今日番11:30….咁我7:00就起左身啦!但當我向整完野無耐又想訓過!可惜果陣已經九點啦~~~所以向張床抖左一陣…..

咁9:45出門口啦!!!!

我番到去都係10點幾﹐唔知點解今日咁快就番到學校?

番到去就打電話俾Ella啦!點知佢已經番到﹐我已經早左啦!佢仲早過我…..

第一堂係BP﹐都唔明阿sir點解堂堂都要我答問題架!嚇鬼死…..

上完2個鐘就放lunch啦….呵~~~

叮飯果陣﹐Jenny 問我係唔係好眼訓!其實我唔係眼訓﹐只係好累姐!依排人地同我講野﹐只有人地講﹐我甚少會講野!因為真係好累呀…. 唔知係唔係依排玩得太勁﹐所以而家訓極都唔夠!!!如果俾我抖番一頭半個月咁就好啦!我一定會好精神架!可惜無可能…….

之後陪Jenny買飯﹐等左勁耐~~佢地食哂飯﹐我地都未食!!!餓死呀….

食完飯﹐有樣野好搞笑!!!依個笑話就係黎自Mandy一句 “幾時上 ‘堂’呀?”(大家將個堂字讀咩D!就會知我地點解會笑!)

上 “堂”應該去2樓呀嗎!果度有sofa呀….哈~~~笑死我地呀!!!

Mandy仲要追住Eddie﹐真係好XX喎~~~kaka…..

到左2:30﹐就上ECB啦!!!

哈…..Crystal話我地既speaking做得welldone呀~~~yeah…勁開心呀!

上下上下堂﹐聽到law sir講書講得好大聲呀!仲要係講中文!!!俾Crystal聽到…..

佢就問我地law sir係唔係用中文講書架!咁我地話係啦!如果佢用英文教﹐實無人

明!!!

Crystal就話,咁我上個sem全部都係講英文啦!你地都聽得明架! 咁依個時候, 佢就乘機讚自己教得好啦!OH MY GOD~~~雖然佢教得好﹐但都唔駛咁讚自己呀!KAKA….

跟住上多一個鐘既QT就放學啦~~~好累呀~~~~

今朝8點就起左身啦~~~準備好一陣間出去d野!!!

搞到9:15就出門啦!!!今日約左Jenny去添馬艦既嘉年華會玩!!!

我向架巴士訓著左!!!差D唔知要落車﹐好彩果個站係總站黎姐!

去到金鐘剛剛10:30﹐超準時呀…..依個時候Jenny 都到啦~

跟住我地行去添馬艦……

去到就買飛啦……………………………………………………

跟住就等到11:00就入埸啦!!!!興奮……

一入去﹐就去左放水!!!!點知後來先發現果個係男廁黎架!點知咁窄啦!

放完水﹐就去玩 “老鼠也瘋狂”!!!

我地望到好似唔係好刺激﹐咁就去玩下啦!

點知一玩﹐就知道被人呃左!

玩到中途﹐係咁向度轉轉轉…..真係轉到阿媽都唔認得呀!

Jenny 個patpat仲被個安全扣整親!!!可憐…..

玩依個實在太刺激啦!所以去玩下摩天輪先!!!

點知去到果度﹐果d人都唔理我地既!!!我地超無奈呀……

等左一陣﹐終於有人黎招呼我地啦!!!

咁當我地入左去之後﹐咁我同出面果位哥哥say bye bye!!!當我講完﹐我先發覺係有開窗架!!跟住唯有以笑遮醜啦!!!kaka….

玩完﹐就玩番D刺激既野啦!!!

玩左一個機動遊戲﹐依個 “鄧”到傻呀!!!

有一個又係好變態呀!fin得好緊要呀!!!真係心血少d都唔得呀!

  跟住玩左一樣濕身既野!!!個patpat濕哂!

依個唔刺激!!!只係feel到好涼!!

就係玩過山車﹐就識到一對情侶!!!

我同Jenny係咁叫!!!但佢地2個就無叫!!!好似嚇親佢地咁!

 臨玩之前﹐個鬼佬仲向度嚇我地~~~勁衰!

 玩完依樣野﹐我地就去碰碰車!!!

點知排隊果陣﹐我同Jenny講緊果對情侶﹐當我地一望去後面﹐先發覺佢地向後面!嚇死呀……

之後玩左靈異火車､動感電影､低b既過山車!!!好好玩!!

之後我地又見到果對情侶﹐咁我地一齊玩啦!

我地4個去左玩 “老鼠也瘋狂”､會濕身既機動遊戲…..

