我真係唔知點?

你一時又要我去理﹐一時又要我唔好理!

當我去理果陣﹐你又向度話我﹐唔理又話!究竟想點呀?

我好辛苦呀.....................

雖然尋晚都幾夜先訓﹐但今朝8點已經起左身啦~~~

佢地仲早過我訓﹐但佢地又遲過我起身!!!

佢地未起身﹐咁我溫住書等佢地啦……..

9點﹐我既媽媽大人終於起身啦~~~

之後我同媽媽去大快活買早餐啦………………….

買完番黎﹐爸爸同妹妹都未起身喎!搞錯呀…….

唉…..大快活既服務真係唔要得囉!pack得已經唔好架啦!仲要成日俾少左d野…..too bad~~~所以媽媽落去換過啦!

我地一路食早餐﹐一路睇番肥田囍事!!!好搞笑呀…..哈~~~

到左11點幾﹐我地送爸爸番工!!!

落到去﹐當我地行到培基果條路﹐咁我望一望馬路﹐望到一架好熟口面既車喎!再好迅速望下個車牌號碼﹐哈….. Bingo!!!

哈….媽媽好似仲興奮過我咁既!雖然我都好開心……

媽媽即刻叫我打電話俾佢啦!我諗住番屋企先打啦!但我媽媽已經拎左個電話俾我啦!加上媽媽好似好想我打﹐咁我就打啦………….

咁我一打過去﹐Donna 媽媽就即刻問我係邊個啦!哈….緊係啦!依個電話都唔係我既!!!跟住就傾左一陣啦!!!

傾完﹐我百怪既屋企人當然會問我傾左d咩啦!!!咁我講左d俾佢地聽啦!點知媽媽聽錯左一d野﹐真係俾佢笑死呀!

送完爸爸番工﹐我番屋企又繼續溫書啦……………….

溫到1點幾﹐我同媽媽落左city one 既一粥麵食野﹐我果碗魚腩粥好正呀…….

食完﹐我地去左百佳買野啦!本來只係買糧俾Dicky!點知又買左好多野!

哈………..我地買左紅豆味豆奶同coffee + chocolate味荳奶試下!!!

唔……….. 紅豆味豆奶好有紅豆味呀! 不過coffee + chocolate味荳奶只係有coffee味!無乜chocolate味!!!但都幾好飲……..

番到屋企﹐溫左一陣書又落去running啦~~~

一落到去﹐媽媽又問我唔知會見唔見到呢???佢仲玩我又見到啦!

哈…..我心諗 :既然你咁想見既﹐下次約佢果陣就叫埋你啦……

到左夜晚﹐食番尋晚果蛋糕﹐好味呀……….

今日係我妹妹既大日子呀……….我向度同佢講聲生日快樂先!~

HAPPY BIRTHDAY TO KAREN…….

今朝番10:30﹐放1:30!!!最開心係星期五架啦….哈!!!

但上緊CDM果陣﹐突然胃痛!!!痛到我要閉上眼睛…..

咁放學Jenny陪我去7仔買三文治…..可能我朝早食得好少﹐搞到勁肚餓﹐所以…….

當我俾完錢﹐媽媽先打電話俾我去食野!!!如果佢早d打俾我﹐咁我唔買啦!

之後去city one既大快活join佢地啦….

哈….食完野﹐突然心血來潮想買衫!!!

我向一間鋪頭見到2件好靚既衫﹐但實在太貴啦!!!所以只准望﹐唔准買!!!

跟住去左另一間鋪頭睇啦!!!睇中左2件﹐價錢合理﹐所以買左佢地啦~哈,…..

到左夜晚﹐我地成家同埋婆婆､姨丈､2位表姐､2位表哥 + Queenie出荷里活廣場既pizza hut慶祝妹妹生日!!!

我地去到果度都6:30﹐但勁多人呀…..

媽媽問我地好唔好轉軑呀?我即刻話唔好﹐因為我已然好耐無食過啦…….

雖然想食﹐但都要付出架~就係要等好耐呀….等到我地腳仔都軟啦~~~

當有位果陣﹐佢地又未到齊喎!咁食又要等!

等左一陣﹐終於齊人啦!!!

哇……..Queenie非常客氣呀…..買左個生日蛋糕俾妹妹呀…..可惜唔可以向pizza hut 食啦!如果要向度食﹐就要俾50大元!!!我地緊係唔俾啦~~~唯有留番聽日食啦!

D野食好正呀…………….

食完野﹐我地就影相啦!!!

影完﹐再去影photo stickers!!!

哇………勁多人迫埋同一部機呀!有9個人呀……..有我地成家､2位表哥表姐+Queenie!!!

我同表哥諗住一齊做同一個手勢﹐但實在太多人啦!!!做唔到啦…..

