原來轉眼間已經好耐無update過呢個blog, 可能已經唔會再有人睇。不過今日心血來潮想更新一下自己既近況。

睇番之前自己寫既野，好似已經過左好耐好耐。
以前既我已經唔係呢一刻既我。
從前我唔敢做自己，只係不停希望某些人／某些事會發生，令我可以被動地去改變。
最後，某一日我突然醒覺，點解唔主動去改變現況呢？
我請求觀音上師，請求存在的幫助，讓我去行前一步。
我做了一個所以家人也不認同的決定，但這個決定令我尋回自己的人生。
可能我不再是他們眼中的乖乖女，但我知道這是我的選擇。
原生家庭是我們的靈魂出生前自己選擇的，所以要確信這樣的原生家庭才可以幫助我們去完成今世的課題。
一切也只是一個場景和演員去配合我們這場人生的戲。
感恩最後我遇到了最愛的人，一步一步行近我夢想的人生。
所有以往學過的東西／經歷過的東西也是命定的，沒有過去的我，便不會有今天這個成熟的我。

要上的身心靈課已經夠了。
所有的身心靈課程也只是提供一個工具去幫助大家尋找ｗｈｏ　ａｍ　Ｉ　我是誰。
人是需要時間去消化和運用這些工具的。
當然如果大家還是很想去上堂，我不會反對，但請大家用心感受。
我真的看不過眼有一些人開價非常高，包裝得很神化地去令人甘心付錢，但得到的只是虛偽的關心。

Ａｎｙｗａｙ，完成了古典占星課程後，我想我會再停一停，專注去好好經營我的人生。
有機會再和大家好好分享。

Deserve to be loved....

 先同大家講句『我愛你』。

之前有提及過零極限的四句說話: 我愛你, 對不起, 多謝, 請原諒我。

而今日就講講愛同恐懼既關係。

曾經睇過一本書, 書名已經唔記得左喇。本書入面講過,其實呢個世界上所有的情緒都係由愛或者恐懼而來。
而恐懼根本就係因為愛。

唔信? 我地睇下以下幾個情況。
 

不同的負面情緒
1) 擔心: 死啦, 我隻貓貓病左, 會唔會有事架....
2) 焦慮: 如果我趕唔到DEADLINE交份文件... 我係咪會俾人炒架?
3) 嫉妒: 佢間屋大我勁多... 我成屋6個人迫埋一齊住...佢就巴閉啦...2個人住3房....
4) 內疚: 我尋日見到我Best friend個男朋友拖住第二個.... 我又唔敢同佢講...宜家好內疚呀...
6) 不滿: 點解領導人黎香港, 香港要封道!!!! 
7) 傷心: 好SAD呀.... 我棵植物死左.......

相信以上呢D情況大家都會出現過。但出現負面情緒既原因係咩呢? 通常都係因為恐懼。
等我地試下用恐懼黎解釋一下以上7種出現負面情緒既原因。

1) 恐懼:  死啦, 我隻貓貓病左, 會唔會有事架....  你恐懼貓貓唔會再陪到你。
2) 恐懼:  如果我趕唔到DEADLINE交份文件... 我係咪會俾人炒架?   你恐懼你會無左份工。
3) 恐懼:   佢間屋大我勁多... 我成屋6個人迫埋一齊住...佢就巴閉啦...2個人住3房....   你恐懼你既屋企人無舒適既生活環境。
4) 恐懼:  : 我尋日見到我Best friend個男朋友拖住第二個.... 我又唔敢同佢講...宜家好內疚呀...   你恐懼你best friend俾人呃。
6) 恐懼:   點解領導人黎香港, 香港要封道!!!!    你恐懼你認識既香港已經唔係以前既香港。
7) 恐懼:   好SAD呀.... 我棵植物死左.......   你恐懼植物會離開你。

但其實, 你有沒有想過, 其實恐懼也是愛的一種? 所有的情緒, 無論是正面/ 負面, 它的出發點也是因為愛。因為世事萬物只有愛。
不信? 再看看這7個情況吧!

1) 愛: 死啦, 我隻貓貓病左, 會唔會有事架....   你愛你的貓貓,  所以唔想佢受傷害。
2) 愛:如果我趕唔到DEADLINE交份文件... 我係咪會俾人炒架?  你愛你的工作, 唔想失去。
3) 愛: 佢間屋大我勁多... 我成屋6個人迫埋一齊住...佢就巴閉啦...2個人住3房....   你愛你的家人, 想佢地得到最好的東西。
4) 愛: 我尋日見到我Best friend個男朋友拖住第二個.... 我又唔敢同佢講...宜家好內疚呀...  你愛你的B est friend, 希望佢得到幸福。
6) 愛: 點解領導人黎香港, 香港要封道!!!!    你愛香港, 愛我們的家。
7) 愛: 好SAD呀.... 我棵植物死左.......  你愛你的植物。

所以, 要將負面情緒轉為正面情緒的其中一個方法是, 覺察自己的情緒。告訴自己, 你是情緒的主人, 你可以把情緒轉化為愛。

只要你能常常覺察自己的情緒, 負面的情緒便無法留下來。覺察就好像光一樣, 把光引進來, 黑暗便留不下。

希望大家的生命也能充滿著愛與光吧!

