今朝5點半就起左身溫QT﹐做左D past paper!!!

當我起左身﹐就攪住媽媽啦!!!

哈…依個時候﹐爸爸以為我係妹妹﹐以為妹妹咁早起身溫書!

咁媽媽話:緊係唔係阿妹黎啦!阿妹點會咁早起身呀!如果阿妹咁早起身溫書就還得神落啦!!!

哈……………笑死我!!!

咁番9:30﹐今次考試暫時係得依科唔早走!!!哈…..因為依科我係超俾心機做!yeah…..

11:30就走人啦!!!!

哈…..2月3日有節目啦!!!今年係Jenny第一次同我慶祝生日!!!唔知係會點呢?

番到屋企﹐就打law既筆記黎溫書!!!

大約5點幾﹐爸爸同媽媽就同我傾下我個餐生日飯幾時食!!!

本來諗住依個星期六食﹐點知表哥又唔得喎!咁我地再傾下啦…..

點知傾下傾下﹐開始有d火藥味啦!!!

我都唔知為乜囉?本來好開心咁傾﹐點解要搞成咁呢?

就黎就去已經好煩啦!又要就阿爸放假!當阿爸得﹐又有其他人唔得!

又話聽日食﹐真係無可能囉!後日要考law﹐最多野要背係依科….之後又話要等到3月先食﹐咁果陣已經無哂果個mood啦!再食已經無意思啦!

依個時候﹐我已經開始好炆啦…..咁我話咁唔食啦!!!都就唔到時間…..

咁媽媽以為我發悔氣﹐咁我都唔係!!!只係唔想自己發脾氣姐!

但咁就被佢誤會左啦!仲被佢話左一輪!好唔開心囉…….

之後﹐佢用勁唔好語氣話咁好食啦!

不久﹐我又唔抵得我冇左餐生日飯呀!愈諗愈唔忿氣﹐我決定星期四食!雖然星期五考acc﹐咁我早d 溫囉!

之後我同媽媽講﹐我頭先唔係發脾氣!!!

跟住媽媽話,你同我解釋左就得啦!!!何況我都唔係嬲你!只係俾d人激親姐!

哈....跟住我就做乖乖女啦!我做左媽媽既聆聽者.....

不過果個人真係過份左d喎!做左咁多年人﹐駛唔駛做到咁盡呀?媽媽聽日仲要去果個人果度拎番d野﹐咁我聽日陪埋媽媽去啦!!!我向度﹐佢應該唔會亂講野既!!!佢唔驚我向人告狀咩?我睇下聽日佢有咩花樣!!!如果佢講埋d過份既野﹐我一定對佢唔客氣!!!

救命….今朝5點幾果胃頂住頂住!搞到醒左…..諗住訓下會無事啦!點知訓唔到!咁起身去下洗手間先!

哇….一起身﹐d胃氣係咁湧出黎!!!d胃氣湧出黎好辛苦呀!果d胃氣唔知點咁?總之個感覺好核突啦!

當我入左toilet﹐果d胃氣仲嚴重左!!!個胃又好痛喎…..真係痛到我喊左出黎!果陣媽媽又訓緊覺喎!無人理我……

咁我向toilet休息左一陣﹐跟住又肚痌喎…..真係唔知發生咩事?

解決完﹐就去番房再訓過!!!

原本諗住早d起身溫下書﹐但……………..唉!!!

最終﹐訓到9:30先起身!!!

當媽媽入黎叫我起身﹐我就話俾媽媽我個胃唔係好舒服啦!!!媽媽一邊話我﹐一邊幫我蹉下個肚!!!哈….佢係要話下我先得架喎!

之後﹐食完早餐就食左d藥啦!

咁肚痌左3次﹐好似就無乜事啦!

跟住就溫書啦…………………………………………………………………………

到左夜晚﹐得我同爸爸向屋企撐枱腳!!!

尋晚發夢夢見Dicky呀!!!夢中係講Dicky昏迷左一日一夜﹐之後佢迴光返照﹐佢變得好活躍!!!但唔知點解無端端有2隻大狗跟住佢﹐我記得有一隻係金毛尋回犬黎架!另一隻就唔記左啦!

我仲記得我在夢中好傻咁問媽媽﹐Dicky會唔會死架?但媽媽無答我!之後我就攬住佢黎訓覺!!!

不久﹐我既夢就被爸爸既HI-FI嘈醒左!!!醒左之後個頭好痛!!!

起左身﹐我同媽媽講番我發夢果D野!