影個陣﹐個個都話影得咁核突架!!!!好多不滿意既聲音呀……….

之後個個都以為影完﹐諗住起身走人﹐點知仲有得影!!!笑死我地………哈~~~

真係影完啦﹐但出黎既效果都幾好!!!再加埋我同妹妹既加工﹐簡直係靚到絕呀….哈!!!!

到左10點幾﹐就番屋企啦………..不過今晚真係過得好開心呀~~~

今朝番9:30呀!好眼訓呀….尋晚已經10:30就上床訓啦!點解都係咁眼訓既???

番到去﹐上QT………

唔知今堂既時間過得好慢呀……………但好留心上堂~~~哈…..

嗚…..上完QT﹐Jenny 要去睇醫生呀!

上完QT﹐再上LSB……….阿SIR講D野好核突呀……..不過佢只係講笑姐…..但千萬唔好坐最前﹐因為佢會俾好大壓力果D位前排同學!!!

到左lunch﹐無Jenny陪我食!好掛住佢添~~~

咁我同Eddie, Reo, Ella, Jane &四仔食啦!!!

我都好耐無同Jane食啦!不過無辦法啦!唉………

食完﹐Jane教我地玩 “Stop the bus”!新GAME~~~哈…………

到左1:30﹐又上FA啦……………..飯氣攻心呀!

上完﹐我同Ella去Reading Room溫書!!哈……..果刻我覺得自己好乖呀!!!

溫左一陣﹐Jenny 番黎啦!!!

佢番到黎﹐我地就去隔離果間有得講野既Reading Room!!!我地就傾番Jess嬲Ella果件事!!!唉……..好煩呀!搞到我同Jenny好似犯人咁………………. 但真係好少事喳喎!!!朋友﹐24小時唔可以陪住你架喎!一定有分開既時候架喎!你就係為左佢唔陪你而唔睬佢!會唔會小氣左D呢???

我都唔係識你好耐﹐但我都見過你嬲佢已經有幾次﹐仲要係嬲同一樣野!

當我地行樓梯落Lecture Room﹐咁我地都係傾緊果件事﹐但向遠處見到Jess﹐無幾耐﹐又見到我唔想見既人!!!

真係日頭唔好講人呀!!!果陣時我諗起以前開prefect party果陣﹐我､芝 &美娟講緊王sir﹐佢即刻出現我地面前!!!嚇死呀!

今朝晨早起身﹐拿拿聲做埋份LIIP﹐費事今晚番黎先做!!!

一做完都9點幾﹐咁就換衫出門口啦!

番到去﹐心情依然十分之好!!!

但當Jenny 同我一齊去toilet果陣﹐發生左一d極唔開心既野!!!搞到上BE堂我有好多野諗!心情指數直插谷底………………………

當放break果陣﹐又係咁呀!!!我真係唔想囉~

之後上完BE﹐咁我依然係好down咁…..Jenny 就問我做咩事!點解呆呆滯滯呀?平時既我係好開心架喎……………….

佢咁問﹐我真係唔知點解釋俾佢聽!

咁上完BE﹐就放Lunch啦!

咁我同Jenny 去霸位﹐Ella就去叮飯啦!

但Jenny買完飯番黎﹐同我講:Ella佢地向果邊霸左位喎!仲要係好接近果d面目可憎既人食飯!

我心諗: 乜我無話俾佢聽﹐我地去霸位咩?佢叮完飯應該打電話俾我啦!但又無喎!

跟住我打電話俾Ella啦!佢竟然又問我點解唔坐佢果邊!

唉……..究竟我要講幾多次呢???點解要明知故問呢!

咁我唯有同Jenny一齊食啦!而佢地向果邊食啦!

食完野就join番佢地啦!

跟住上LSB啦!心情指數回升番!!!

之後又兩個阿SIR入黎講野!但佢一入黎﹐Jenny就幫佢地改名!一個係叫巴斯光年﹐一個叫麵包超人!!!笑到我牙較都緊哂!哈………………………………………

Then, 上FA啦!

咁阿甘落左下一行同小云坐啦!Ella就移位同Jessie坐啦!咁佢叫埋我地坐埋過黎﹐咁我地話,哎呀!唔啦~張椅咁熱!!!

咁Jenny叫佢坐番過黎啦!!!咁佢就坐番過黎啦!

之後就發生左一d野啦!我同Jenny都聽到小云同Ella講,Jessie嬲左你呀!依個時候﹐我同Jenny都諗到發生咩事囉!

到左放學﹐我地就問清楚Ella係唔係咁啦!點知真係囉!Ella好無奈﹐連我同Jenny 都好無奈!

哇……..真係好小事喳喎~~駛唔駛咁易嬲呀???