尋晚諗住今朝早d起身﹐追番D電視劇啦!但實在太眼訓啦……….所以最終都無睇!
當人地諗住訓多陣果陣﹐有隻蚊向我耳仔邊經過!之後隻腳又好痕喎!跟住我怕隻蚊咬我塊面﹐所以我去左媽媽間房再訓過………哈…..
但一訓就訓到8:20﹐但我8:45就要出門口!所以我用最快既速度整好要出門口既野!最後都遲左出門口…..
哈….今日同Jenny同一間車喎…聽到Jenny講﹐得知Mandy無事就好啦~~~我就放心啦….
之後﹐等BE sir黎果陣﹐Mandy佢地黎左啦!見到Mandy好開心咁向度打機﹐我就更加放心啦!
跟住Reo勁衰呀….佢病﹐仲要愈企愈埋!!!我同Jenny都即刻移開!我仲被Reo嚇親﹐飲水飲到d水滴哂向個袋度…..
之後阿sir黎啦!差d被隻門夾扁呀!!!好彩我地避得快姐!!跟住阿sir同我地講﹐佢之前被夾扁過﹐所以而家無左個肚腩!!!哈……
THEN, 上堂啦!!!
上堂途中﹐阿SIR講左d好笑既野!!!笑到傻呀!第一次上依堂咁好笑喳….哈~~~
放BREAK果陣﹐Ella問埋d我地好無奈既問題﹐真係唔知應唔應該答佢!我同Jenny都知道果個係電話啦!Ella竟然問係咩黎喎!下…唔好玩啦!
上完依堂﹐再上CDM Tutorial就放學啦!
但Ella問埋d我地又唔知點答既問題﹐依次又搞到我､Reo & Eddie都好無奈!我真係唔知點答呀????
搞左好耐﹐終於走得人啦!可以出西九龍食sushi啦!yeah………..
一落到樓下﹐見到Jenny 同虹虹一齊!嚇一嚇~~~
諗住去toilet﹐可以撇下虹虹啦~~~但佢又跟埋黎!!!
仲同我講﹐你地成日一齊﹐唔駛理我啦!!!
我聽左之後﹐我真係唔知佢想點囉!大家都知道心入面係有條刺架啦!唔通仲可以好似以前咁咩!真係無乜可能囉!
跟住一齊等小巴啦!唔知點解對住虹虹真係好唔自在???當上小巴果陣﹐同Jenny打眼色﹐我叫佢唔好撇下我﹐要同我坐呀!!!
哈……….上到車﹐我同Jenny 坐最前!!!我地向度密密傾!!!
落左車﹐終於可以撇下虹虹啦!人都輕鬆哂……
之後搭MTR啦!同親Jenny 搭MTR﹐都會發生D好搞笑既野!有個女仔無端端企唔穩﹐捉住Jenny 隻手﹐我､Ella同Jenny見到都笑死呀!之後有個男人隻手拎得好高﹐我同Ella落車果陣要穿山隆!!!落左車﹐我地又笑餐死!!!哈……….
跟住我地去食sushi啦……..好好味呀!正呀~~~都好耐無食過啦~~~
食野果陣﹐Ella又黎啦………我地對住佢﹐真係唔知好嬲定係好笑???唉…..
我地食到3點幾就走啦!因為Jenny要番去學野﹐所以一食完就番屋企!
番到屋企﹐開下部電腦relax下先!唔知點解今日特別掛住好多人???
到左夜晚﹐病病地咁呀….唉~~~
而家學校咁多人病﹐唔病真係先奇呀!!!
|
