今日又係較左鐘唔知醒……..個電話5分鐘震一次﹐但我唔受控制就將佢熄左!!!搞到朝早既計劃又被我破壞左……唉!!!

一起身﹐我就向度搵衫著啦……..經過一番左襯右襯﹐終於搵到一件合心水啦…..

哈……依幾日唔知發咩神經?成日都著裙………

10:30出門口……………

一出門口﹐緊係去買禮物先啦!!!

買完就搭49X出荃灣啦!keke……..

出到去等左Jenny一陣﹐當我正想打電話俾佢既時候﹐佢就出現我面前啦……真係好呀…..

Jenny一見到我﹐第一句就係同我講, 哇!!!出街同番學真係唔同喎!!!女仔左好多喎!

哈…..緊係啦!!!番學我係合埋眼黎著衫﹐何況番學駛唔駛著到咁靚呀?

之後我地去愉景新城買飛………………..

咁買完飛就去食野啦!!!唔知做咩我地又提起虹虹佢地???真係好覺果個人好有問題囉!一提起佢﹐我真係想打死佢呀!!!

食完野﹐我地就去機械博覽會啦!!!果度又話唔俾人影相﹐但d人影相都無人理!咁我同Jenny就影埋一份啦!哈……………..

但係我地唔駛行一個鐘就行完啦……..我地feel到係好唔抵囉!

行完我地就去行街啦……………………………………………………….

之後我就去左影貼紙相!頭一次又係影得好鬼樣衰呀….而第二次最後果4張先ok﹐真係激死呀…………………

跟住行到4點幾﹐我地行到好累啦!

所以坐左一陣就番屋企!!!

番到屋企無耐又要出婆婆屋企食飯啦!!!!

今朝第一日放聖誕﹐好開心呀….kaka….

一早就被妹妹噪醒﹐噪醒左我兩次!!!第二次真係頂唔順啦…..我就大聲話佢!日日都係咁﹐朝朝都要噪醒我!so troublesome…..

咁我訓到8點﹐我就起身啦…………..

食完早餐﹐我就開下電腦睇下野~~~

大約10點﹐媽媽買早餐俾爸爸食﹐佢地食完無幾耐﹐成間屋就得番我一個人﹐好正………

到左12點幾﹐我就煮野食啦………..

食完無耐﹐媽媽番黎啦!

哇……….表哥都黎埋~~~

跟住我地三個係咁傾計………….哈!!!我明白到睇野真係唔可以只睇表面!!!

傾左一陣﹐咁佢地諗住落去食野!我本來都唔去架啦!點知佢地係咁拉我去﹐咁唯有去啦!!!

咁我地落左麵館皇食野啦!佢地好衰囉….係咁話好好味﹐引死我啦!!!不過我既意志好堅定既﹐唔會受佢地引誘既…..哈………..

食完野﹐同媽媽去銀行搞d野!!!搞左成個鐘先可以番屋企!!!

番到屋企﹐我溫下書咁啦!!!咁等媽媽買完野就陪我跑步啦!

點知等媽媽番黎果陣就訓著左!!!zzz…………

大約4點幾﹐我地就落去跑步啦!

但落到去﹐差d嚇死…………好彩唔係姐~~~

今日番10:30!咁我就7點幾起身趕埋份ILLP啦…..

今日早左出門口﹐因為我要去影印!!!!

上到車我又繼續趕埋份ILLP﹐不過愈做愈眼訓……

番到去﹐等埋Ella一齊先去上堂!!!點知Ella遲到喎!!!

咁一上到﹐坐左一陣﹐Crystal入黎喎!!!!我地好彩行得快姐﹐如果俾Crystal見到實俾佢話….keke….

哇….俾Crystal見到咁少人番黎補課!!!跟住Jessie又乘機同Crystal訴苦啦!佢地都話:唉….連2A都係咁!

咁Crystal跟住就話要收番d聖誕禮物先!!!我地一聽到﹐就話:佢地唔番唔關我地事喎﹐d聖誕禮物唔好俾佢地就得囉!

之後講左一陣﹐Crystal就走啦…….

上完BE﹐跟住就上CDM啦!!!!

今日上CDM上得特別快!!!眨下眼就放break啦!!!

放break期間﹐我叫Jenny陪我上5樓交LIIP啦!

點知上樓梯又俾我見到Crystal喎!!!佢同say hi say得好搞笑呀….哈!!!佢仲問我地係唔係放緊break!!!之後佢又扮演聖誕老人既角色啦!!!向度大派禮物……

咁我同Jenny繼續上5樓交野………..

