今日係大年初一!!!哈……

今朝11點就起左身!!!

一起左身﹐我就睇到電視做緊台慶!!!今日睇番﹐依然覺得好好笑!!!哈…..

跟住食左D糕點!!!好正~~~

到左1點幾就約左表姐佢地去明星飲茶!!!

但一去到酒樓﹐我個肚好唔舒服!好彩解決完就無乜事姐!!!

食完野﹐表姐佢地同我地去唱K!!!

唱到7點幾就番屋企食飯!!!

哇….今日好多人黎我屋企食飯呀!!!好熱鬧呀…..

食完飯﹐表姐佢地仲同我地玩魚蝦蜸!!!好好玩呀….wakaka….

哈…..好耐都無打日記啦!!!

首先同大家拜過年先!!!(雖然係遲左d!)

恭喜發財…..祝大家身體健康!心想事成!

果日係咁執野!!!好累……..

果晚表哥佢地唔上黎食飯!!!得我地四個食飯﹐好耐都未試過啦!雖然無平時咁豐富﹐但都好好味!!!

食完飯﹐媽媽繼續忙!!!忙到11點幾!!!

跟住約左衰女包同佢媽媽一齊去行花市!!!

我､妹妹同衰女包玩到癲左….

衰女包好衰囉!!!有個女仔d花唔小心整到佢﹐佢即刻彈左xxx話果個人!!!

我覺得果個女仔好無奈囉!!!好慘……唉!!!

我地行到2點幾就去第一城食糖水!!!

食到3點就走人啦!!!

跟住番屋企搞到4點幾先訓覺…..

哈…..今日有人陪我出旺角睇衫!!!

一出到去﹐緊係去食野先啦…….

食完野﹐就去旺中睇衫!!!

睇呀睇…..我終於有收穫啦!!!

我買左一件衫同埋一條褲!!!我都幾鍾意….kaka…..

本來想買多d﹐但實在好累啦!!!所以行到4點幾就番屋企啦!!!

放假果陣﹐我一定要再出去買過!今日唔夠喉呀……

番到屋企﹐媽媽話今晚7姨丈一家黎食飯!!!

所以今晚有11人向屋企食飯……好多人呀….

咁由於我唔開餐桌﹐所以坐得好迫囉!!!

佢地好衰囉…..佢地放遂我去邊疆!!!得我一個人向餐桌食!!!

成餐飯得佢地傾﹐而我就要一個人孤伶伶咁食…..

我第一次食飯食到咁靜喳……

佢地食完先發現我成餐飯無出過聲!!!乜你地咁耐先發現到架!

食完飯﹐佢地就向度玩橋牌!!!而我就要向度洗碗….嗚嗚….好可憐!!!

今朝訓緊覺果陣隱隱約約d喊聲!!!我以為自己聽錯﹐咁無理佢啦!繼續訓覺…..

當我起左身之後﹐依然聽到D喊聲向廚房傳出黎!

咁我走入廚房睇下發生咩事啦!!!原來真係有人向度喊!仲要喊得好淒涼……

初時我以為佢真係唔舒服﹐後來我先知道佢發現左d野所以好心痛!!!心痛得要大喊…..我見到佢喊得咁淒涼﹐搞到我都喊埋一份~~嗚嗚…….

咁大家既心情平復左d﹐咁就傾左一陣就無乜野啦…..

之後我食左早餐就番學啦!唉…星期六都要番~~~

番到去﹐上ITA!!!其實都係學番上年D野…..

放Break果陣﹐阿sir話一陣會話show CDM既成績!!!好驚呀…..

咁臨放學果陣﹐阿sir show個結果出黎啦………………..

睇果陣﹐Reo問我個student ID係咩?我竟然驚到唔記得左!!!

哈………..我PASS左啦……YEAH!!!!!!!!好開心呀…….

但可憐既Reo唔合格呀!!!佢test果陣好勁架喎!唔知考試佢點解會咁???

之後番屋企!!!再出NTP睇衫!!!
但今日竟然睇唔岩D衫呀!!!我見到一條連身裙好靚架!可惜佢果度無得試,,,,,所以 無買到!!!

之後我去睇BOOT啦!!!本來買一對﹐但媽媽叫我買多對替換﹐咁我緊係買多對啦!!!KAKA….

買完﹐就陪媽媽買菜﹐跟住就番屋企啦!!!

哈….聽日有人陪我出旺角睇衫!!!我一定要有好好既收穫呀!keke~~~

今朝好早起身﹐起左身就開部電腦check下野､聽下歌咁!咁又做下功課啦~~

哈….終於做完份功課啦….雖然係可以好快做哂﹐但我做得勁慢呀……

咁今朝Jenny同我傾番我而家一直耿耿於懷果件事!!!我都唔知點解我好介意有個人唔同我講聲生日快樂!!!但唔通同我講一聲會好浪費時間咩?真係忙到會唔記得左我?定係一早已經當我唔存在?依幾日我不斷幫佢搵藉口黎安慰自己﹐成日都會同自己講佢唔會唔記得我既!我覺得好辛苦囉!因為事實根本唔係咁….只係自己呃自己~~~而家日日都希望佢同我講番﹐但日日都好失望咁!就快一星期﹐我應該死左條心!!!

希望我快d忘記依件事啦!因為依件事實在令我好唔開心呀…..我要快d忘記呀!!!

到左1:30﹐約左chi去五十嵐食tea!!!我果碟飯好多呀….飽死呀~~~不過我好叻咁食哂……

之後陪佢買零食!!!

哇,….好驚囉!我行親邊度﹐果度d野就會跌哂落黎!!!好彩我行得慢姐﹐如果唔係我隻腳唔駛要囉!嚇死……

跟住去左公園坐左陣﹐就陪佢行番學校!!!(哈…如果我唔係要拎紙袋﹐我都唔會咁好死陪佢行番去!)

不過我好多謝佢同shareen 送俾我既生日禮物!!!我真係好鍾意呀!!!尤其果隻鱷魚仔呀!好得意呀….果然無令我失望….keke…..

之後打電話俾媽媽啦!!!點知被媽媽放飛機!!!我估唔到我媽媽都會咁對我!不過都無咩感覺﹐因為都被人放慣飛機!!!呵呵………咁我唯有番屋企啦~~~