年黎想做既野!