交完野﹐我同Jenny諗住搭 “車立”﹐但一見到Crystal出“車立”﹐我地兩個就即刻轉身行樓梯!

咁佢一見到﹐問我地做乜事呀!!!哈…….

跟住佢好似話我地﹐做咩跟住佢呀???

我地即刻話我地係交ILLP架!!!

之後我同Jenny都話﹐我係聽唔到頭先Crystal講乜架!但唔知點解又會應到佢喎!

哈…依家一見到Crystal﹐就會好開心架啦~~~真係唔知點解????

一入番去Lecture Room﹐就見到Crystal份禮物向張桌度啦!哈.....

仲有多謝Mandy既聖誕咭呀!!!我都好耐未收過聖誕咭啦.......

放左學就同媽媽向第一城食野……….

今日番9:30﹐勁眼訓呀……向架車度不斷吊魚……

哈…..搭243M竟然見到Jenny喎~~~

一坐左向度﹐Jenny話Lydia又上左車呀!!!咁我話好彩我坐樓上姐﹐如果唔係就好似上次咁架啦!

當我一講完﹐就見到Lydia上左樓上……嚇死呀!

之後﹐Jenny同左我講左D野!佢話俾我聽虹虹問佢﹐我係唔係唔鐘意佢喎!

我一聽到﹐真係覺得好無奈呀!我第一句就話: ‘喂….無玩啦!唔通我攬住佢黎錫咩!”

我真係唔知佢地想點囉???唔睬我又係佢地先﹐而家又話我唔鐘意佢地!唔該佢地諗清楚依件事係邊個搞出黎先囉!我而家已經離開左佢地啦﹐都費事再煩擾自己啦…..都唔想再為依件事而唔開心!但係有d人好似愈搞愈過份囉!連Lydia都知道果個人send左封email俾我!我真係唔明白果個人講俾Lydia聽有咩企圖囉?我都唔排除有人向Lydia面前加鹽加醋囉!而我最嬲既係Lydia叫我send番email俾佢喎!又話佢好期望我俾個回覆佢喎!!!我呸.....

我心諗:Lydia唔知佢email同我講左D咩姐!只係被佢個樣呃左喳……唔好諗到佢咁好先得架!

而家個個都好似覺得係我錯哂咁!唔該你地查清楚件事係點先講係邊個錯啦!!!!

落左車﹐諗住去bookshop影印啦!點知壞機喎!!!

咁就去上堂啦……………..上到12:30﹐要等到4:00先再上!!!!

咁我同Jenny向學校食完飯﹐就落葵芳行下啦~~~~

本身諗住去冒險樂園玩下﹐但實在太貴啦!所以無玩到!!!!

咁我地周圍咁行囉!果度好多食肆向度引誘我地!!我地不斷拉住對方﹐要隔絕所有引誘呀……..

行左咁上下﹐我地去左公園玩!!!玩氹氹轉玩到反哂胃…..哈~~~

大約3:30就搭車番去啦!!!!

哇….果堂BE勁悶呀!!!!悶到就快訓著啦!ZZZ………………….

今日唔駛番學呀……kaka….

8點幾起左身﹐咁就做下CDM Assignment……..但做來做去都唔識!!!!放棄……..

之後﹐大約9點幾落第一城同爸爸､媽媽､婆婆 & 兩位表哥飲茶茶!

Dicky表哥勁耐都未到喎!咁阿婆緊係猛咁望住個門口睇下佢黎未﹐又話乜都唔食!老人家就係咁架啦!我同媽媽勁無奈!媽媽話佢第日唔會咁架!哈…………….

飲完茶﹐2位表哥走先!

咁我地送婆婆搭車番屋企……..

跟住﹐我地行左一陣就出左Yau Ma Tei……….

媽媽幫我同爸爸約左營養師check野………

哈…..我骨質緊係無問題啦!但係好似多左d野喎…….我要更加努力呀!加油加油…..

我一見到個營養師寫左D野向張紙度﹐我就開始向度笑啦…..kakakaka….點解我測2次個結果都唔同既….搞錯呀!!!

我知道後﹐緊係不斷搵藉口黎講﹐媽媽話我唔好自己呃自己啦…..哈~~~~

測完之後﹐三姨媽同我地去食野!!!

食完就番屋企啦!!!

番到屋企﹐跟住同爸爸媽媽一齊落去跑步…..kekeke….

 *由尋晚開始﹐我就開始擔心一個人﹐希望果個人快d打電話俾我啦!我想知道發生咩事呀!!!*