 2015年<我的創造年>其中一個藝術班係Henna班, 即係人地成日講既『印度紋身』。
但其實上完堂先知點解Henna唔可以叫做紋身, 因為紋身既定義suppose係長時候留在身體上既。
而Henna基本上兩星期玩完 (除非你已經好老, d身新陳代謝超慢啦)
同埋其實Henna係由我最愛既Egypt黎架, 同埋最左印度,好多地方都有Henna, 佢地既pattern係唔同架!

(拿, 呢個時候, 你就會問, 點解你過左一年都仲會記得既?)

(其實唔係我特別好記性....係因為我以下落黎介紹既導師真係好堅.... 佢上度不停咁考我地記憶, 問到你實記得晒所有野架!!!!)

講番想學Henna既原因, well, 去片!!

www.youtube.com/watch
 

而跟到Abe sir學, 都真係一個緣份。
又係『咁岩』有朋友學左share上Facebook, 我『咁岩』睇到又放緊假, d時候又perfect, 又搵到個好朋友仔陪我去學, 個地點又近我屋企, 咁就成左事喇!
所以話, 所以野都係整定既!
而咁岩Abe sir超多班入面, 電視台揀中左我地呢間黎拍野....攪到我都有份出鏡, 仲要接受訪問tim!

(果陣好肥呀....睇番一年前既自己...好怪.....)

係時候介紹Abe sir喇, 我其實好少會介紹個人, 但呢個人真係好特別好得意!
佢o係香港henna呢個圈子應該無人不識, 仲要出左本書! 無錯, 係出左本書!!
呢本係唯一一本香港既書介紹henna架! 
而我可以幸運地有Abe sir既親筆畫同簽名tim!!!

(完全唔明點解呢個人可以寫住--> 是但畫啦...)

第二樣要介紹Abe sir既係, 佢最出名係飲住啤酒黎教書, 佢話咁樣佢個人會清醒d.. 上緊堂既時候, 仲會消失5分鐘, 點解呢? 大家上堂就知架喇!

不過認真, 呢樣野都係我欣賞佢既其中一樣野, 因為佢真係好真誠做自己。 我就係我, 就係咁樣。同教學好唔好係兩回事。
如果大家覺得咁樣係有問題既, 其實唔係真係分析緊佢既教學同畫功, 只係judge緊『老師應有既模樣』....
而我可以話俾大家知, 上佢堂真係完全唔悶~~~ (又hardsell左tim)

入番正題, 先俾大家睇下我地上堂既相。

呢個係好好彩地俾abe sir揀到黎畫既同學仔

呢個就係abe sir喇!!

呢隻手係我既~

而我地畫落人地隻手之前, 梗係要不停咁練啦, 以後我開公司d長命meeting既時候, 都有野做喇..
大家睇下:

仲要出賣身邊既人:

最重要既, 跟abe sir學, 佢真係會教晒你所有野, 學完之後你夠膽已經可以出黎幫人畫收番錢。
因為佢連點樣整henna都會教晒你:

所以, 如果大家想學henna, 就考慮下跟abe sir學啦!佢之前仲去左台灣度教班。所以台灣既朋友都可以搵佢呀。

佢個page: www.abe-henna.com/

fb: Abe henna

ps: 我真係同佢唔friend架。 

而最後, 加番少少野。點解我會介紹呢個班呢?
因為其實當你好專注咁做一樣野既時候, 呢個就係靜心既狀態喇!
有人會選擇坐禪, active meditation, yoga, 畫zentangle, mandala, 而其實, 畫henna都係一個好好同好簡單既靜心。
只要你堅持日日做5分鐘靜心, 你會發現你個人會平靜左, 諗野會清楚左!