唉….我好掛住Dicky呀…….好想佢而家向我身邊陪住我呀!點解佢要咁快就離開我呢?好唔捨得佢呀…

跟住﹐我地約左婆婆飲茶茶!!!臨出門口前﹐爸爸同媽媽向度轟炸我喎!向度係咁叫我整番個電話又震又響!由於我怕我既耳仔受損﹐所以我就暫時順下佢地意先!真係唔好煩呀!

飲茶食得好滿足呀….keke….

飲完茶﹐我地就陪媽媽買野啦!由於成日行來行去﹐搞到好浪費時間﹐我就好衰咁發佢地脾氣!搞到媽媽好唔開心…但我都唔想架嗎!sorry…. 不過好快就無事啦!

買完野﹐我同妹妹番屋企先!而爸爸同媽媽就出NTP整野!

我番到屋企﹐繼續溫書啦!!!但溫下溫下訓著左!因為實在好眼訓﹐今朝被佢地搞到7點就要起身!

到左1點幾﹐我又要出沙田啦!今日叻左好多啦!KAKA….

大約4點幾﹐我同媽媽去toilet果陣﹐竟然見到Shareen喎!!!哈…..咁搞笑既!居然向toilet相遇喎!之後眼尾好似見到湯生添!

跟住又陪媽媽買野!!!所以搞到5點幾先番到屋企!

食完晚飯﹐又要陪媽媽落wellcome買野!!!總之今日既任務好似只係陪媽媽買野!!!

哇….今日同媽媽傾開﹐今年我生日去邊度食飯!!!果陣我就發覺我就快又老一歲….真係時光飛逝呀!唔知我今年既生日會點過呢?希望係一個難忘既生日啦!

今朝終於可以晏少少先起身啦!真係眼訓死呀…….

7點幾起身﹐食完早餐就開始溫書啦!!!

溫QT溫到癲呀!不過D進度都幾好…..

應該聽日就可以溫哂架啦~~~咁溫完依科﹐可以溫LAW啦!

LAW有排背呀!!!唉…………………………………………….

唉….有個人一時對我好好﹐一時話到我傻!都唔知想點既???佢一話我﹐耳根真係唔駛諗住會清靜呀!好煩呀……我知佢錫我﹐但都唔駛話我話到咁呀!好討厭人地咁樣轟炸我囉!

哈….好耐都無打日記啦!但唔係我懶而唔打﹐係因為本小姐要溫書考試呀!請大家多多見諒!

到今日為止﹐已經考左2科啦!都算ok既……..

今朝﹐又係當爸爸起身﹐我就起身啦!好眼訓呀…..溫到7點幾就出門口啦!

番到去﹐我又係坐好前呀!

哈….Crystal今日向hall on duty呀!!!happy*

佢今日終於無帶眼鏡啦!!!佢帶左眼鏡好似n年後既佢咁﹐搞到老哂!!!

我諗番起前日朝早﹐咁我同Jenny行去捷徑果陣﹐我地見到好似Crystal既物體﹐跟住佢望過黎!原來真係佢黎架!!!哈……….佢又同我地揮手啦!果刻真係好好笑呀!

入到hall﹐開考啦!

見到份卷﹐同阿sir俾果份溫習紙一模一樣!只係轉左d數字!我真係好炆呀……阿sir講d唔講d喎!咁我淨係做左果份野一次喳!如果早知係咁﹐我淨係溫果份野啦!仲要搞到我尋日溫埋d tutorial!!!

最好笑既係同Jenny傾左成粒鐘﹐向度研究CDM!!!!同佢一路講住電話﹐一路做數﹐好似無咁驚喎!

未同佢傾電話之前﹐個人好似好大壓力咁!好驚咁!唔知做乜?

唉….如果我溫熟果份野﹐拎滿分都有我份呀!

而家搞到半桶水咁!不過應該pass既!

到左12:05﹐我就早走啦!

當我離開左hall之後﹐見到Crystal呀!!!

哈......我地又打招呼啦!

hi完無耐﹐就say bye啦!好搞笑!

之後同Jenny一齊搭車番屋企啦......

番到屋企﹐繼續溫書...........要加把勁呀!

大約4點幾﹐衰女包打電話黎!!!傾左一陣﹐俾我知道左一d野!邊個話咁多野俾衰女包聽架?好彩我都無乜秘密姐!!!哈....有都唔會講俾任何人聽啦!

跟住都係溫書﹐都無乜特別!!!

食飯果陣﹐真係嘈到拆天呀!個個都談論天堂同地獄!d表哥向度講埋d百痴遺言!

之後﹐當睇緊高朋滿座果陣﹐個個向度學"嘖 "!!!真係痴痴呆呆坐埋一"木台"