今日諗住7:00起身﹐但衰懶訓啦!搞到8點先起身…….真係好鬼憎自己咁懶訓呀!

一起身﹐我就開電腦check下野啦…..一check就check到9點幾!搞到趕頭趕命….趕鬼死呀!

今朝就開始諗今個聖誕節有咩節目呢!因為我唔想今年又向屋企發臭呀……

一番到學校﹐我就打電話俾Ella啦!問下佢係邊啦….點知又唔聽我電話喎!哼…..

之後﹐我等Jenny落堂﹐我就打電話俾佢啦!!!

咁我係聖誕樹果度等佢啦!!!哈….我呃佢我被綁向聖誕樹果度!要佢黎救我!!!笑死佢呀…..

11:30﹐上BE………..成堂就係抄野!!!

上完﹐跟住就lunch啦……..

當我食完﹐我就狂問佢地聖誕節有咩節目!!!點知個個都話唔知…..

咁我地就plan定去邊啦……….但我地plan下plan下﹐我發現左有好多節目呀!好開心呀!

23號就去飲﹐哇!!!依排咁多飲宴﹐真係怕怕呀…..

24號暫定去愉景新城同Jenny唔知睇咩展﹐跟住就去食pizza呀……

26號又係好錫我､但成日整到我面紅既表哥一年一度請我地食野啦!哇….正呀!去食buffet呀!!!哈…………

我由聽日開始要節食呀!!!!如果唔係﹐我肯定…………..

到左1:30﹐上LSB呀!!!都係講考試既野…..

之後上FA﹐又係抄野!!!由於Jenny成日話自己抄野抄得快﹐所以我就叫佢抄完﹐就俾我拎番屋企慢慢抄!!!哈……佢話我搵佢笨﹐但佢都搵我笨啦!!!乜都用我既…..

今日遲左放學呀…….4:45先放!!!不過星期三唔駛上tutorial呀!正呀….

番到屋企﹐就洗白白啦!

洗白白果陣﹐隱約聽到媽媽話shareen 打電話!!!!

當我沖完涼﹐媽媽話我知﹐shareen打電話黎呀!哇….勁興奮呀!

之後我就即刻打番俾佢啦…………………

真係好耐無聽到佢把聲啦!好掛住佢呀!!!>3<

唔知星期三去唔去到唱k呢? 哈…..如果果日shareen & chi得﹐為左要見佢地﹐我一定會犧牲一D野架…….因為我實在好掛住佢地啦….keekee….

哈….當我諗緊25號有咩野做!shareen就約我地果日出去啦!真係好呀……….

好興奮呀…………..我相信今年既聖誕節一定過得好開心姐!

唉….星期六都要番學!!!今日仲要凍冰冰喎!真係無人性架…….

今朝已經搭早一班車﹐但都係同唔到Jenny一齊搭車!原來佢遲左出門口﹐所以我同佢無緣向巴士相見!!!次次都係咁架!佢搭早一架車﹐而我就遲一架車﹔當我搭早一架車﹐佢就搭遲一架車!玩咩……..

番到去﹐我向common room等佢啦!!!但佢勁耐都未番喎!咁我排住隊等佢啦…..我打電話係咁催佢…….佢趕到死下死下!!!

之後我地上5樓測驗啦…………..

哇…..當我入到502室﹐好多人已經入左去啦!!!嚇死呀…………..

條氣都未順番﹐就開始測驗啦!!!

好辛苦呀!我一路測﹐個鼻就係咁塞!!!塞到我勁唔舒服…..

我用左1個鐘多15分鐘就搞掂哂!!!之後向度周圍望啦!

哈….依個時候發現監考我地果位阿sir又年輕又靚仔喎!!!向依間學校真係好少有既年輕又靚仔既阿sir﹐靚女Miss就多!咁靚仔既阿sir我當然會望多幾眼啦!!!哈…..

考完﹐我即刻問Ella借紙巾﹐但佢找來找去都找不到!!!依個時候見到Crystal呀!佢今日帶左glasses呀!果樣好似係n年後既佢!不過我見到佢都好開心呀!好彩有Jenny在我身邊姐﹐佢勁快手就拎左張紙巾俾我啦!然後我就匆匆咁跑去toilet通一通我既鼻!真係塞到我好辛苦呀~~~

跟住就走人啦!!!哈….連Ella都話監考果位阿sir好年輕﹐之後我答左佢兩句﹐我就被人打頭呀!我只係話: “仲好靚仔添!所以我一考完就係望住佢啦!”我講下姐﹐駛唔駛咁打我呀???

之後﹐我地行去搭車啦…..咁我同Jenny諗住行捷徑﹐咁我地喂佢地啦!點知我地前面d人即刻望住我地!我同Jenny勁唔好意思﹐而且好樣衰呀…..跟住我地叫Mandy啦!!!

本來得Mandy跟我地﹐之後Reo佢地又跟埋黎!!!Then,佢地係咁食牛奶糖﹐佢地咁都可以玩一餐……

當我地行到巴士站﹐見到阿甘排緊隊﹐佢地就即刻打尖啦!!!而我同Jenny 勁乖﹐竟然唔打尖喎!!!

跟住我地見到兩架243M﹐咁我同Jenny 都勁肚餓﹐所以我地即刻去7仔諗住買魚蛋食﹐但去到我地都係買左三文治食……

跟住去新城市找媽媽!!!等佢等左勁耐呀!

大約3點幾﹐我自己就番左屋企!

今日一早就俾爸爸叫左起身﹐好眼訓呀….但無法啦!鬼叫我尋晚夜訓咩!