無論你揀邊一樣靜心方法都好, 都要堅持呀! 專家話, 只要你連續做7日, 咁就會變成習慣架喇。

 原本想COPY AND PASTE之前打左既『一號年』報告，不過搵來搵去都搵唔到，睇黎都係重新過啦。

之前提過，生命數字中，個人流年既１號年是『創造』的一年。實際上是一個ＣＹＣＬＥ既開端，最岩用黎定位黎緊既ＴＡＲＧＥＴ！
而呢一年通常都會重新開始好多野，有好多新既機會，識到好多新既人，接觸一Ｄ新既野。

而我既２０１５　（１號年）真係多彩多姿！大家睇下呢張相就會感受１到當中既創造力。

呢一年，簡直係我最ＡＲＴＩＳＴＩＣ最有創造力既一年，好在我好好好把握到！
以下既只係部份既例子：
１）學左HENNA, 遲Ｄ同大家分享下, 阿SIR真係好好人好攪笑
２）終於學識埋穿手鍊／頸鍊
３）接觸左精油，唔係想ＨＡＲＤＳＥＬＬ，但呢樣野真係令我食少左好多藥
４）由於精油，都令我開長展左我既精油頸鍊系列，有估唔到咁多人欣賞，呢樣野係超感動架！
５）第一次上台唱歌，ＤＡＮＣＥ，同埋ＤＲＡＭＡ！我真係真係無諗過所有野會係同一年發生！
６）２０１５年既ＨＩＧＨＬＩＧＨＴ，一定係我終於完成夢想，做左車主！果然係創造既一年。
７）除左車，我仲終於達成心願，養左兩隻可愛既貓貓。
８）工作上，我都有一個新既Ｔｉｔｌｅ，接觸新既層面
９）仲學左影響我一生既Ｍａｇｎｉｆｉｅｄ　Ｈｅａｌｉｎｇ，　呢樣野一定會同大家介紹架之後
１０）加埋好多個第一次睇既演唱會，同旅行！

２０１５年，真係完完全全係創造既一年！

而２０１６年係關係既一年，咁我就過左半年再分享一下我既２０１６年喇。

好喇，　幫大家重溫多次流年既計法。
大家只需要用當年既年份同生日既月＆日加埋就可以：

例：２０１６年，我生日係３月１７日，即2+0+1+6+3+1+7=20, 再兩個號字相加，就得到２喇！
而其實呢一個ｃｙｃｌｅ都有主要要學既野，有９年俾你去學，去到９號年，就會有個大考試架喇∼∼∼
流年１－９代表咩，大家可以睇番我之前既ｐｏｓｔ呀∼有唔明都可以問下我架！

經過超過一年的時間，我決定重開這個版。

等我同大家分享下最近發生既一個ＡＭＡＺＩＮＧ　ＳＴＯＲＹ啦！

話說前幾日，我在ＦＡＣＥＢＯＯＫ　ＰＡＧＥ收到一個信息，原本我都無諗住睇架。
因為通常Ｄ信息都係查詢精油頸鍊，但其實由我養貓開始，我已經做唔到手工．．．
一拎個盒出黎Ｄ貓就出黎玩，我驚佢地食左Ｄ配件，所以已經停左個生意好耐．．．
但果日咁岩想睇下個信息講咩，神奇既事情就係咁發生喇！

原來對方係咁岩想學ＳＲＴ，咁岩ＳＥＡＲＣＨ下，咁岩見到我個ＰＡＧＥ，又咁岩發現我有個ＰＯＳＴ講生命數字！
之後又咁岩咁岩發現我同佢係同年同月同日生日既！
就係咁多咁岩之後，佢就決定ＳＥＮＤ　ＭＳＧ俾我喇！
心水清既你地，又點會估唔到呢。呢個世界上，又點會有咁多『咁岩』呢？
所有既『咁岩』都一定係約好左既，係靈魂約定？係神既安排？係天使既幫忙？呢Ｄ都未必可以肯定，但我可以肯定既係，今次既相遇一定係有原因既！

而當我地相認左之後，我地發現仲有幾樣野都係咁岩架！
當我地傾緊某一樣野既時候，我就話喇：『我尋晚睇與神對話既時候都有講呢樣野呀！』
而佢竟然話：『真係架？我尋晚都係睇緊呢本書呀！』
我果刻更加明白，點解之前果晚會揀左呢本書。我屋企身心靈既書真係好多，其實呢期係睇緊有關Animal Communication既書，
而當晚，我都係唔知點解咁岩揀左呢本書黎睇！
再之後，我地又發現，佢將會學ＳＲＴ既中心，就係我當年學果一間。
我相信，咁岩既事，我地會再發現更多！

我分享呢個經歷，唔知有幾多人會睇到。但我好想話俾大家知道，如果你有緣睇到，你可以諗下，係咪真係咁多野咁岩發生呢？
神（存在）安排既所有野，都係有原因架！無論痛苦，開心，神奇，咁岩既所有事情都係！
諗下呢件事既發生，對你而言係因為咩野。人生只係一個場景去令我地經歷，成長，提昇。
當大家細心留意，就會發現其實所有出現既人／事，都係間接•直接令我地成長架！
而我，今次既第一個得著，就係呢件事俾到好大既信心我，原來，呢個ＢＬＯＧ係有人睇到架！！！！！
所以，我就決定分享下我呢一年多學到既經歷，希望都幫到大家啦！

大家要等我呀∼∼∼