有幾個佢地都未玩過!!都提醒過佢地架啦!佢地又唔聽!!!佢地玩到patpat整親﹐條under濕哂!!!勁搞笑!!

有一個﹐我地玩果時都無叫﹐果位男仔就同我地講﹐叫乜呀!!!

哈….都唔係我地叫!!!好瘀囉!!!被我地串番佢!!!kaka…..

之後我同JENNY去左玩 “千秋”﹐又見到佢玩跳樓機!!!

本來想睇佢地點跳樓﹐點知我地行到去已經落左黎啦!!!可惜….

跟住我地去玩埋果D攤位就走人啦!!!

我地去左旺角唱K!!!!

唱到7:00就去食魚蛋粉!!!

跟住就番屋企啦…….好累呀!!!成個人都散哂啦~

番到屋企﹐發現左手臂瘀左!!!好痛~~~

好唔開心囉!!!有一個人真係唔記得左我啦....我等左2日都無任何表示!

心淡了!!!向佢心目中已經無左我既存在啦~唉.....

你一句說話﹐我已經好開心!可惜係無~~~

  傷心極了! 

尋晚被人放完飛機﹐果刻真係好唔開心!!!心情真係好down……

跟住我就問左好多人今晚得唔得閒啦!都唔知發生咩事!個個都唔得閒!唉….

咁我同左好多人傾訴﹐其實個心情都唔係太好架!所以訴完苦就走去訓覺!唔理咁多野啦!愈諗愈唔開心!!!

HAPPY BIRTHDAY TO ME~

到左今日﹐話咁快又係我19歲既生日啦!想唔認老都唔得啦….出年就廿字頭啦!!!今年千萬唔好過得咁快呀!

人都未訓醒﹐就被媽媽既電話轟炸我!!!好慘….仲要唔係好關我事!

之後﹐7點幾就起左身﹐咁襯套靚衫番學!開電腦check下野!!!

無幾耐﹐收到爸爸既sms﹐勁搞笑!!!

之後收到大芬表姐既sms!

跟住再有Mandy同我講生日快樂!

到左8:45﹐我就出門口啦!!!

到左長安巴士站﹐咁打電話俾Jenny啦!佢話俾我聽Reo佢地坐向下層﹐叫我唔好同佢坐﹐否則我又陷入佢地既賭局架啦!

咁我叫佢臨到長安就打電話俾我﹐令我既視線移開!!!哈….我成功避開佢地!!!

番到去﹐第一堂係QT2!!!果位阿SIR好似傻傻地咁~~~真係有D怕怕呀!!!仲要被佢嚇一嚇呀!!!我而家好驚QT2肥佬呀!唉……..

哇….我收到Ella送俾我既生日禮物真係好surprise呀!我真係估唔到佢會送禮物俾我!

上到12:30﹐就放lunch啦!!!

哈.....叮飯果陣﹐阿甘同Ella讚我今日著得好靚!!!仲話好sexy!!!都唔係好sexy姐!!!

Eddie同Reo去左買蛋糕!!!咁我地食住飯先啦!!!

我食完無耐﹐佢地就番黎啦!!!依個時候﹐陳詠芝就打電話黎啦! 同我講左好多聲生日快樂!!!真係好好好多謝你….不過自稱向我心目中地位好高依句說話真係有d…….(都係唔好講啦!一陣間被人打呀~哈….)笑死我啦!!!

之後﹐佢地就同我慶祝生日啦!!!佢地同我慶祝生日﹐有少少感動添!!!好彩無表現到俾佢地睇姐!!!

哇…..Reo切蛋糕切得好…..我地遮住隻眼呀!!!好搞笑呀!

我地個個都覺得個cake都無乜問題﹐只係d jam有d怪!!!不過Mandy竟然同我地相反!!!睇住佢食個cake真係好搞笑呀!

哈….阿甘受唔住誘惑!!終於食左少少朱古力!!!

個蛋糕好好味呀~~~謝謝你地呀!

食完﹐就玩左一陣鋤大D!!!
跟住上8樓check d野!!!

但行去搭 “車立”果陣﹐見到Camille & Jane!!!

咁傾左一陣﹐ Jane話俾Camille聽我生日!!!咁我為左表現我唔係唔鍾意佢﹐所以我俾左個hug佢囉!!!不過佢地真係唔記得我生日!!如果佢地記得﹐我一定會…..可惜佢地…….

跟住打電話俾Rachel﹐睇下今晚有冇奇蹟出現!!!可惜係無架!

之後等到3:30就上Key skills!!!果位KK好搞笑呀!!!仲ok靚仔添!!!