一食完早餐﹐我同妹妹就執野準備去BBQ啦…..YEAH~~~好興奮呀….

但一出左門口﹐D惡運就開始來臨啦…………..

向架 “車立”到﹐妹妹發現自己唔記得左帶銀包﹐咁佢上去拎﹐而我同媽媽就向巴士站等佢啦!

等左佢一陣﹐妹妹打電話俾媽媽﹐佢唔見左個銀包﹐依個時候﹐媽媽d火就開始黎啦!因為妹妹計埋今次唔見左銀包已經第三次啦…..難怪媽媽會嬲啦!

咁媽媽上番樓﹐同佢搵銀包!點知搵來搵去都搵唔到!!!

而我就繼續向巴士站等啦!!!我眼白白見到架車走左……

走左之後﹐佢地先落到黎…….

之後搭82X﹐再轉89X啦……

當我地落左車﹐7姨打電話黎﹐我地先發覺去錯地方……

仲發緊火既媽媽.知道後就話唔去啦!!!好彩得7姨一番既說話﹐媽媽先決定再去番!!!嚇死我啦….幾驚無得去!!如果無得去﹐我一定kill左妹妹!!

跟住我地搭MTR去太子搵7姨佢地囉!!!

當我見到7姨丈﹐佢就話我啦!!!咁我真係知向邊度架嗎!但我同媽媽講左幾次﹐媽媽無理我喳嗎!!!佢仲話我﹐我尋晚嫌佢煩喎!!!我都無……..

上到車﹐有成30幾人等我地﹐真係唔好意思啦…..

無幾耐﹐我終於同我同年同月同日生日既人相認啦!!!哈……..不過我大佢幾個鐘~~~

搭左一個鐘頭既車﹐終於到元朗大棠郊野公園啦…..哈~~~

去到﹐我好興奮呀………..

果度好多野食呀……我地成枱都無離開個燒烤爐!!!因為果度好似韓國燒烤咁!!!所以唔駛行開食!!!正……..

今餐真係食左好多野呀!比平時超出左好多倍!!!

到左4點幾﹐我地終於停手啦….等車黎!!!

但個架車遲大到!!!遲左成50分鐘!!!搞錯…….

我地落車已經成6點幾啦!!!而且今晚又要去飲喎!!!

所以我地再搭TAXI番屋企…..

番到屋企﹐拿拿聲沖涼､換衫!!!

之後去麗豪酒店飲呀…………

我地都好累､又好飽喎!!!d野食又唔掂喎….

我又同我同名同姓既親戚相認!!!哈….竟然有人同我同名同姓喎….

食到11點幾﹐跟住番屋企啦!!!!

唉….溫書溫到病左!!!好辛苦呀~加上上星期五被人呃左去沙爹王食野!!!就更加病得犀利!!!本來又話有couple去食sushi!初時都覺得有問題架啦!!!原來係表哥仔向澳洲番左黎!真係好surprise呀…….哈!!!

依幾日係咁溫QT……..不斷係咁做數!!!QT俾我想像中簡單得多!但係今日測驗﹐望份卷係好簡單﹐果陣真係開心!但做下做下﹐發覺係唔夠時間做呀…..所以一測完又好sad呀!明明係識﹐點解唔俾多D時間我呢?

之後﹐Eddie佢地以為我喊!!!傻啦…..我只係唔舒服姐~~~

但我一諗起QT﹐就好 ‘蚊’呀!!!好想搵人打呀!!!!仲想…….>0<

放學﹐約左媽媽去食野!!!之後去買野….

行到4點﹐咁諗住去搭車﹐點知等勁耐呀!!!

番到屋企﹐開電腦relax下啦!!!

到左6點幾﹐隻耳仔又被人轟炸!!!好煩呀……

我只係想relax下先姐!我又唔係唔做………….

放左5日假﹐今日終於番學啦…………..唔知今日一番學好似有一種好新鮮既感覺!而且有一種喜悅!

雖然我無番學只係5日﹐但今日D人好似唔同左咁!開心左…….

回想之前幾日﹐真係感到有點吃力!28號之前﹐即係考LCCI前幾日﹐我日日都唔夠訓﹐4點幾就起身溫書!但好似溫來溫去都溫唔哂!考試前一日﹐得到媽媽既特赦﹐我決定請假向屋企溫書!!!果日對住d書﹐對足17個鐘!腦都塞埋………

28號果日﹐我都無返學!如果我返學﹐我就趕唔到去考試!所以……..

果朝﹐我係咁做PAST PAPER啦!!!做到癲呀……..D時間愈來愈接近﹐我就愈來愈緊張!!!依個時候﹐媽媽不斷安慰我﹐仲俾左一樣野我﹐令我唔好咁緊張!雖然都係咁緊張﹐但我都好多謝我媽媽!!!

4點幾﹐我就出門口啦!!!6點就開考啦……………..

份卷比我想像中還要難!不過我都盡最大既努力去做!!!希望我取得理想既成績啦….

8點幾﹐我就考完啦!!!!

返到屋企﹐開電腦relax下啦!

當我一開msn﹐個個都問我點解唔番學!!!哈………..

哇………見到Ella on 9喎!!!但佢同我講左我FA測驗幾多分﹐我係非常唔開心!成績比我想像中差左好多!我比上年已付出左更大既努力﹐但出黎既成績唔係太理想!點解次次我付出好大既努力﹐收穫永遠都係成反比!

之後佢再同我講埋﹐BE Miss話4班有3班既MC都測得唔好!我知道之後﹐我就更加唔開心!!!但唔開心又如何???已成定局了….唯有面對現實吧!