我最討厭她鬧緊一個人﹐又會鬧埋我!
我討厭她一日嘈過不停﹐令我耳仔沒有清靜的一刻!

我很討厭他!
我討厭他放假!
我討厭他蠻不講理!
我討厭他不聽人勸告!
我討厭他話人唔識話自己!
我討厭他話完我﹐又命令我做野!

由尋日下晏開始﹐都係好無心機!!!好擔心......

今朝番到去﹐點知原來係番10:30!!!

 哈....原來我地個班好多人都唔知!所以個個都向電腦室聚集~~~

咁我向度睇下新聞囉!!!一睇就睇左成個鐘!!!

 到左10:30﹐咁就上堂啦!

 上左一個鐘﹐又放lunch!!!

 買飯果陣﹐Jenny問我做咩咁呆滯!

 果陣我都唔知點答佢!何況佢應該都知啦!

 我食完野無耐﹐收到媽媽send俾我既sms!!

 睇之前﹐真係好驚!!!

 咁我一睇﹐原來只係小事!

 我一知道媽媽無事﹐就即刻伏在Jenny既膊頭!差d喊左出黎....

依個時候﹐我既心情即刻開心番哂!

 而且仲有d感慨添!以前既我成日都覺得爸爸媽媽有點兒煩﹐但經過依件事之後﹐而家我覺得佢地煩我係一種幸福既事!最好煩我多D!哈....

仲有﹐我非常感恩!衪係聽到我既禱告架!好感謝衪保守媽媽既身體!讓媽媽大步踏過!我真係好開心!好感恩!

之後﹐我跟左佢地去聽talk!!!因為我唔係好想上Florance既tutorial!不過﹐我已經好賞佢面架啦!依2年都未試過走佢堂!何況Eddie同Reo都去聽talk!咁我都跟埋去囉!

依次既talk係講戀愛既!個名係叫　“天空下的愛”!

一開始﹐KK係咁問我地邊個拍過拖！但無乜人理佢！！！只得幾個理下佢．．．．搞到佢好無癮！

跟住當D人入黎果陣﹐都要個個答佢既問題！WAKAKA….

當KK講到個個人都需要愛既時候﹐果個Reo又開始發作啦！我己經離佢好遠架啦！隔左成５個位都可以咁！真係有d變變地態！　　 

聽到２：３０﹐我地去上普通話！

當分組預備下星期既評核果陣﹐咁要決定邊個做組長啦！ 

初時都係叫Jane做既﹐因為佢上次都做得幾好！點知Jane又唔係好想！

 咁就叫Ella啦！點知佢又唔肯！ 

依個時候﹐佢地幾個又開始向我攻擊！ 

佢地係咁叫我做組長！依家連Eddie都同埋Reo同流合污！

果個衰人向張分組紙寫左我做組長！！！跟住好快就拎左俾Sammul!!!!

不過Sammul都問下我做唔做！我緊係耍手擰頭啦！我絕對唔會俾佢地奸計得逞架！！！

 所以最終都叫番Jane做番！！！呵呵．．．． 

４：３０放學啦！！！ 

咁Ella要留向學校做QT﹐Jenny要上堂﹐咁Eddie同Reo就要留低等埋Mandy Leung!

點知果個人向我臨走果陣﹐都唔肯放過我！同我講今晚見！果刻我就同佢講﹐我好想拎張桌擲你！！！

咁我番到屋企﹐見到姑姐仔黎左我屋企！！！好開心呀．．．． 

跟住開電腦啦！！！見到我日記有人留言俾我！睇完真係好感動！個心好warm！！！真係好開心有你呢位支持我､開解我､痛錫我既好朋友！無一個朋友係比得上你架！

自媽媽打電話俾我之後﹐我既心情就急劇下滑!真係好擔心.....
媽媽話我知﹐醫生叫佢聽日見一見佢!
如果無野﹐佢係唔會叫媽媽見佢架!
我聽完之後﹐我果刻真係唔知點算?
媽媽仲叫我唔好擔心﹐仲叫我祈禱!!!
所以我一收線﹐就即刻為媽媽禱告!
但我都未祈禱完﹐我就忍唔住喊左出黎!!!
無耐﹐媽媽番黎啦!!!
我又攬住媽媽再喊過!!!我真係好驚佢會有事呀!!!
我真係無用呀!!!媽媽有事﹐我仲向佢面前喊!應該我安慰媽媽架嗎﹐但而家反而佢安慰番我!!
之後﹐Jenny向msn安慰我!!!真係好多謝佢!
另外﹐我想向度同我既知己亦如我家人陳詠芝講聲對不起!!!
你今日打電話俾我﹐你問我把聲點解會咁!!!
其實我好想講俾你聽點解!但我怕我一講﹐我d眼淚會不禁流左出黎!
真係好對唔住!!!希望你會體諒我吧!

