哈………今日朝早送爸爸返工既時候﹐唔知見到邊個呢???一架熟悉既私家車﹐一個熟悉既影子向我面前擦身而過………..但好快就消失左啦~~

送完爸爸返工之後﹐我所有既時間已放在妹妹果度﹐我依個家姐真係唔易做呀……唉!!!

今日番10:30﹐放1:30!!!正呀………..

一早起身，就開電腦啦…..再睇番尋晚果集既鳳凰四重奏!

點知睇下睇下無哂畫面!!!我幾驚自己整壞左部錄影機添…..好彩今朝媽媽睇已經係咁啦……

之後熄左再開過﹐又可以睇得番…..恐怕部錄影機都差唔多啦!!!

睇完就出門口啦…………………………………………………….

雖然今日遲左起身﹐但向架車度依然係勁釣魚~~~

當搭243m﹐見到Jenny喎……哈~~~~咁我就唔駛咁悶啦……

番到去﹐第一堂係BE﹐勁悶呀…………………

之後再上埋C&DM tutorial﹐都係咁悶!

到左1:30﹐終於放學啦……yeah~

番到屋企﹐就向度hea啦……………………………

到左6:30﹐我地就約左一位好耐無見既人!!!好好好開心………….

我地出左九龍打邊爐!!!不過唔知點解好多菜食呀……..食到佢同媽媽飽到上心口呀……….哈~~~

食完﹐佢就送我地搭車啦!!!Thanks so much ar……..

今日已經早左起身架啦﹐又早左出門口啦!!!但都仲趕到死下死下咁……..

我7:30已經出門口啦!落到去﹐見到我平時搭果架49x﹐咁我諗住如果搭依架車就好早番到去﹐所以我搭下一班車啦!!!

搭49x都無問題架﹐但當搭243m﹐去到青怡花園果陣塞車喎!果陣已經9:15啦﹐仲要人有三急喎~真係忍鬼死呀!!!

好彩番到去都係遲左2分鐘姐!!!好多人都未番齊!

我一入到去﹐見到Crystal﹐佢就同我笑!!!開心…………哈~~~

之後﹐我一放低野﹐就同JANE一齊去Toilet啦……..

去完toilet﹐條氣都未順番!!!唉…….真係黑仔呀~~~

哇……ECB教埋依D野既!好似Lifeskills 咁既!要畫埋D mind map……

上完兩個鐘既ECB﹐再上C&DM………………….

哈………….上C&DM果陣﹐俾Jenny笑死呀!!!

佢同我講:點解佢個頭會 “咩”左既?”但佢隻眼係望住阿Sir講架!!!果陣我好迷茫啦….

阿Sir個頭邊有 “咩”呀???跟住我而個時候get到佢原來話緊佢隻熊熊!!!

哈…….小云聽到我地笑﹐就問我地做咩笑得咁奸呀???依個時候Ella問我地笑咩呀???

但我同Jenny笑到收唔到聲﹐所以講唔到俾佢聽………….哈!!!

1:30放lunch啦…….Yeah~~~

同Ella, Eddie, Reo, Mandy &Jenny 食啦……………….

當我開個飯盒蓋﹐Eddie, Reo, Mandy就話好香呀~~~不斷問我食咩呀!!!

食完就同Eddie, Reo & Mandy玩鋤大D啦!!!哈…….

大約2:30﹐我地等 “車立”啦!!!依個時候見到Chris同埋Course Leader!

我同Jenny都覺得Chris靚左好多呀!佢面色紅潤左﹐女人味重左!!!哈…..我鍾意呀!

之後我地又講﹐如果 Chris教我地FA就好啦!!!可惜………

而家好懷念Chris教我地Account呀!!!我唔要Florence教呀…….

跟住上BE  QT啦…….期間我聽到有人話BE tutorial個位Miss教得好過Lecture果位阿Sir!!!哈………我好同意佢講呀!!!

到左夜晚﹐聽到一個壞消息﹐有人懷疑生Cancer 呀~~~唉……….希望佢無事啦!!!

今朝唔知醒呀!!!原本較6:00起身﹐諗住訓多陣﹐但訓到成7:15先醒!起身個陣﹐隻手仲要痺哂…..

之後我用15分鐘整哂所有野!!!真係趕到死下死下呀!!!

咁落樓之後又要追車喎………..今朝都唔知做乜事呀….咩野都要趕餐死!

今日第一堂係QT﹐阿SIR今日講野好好笑呀…..搞到我同Jenny成日笑!!!哈…….

哇….好勁呀!今日2個鐘教左兩課書……..因為有一課係教埋d中學識既統計圖!!!

之後﹐我同Ella一齊行上7樓﹐當行到7樓﹐我見到Chris呀!!!哈…..好耐無見啦…..好開心呀!!!真係好掛住佢呀……….哈….

跟住上LSB啦……一樣咁搞笑!!!哈哈…….

12:30就放學啦……..

我同Ella, Eddie一齊走啦……仲講起Chris添!!我地三個都好想Chris教番我地FA﹐唔想Florence教呀~因為佢教實在好似催眠緊我地咁!如果Chris教我地﹐包保唔會眼訓﹐而且會笑死呀~~~哈……………

一早﹐我7點幾起身﹐之後開電腦同人chat下啦……..

chat 左一陣﹐就做下功課､溫下書啦~~~

到左9點幾﹐我就出門口去番學啦!

當我等 “車立” 果陣﹐見到鄰居﹐點解D人個個都係同我講同一個話題架???好煩呀…….

番到去﹐我就去找Jenny啦……同佢找完Florence﹐跟住向reading room出面坐左一陣﹐不久Ella出現向我面前!俾我嚇一嚇添…….

Then, 第一堂係上BE﹐好悶呀……………..

上左一個鐘﹐放lunch啦!!!哈哈…….

哇﹐我果碟飯好多呀…..我食左一半已經食唔落啦﹐所以唯有放棄啦……

見到日日都係食唔哂﹐所以我決定聽日帶飯!!!哈………………

食完飯﹐我地就裝水啦…..

當我地排隊果陣﹐見到我班既男班長啦!!!佢裝水既水管出d水勁慢﹐佢就講左一句: “哇…..好似痌尿咁!”

佢搞到全部排隊既人向度笑!!!哈………….

Next, 我地上LSB啦……上依堂都依然好精神架!!!因為實在太好笑啦~~~

但係一上FA﹐我D眼訓就開始黎啦…………真係眼訓到死呀~~~~佢講d野好似催眠咁!但到左break果陣﹐我竟然唔眼訓!佢一講書﹐我又再眼訓過~~~~

好辛苦先捱到4:30﹐放學啦~~~yeah…….

搭車果陣﹐reo上車啦!我同佢say hi啦!佢初時好似見唔到﹐但佢見到架喎!!!我好無奈呀…..><

到左夜晚﹐媽媽同我&妹妹講左多野﹐好好聽呀!連dicky都坐向度專心聽媽媽講野…..哈~~~~