不過佢一講 “傻豬豬”﹐我同Jenny就打哂冷震啦!!!

4:30就放學啦!!!

哇…我同Reo搭同一架車﹐嚇鬼死呀!!!佢講埋d好骨脾既野呀!!!

放左學就番屋企度過我既生日啦!!

當食完晚飯﹐媽媽拎左個生日蛋糕出黎!!!我真係好surprise 呀!!!我仲諗住之前食左﹐今日唔會有得食添!!!

雖然今晚無乜特別節目﹐但我都覺得好開心呀!

哇....今年食左3個生日蛋糕呀!勁呀......

 特別鳴謝: 爸爸, 媽媽, Mandy, 大芬表姐, Jenny, Jane,阿甘﹐Ella, Camille﹐Sarah表姐﹐自稱向我心目中地位好高既陳詠芝(明爆佢全名啦!哈…..)﹐Shareen, Rachel﹐Reo, Eddie, 衰女包…….. 仲有同我同一日生日既樂頌!!!  

*有幾個同我講生日快樂有d特別!!!好搞笑~~~~當然最搞笑既係我個仔同我講生日快樂啦!!!

不過﹐我唯一唔開心既係有一個人到而家都未同我講生日快樂呀!!!我唔知佢係唔係唔記得左!!!希望唔係啦!如果係﹐我真係好失望!我係好期待佢同我講一聲生日快樂架!

今日shareen走啦!!!我地又要一年後先可以再見啦!!!好好好唔捨得…….

今日番9:30﹐一堂要上3個鐘呀!!!

不過好彩係chim sir教﹐如果唔係實悶死呀…..

上chim sir堂特別free﹐唔駛好似上年咁要跟class no坐!!!

而家我愈來愈討厭Lydia呀!!!自從上次佢叫我同果個人say sorry﹐我就好唔鍾意佢!!!佢又惡死﹐都唔知點解我以前咁鍾意佢架???

上完3粒鐘就放學啦!

一放學﹐我發現左又被人放飛機啦!好唔開心囉!滿心歡喜﹐但最終都係得個桔!!!今日只係星期三喳﹐已經被人放左2次飛機啦!!!上年又係咁﹐次次約好左﹐但最終都唔成!!!搞到我一埸歡喜一埸空……….我唔想再係咁啦~~~唔好再令我一次又一次咁失望啦!唔該……………

咁我傾完電話﹐發現唔見左Ella喎!!!原來佢去左搵Jessie!!!

之後我打電話俾Jenny訴苦!!!由等243M傾到我差唔多到番到屋企先收線!!!足足傾左1小時20秒!!!勁…….

番到屋企﹐都無乜野做!!!向度聽下歌咁囉!之後又睇下戲…..

到左5點幾﹐打電話俾SHAREEN﹐又傾左一陣!!果陣都無乜野既!!!
但到左6點幾﹐佢再打電話俾我!!!本來我都無乜野既﹐但SHAREEN忍唔到就喊左出黎!!!咁我依個時候我知道開始唔妥﹐咁我叫收線啦!!!

當我收左線之後﹐我D眼淚開始蘊釀緊!好彩都無喊到~~~但唔知點解開飯果陣覺得好唔開心!!!個人好down~~~可能shareen離開hk既關係啦!!!不過好快就無事啦!!!

食完飯﹐Jenny打電話黎!!!同我足足傾左1小時20分鐘!!!由我未洗碗傾到我洗完碗仲未傾完!!!

今日婆婆又係一年一度bbq既大日子!!!

一朝早﹐就被爸爸嘈醒左~~~

咁食完早餐﹐hea到9點就出門口啦!!!

咁向新城市等埋二舅父佢地同埋婆婆﹐之後再搭299去泥涌!!!

去到泥涌﹐hea左一陣就開始bbq啦!!!

好多野食呀!!!仲好好味呀~~~尤其係果d羊扒呀!正到爆呀~~~

我食左好多野呀…………..

大舅父隻bb老左好多呀!!但依然仲好可愛呀!!!

見到佢﹐我就諗起我隻愛犬啦!!!好掛住佢呀…….

食到3點幾就走人啦!

哇…..今次d野食清哂喎!!!勁呀~~~

之後番屋企沖涼!!!本來諗住去枝表哥屋企打機﹐但沖完涼都成5點幾﹐所以都無去到啦!!!

到左夜晚﹐我地去左馬鞍山食飯!!!d野食好正呀!但都幾油下!!!

個壽包好大個呀!!!

食到11點就番屋企啦~~~keke…..