今日個心卜卜跳!!!因為今日輪到我present啦.....好驚呀!
今朝﹐突登早d起身裝下身!!!唉....要在落雨天落著suit!!!最討厭....
原本向49x溫緊ITTA架!但溫下溫下就覺覺豬啦...too bad~
之後向243M果陣﹐同Jenny傾電話!呵呵.....
唉....好唔慣著suit呀!!!行路又怕仆親﹐講野又要斯文d!真係好好好唔慣!好唔舒服!
番到去﹐只係好好好驚......
咁當Miss到左﹐但Ella､Reo ､Eddie & Jane都未番﹐好好驚!!!
入左課室無耐﹐佢地逐一番黎啦!
Ella讚我呀!!!話我好靚同好Professional呀!真係多謝佢既讚賞...kekeke....
可怕既Reo番左黎﹐我就無好日子過啦!
佢向我不為意既時候﹐竟然玩偷拍!!!
人地已經好驚架啦!仲要向度影相.....
我係第三個present呀!!!
哇....今日Miss發生咩事?問咁多問題架!上次只係問一題喳喎....
咁我答佢問題啦!我都答完啦!點知佢係咁望住我﹐咁我唯有再答佢啦!真係.....唉!!!
之後我先發現我答佢問題果陣﹐d grammar好似亂哂咁!但果陣係唔知囉!!!真係後知後覺啦!
咁等埋其他人present完﹐咁諗住拎個file俾Miss 睇啦!點知有人想睇囉!好彩我搶番番黎姐!一陣間俾左佢睇左d唔見得人既野﹐咁就.....
跟住好大雨呀!個天好黑呀!!!個感覺好似世界末日咁!而阿Jane就話似上緊夜校咁!!!哈....
無幾耐﹐有人話下午唔駛上堂!!!呵呵....真係天助我也呀!今日仲考慮緊上唔上QT!!而家可以名正言順唔駛上啦!哈.......
依個時候﹐果位可怕人物又語無倫次啦!佢同我講:哈....反正今日下午唔駛番學﹐我地可以拍下拖啦!!
我聽完之後﹐即刻好無奈....
但我果D好朋友喎!向度附和佢囉!叫我地雨中漫步喎....
真係唔知佢地想點????一日最衰係果位Reo!
之後我地等左一陣﹐就上普通話!!!
好悶呀.....
1:30就放學啦!
咁我地諗住出去食野.............當我知道去食日本野果陣﹐我就拍哂手掌話好野!佢地就笑我啦!
之後搭升降機啦!本來係落架﹐但當d人入左黎之後﹐竟然上番去!好無奈....
著高跟鞋落樓梯﹐真係好驚仆親!!!咁我同佢地講啦!點知俾果位變態佬聽到!佢話揹我!
之後我話:呵呵....唔駛咁客氣喎!我大個女唔駛人揹啦!!!
我心諗:何況我又唔係你邊個!
唉.....有果個人向度﹐我係唔會有好日子過架!無端端走向我隔離﹐向度奸笑!一時就講埋d變態野!可怕....
食完野﹐我地行左一陣!
當我同Jenny見到BB相﹐就發哂癲!!!仲叫Mandy生番個俾我地玩!
佢反駁說:你自己生番個黎玩啦!
跟住我話:我生唔出喎!!!
跟住我發覺自己送羊入虎口!!!因為當我講完依句我生唔出﹐Mandy同Eddie就話:叫Reo幫你啦!
我果刻真係無野好講囉!即刻捉住Jenny﹐扮哂聽唔到!!!扮哂同JENNY講野!
唉....第日少說話為妙!
跟住佢地去打機﹐係咁被人拉來拉去!就快分開架啦!
但我今日著suit﹐入機鋪會好怪喎!所以無入到!
跟住同Jenny行多陣﹐就番屋企啦!

好野...好期望聽日既向世界出發啦!又有可愛既ADA啦!我一定捧佢埸呀!而且錄低佢!!KEKE.....

今朝早左起身﹐諗住早d番學校print野!!!但點知都係搞到平時時間出門口!唉...
之後仲要塞車!向第一城塞完﹐向城隧又再塞過!!!我訓醒覺﹐都未到!!!仲要訓到條頸好痛.....
去到青衣IVE﹐俾我發現到Reo向我後面!!!哈...佢想嚇我﹐無咁易!!!
咁我地一齊行番去啦!點知佢又開始講埋d咩我地好有緣呀!!!真係有d頂佢唔順.....
點知番到上課室﹐咁見到Eddie､Jane & Ella番到去啦!!!
今日真係遲左成半個鐘!其實番到去﹐佢地都無咩既!只係問我係唔係塞車!!!
但果位Reo人兄﹐竟然同佢地講:唔好意思!頭先同Mandy拍拖拍耐左﹐所以搞到咁遲!
佢地聽左之後﹐就起哄啦!!!真係多得佢唔少呀!我心諗:鬼有同你拍拖呀!!!向度亂講野....
對住佢真係唔知好嬲定好笑呀!!!
咁上完law﹐我就諗住去print野啦!!!點知print唔到????學校d電腦真係要不得呀!
到左上account堂啦!我一見到Jenny﹐我就係咁講星期六d野!!!真係講起都興奮呀!
當放break果陣﹐果位Eddie先生又講俾Jenny聽我今朝同Reo一齊番黎!真係想打死佢呀!最衰係果位Reo呀!!!
12:00放lunch啦!
哇...俾我見到nana呀!!!仲要係正面呀....好靚女呀!!!漸漸愛上她!!!哈....我地即刻急call Mandy佢地!!!
食完lunch﹐咁我上8樓print野啦!點知人地上緊堂!好樣衰呀....
咁上7樓print啦!點知print唔到!!!唉......
1:30上law.... 無乜心機上堂!!!竟然玩NDS!!!
蘇蔚珩!你幾時變成咁架???真係唔要得呀!
但真係好好玩呀!開始迷上NDS啦.....
跟住陪Jenny上M2!!!超悶.....
到左5:00﹐我地去hall參加Cooktail Party!!好多野食呀!!!好味...
哈....又俾我地見到nana啦!!!開心開心.....
到左跳舞時間啦!!!搵到partner架!但佢地唔知點咁!!!咁唯有我地自己玩番...唔理 d partners啦!
哈....Eddie同Mandy真係有緣啦!Partner都係一齊!!!原來佢地先係一對!哈.....
點知佢地跳舞果陣﹐踢到我!!!好痛呀.......
6:00就散埸啦!
哈....番到屋企﹐竟然上到網喎!!!開心....kaka