朝早﹐我同妹妹終於可以去教會見我地既天父爸爸啦!因為我地已經有兩個星期無去啦!因為我有一個星期好好好累﹐所以無去到﹔另一個星期就係要去拜山﹐所以迫於無奈就無去到啦!

今個星期﹐教會特別少人!Queenie姐本來話黎架﹐但之後又話唔黎喎!兩位表哥又唔黎喎﹐去到教會只係見到銘恩同埋7姨腸喳!!!當然仲有其他弟兄姊妹啦!今日去到個感覺好似有d怪咁!向教會呆左好耐先唱詩歌﹐跟住又分班上主日學啦~

今日發生咩事呀?明生講既野咁難明既??????好多個問號向我頭上呀!!!咁講下講下﹐佢就問我有冇睇蔡少芬果幾集既向世界出發啦!咁我話:當然有啦!我4集都睇哂啦!我心諗﹐我點會唔睇呀!哈…咪玩啦!

依個時候﹐妹妹就向度爆我d野出黎啦!哼…衰人黎架!

咁上到1點幾﹐咁就上完啦!!!

今日無飯開﹐原本諗住番屋企食既﹐但7姨腸叫到﹐咁就可憐下佢啦!!!陪佢食飯啦!

去到一間餐廳﹐見到2位教友﹐一位叫秋秋﹐但另一位就唔知啦!!!佢地又幾好傾喎!keke….

食完野﹐再番教會﹐等7姨腸解釋番今日主日學唔明既野!!!哈….,經過佢一番既解釋﹐我明白哂lu……

好野…..星期四go hiking呀!唔知可唔可以釣魚呢?kekek….

咁大約3點幾就番屋企啦!!!

夜晚去婆婆屋企﹐7姨腸講佢以前既野﹐好好好好好搞笑呀…….

又好耐都無打日記啦….今次唔係因為懶而唔打﹐只係依排心情唔係太好!所以無乜心機去打日記!

 依幾日發生左好多事!搞到我唔知點好?

 依幾晚係咁同佢噪﹐仲要搞到我喊!為左d小小事就要咁﹐佢成日講野都打橫黎講既!成日都以為自己岩哂!真係好鬼嬲架果刻…..但我又唔可以發佢脾氣喎!因為我驚…..唉~~~咁我唯有收聲﹐忍佢!!!我忍……

 跟住依排有位姐仔要我地擔心佢囉!!!真係怕左佢呀~~好鬼煩呀…..成日都係因為佢而搞到我隻耳仔無日安寧!!!

 唉….而家仲好擔心一樣野架!但又唔知點同人講喎?又唔知同邊個傾好喎?唔通周圍同人講咩!

 我真係好大壓力呀!我真係好想大哭一場…..樣樣都要我去擔心﹐有時真係好辛苦呀~想哭又唔可以向屋企人面前哭﹐因為我怕佢地擔心!唉…..

唉…..由尋晚凌晨開始﹐部電腦就上唔到網啦!!!上網係我日日都要做既野﹐但今日竟然無得上﹐簡直係難捱呀…如果而家有奇蹟出現﹐咁就好啦!但機會好微囉!

諗住今朝可以上網啦!點知……..唉!

咁今朝番10:30!!!我而家唔鍾意向屋企呀!!!尤其某人向屋企果陣﹐我就特別唔鍾意…….

臨出門果陣﹐媽媽打電話番黎﹐我真係唔想發佢脾氣架!但真係好煩呀….明明尋日我講完D野﹐今日又問過!尋晚已經煩到我死﹐今朝又向度問我!何況又唔係好關我事﹐點解又要搞到我咁苦惱呢?真係好好好煩呀……

今朝遲左5分鐘出門口﹐而且架49X開得勁慢﹐我訓醒﹐佢都未到!!!依兩日都唔知搞乜鬼既!d司機開車開得勁慢….too bad~~

差唔多到站果陣﹐Jenny打電話俾我﹐又係傾到唔肯收線!!!哈…..

哇…..上243M果陣﹐見到一位勁似Christy Yuen既人!!!我落左車先發覺係認錯人….連Jenny都話好似呀~~~

番到去﹐咁我陪Jenny去裝水啦!!!

咁我地聽到Jane叫我地…..但見唔到佢!!!

後來﹐我地發覺佢係無紮辮﹐而且著得好成熟﹐真係好似成個師奶咁!!!咁我地嚇呆左!!所以我地叫佢快d紮番條辮啦!!!

佢紮番條辮果然青春番!!!哈…..我地做左佢既形象顧問呀!!!

之後我地一見到佢﹐我地就忍唔住向度笑啦…哈~

跟住我地上QT啦!!!好留心呀~~~

今堂上得特別快手!!!好快就落堂…..哈~~~~~

12:30放lunch啦………..又要捱3個鐘啦~唉~~~~

lunch果陣﹐我打番電話俾媽媽啦!問下佢打左電話俾i-cable未啦!!!好彩佢無嬲到我今朝果件事姐!!!

哈…..陪Jenny買飯果陣﹐俾我見到靚仔阿sir!!!大飽眼福啦~~~

咁食完飯﹐我同Jenny行左一陣﹐就同Ella一齊上去電腦室做功課!!!

點知行去搭升降機果陣﹐俾我見到上次向開放日見到果位型男!!!

頭兩次只係見到佢背面﹐到左第三次﹐終於俾我見到佢正面啦~~~wakaka….正~~~

今日簡直係luck day呀!俾我一日之內見到2位靚仔….哈~~~

咁我地上電腦室做功課啦~~~點知做來做去都入唔到balance!!!

已經重做左一次﹐再搵埋Jessie & Mandy幫﹐都搞唔到!!!所以我最終放棄左!

咁我開msn啦!!!勁向度同人say hi!!!諗住搵人同我傾下計啦!點知無乜人理我囉!次次都係咁﹐想搵人傾下計﹐一定無人理我架喎!好唔開心呀…..

最後搵左7姨丈同我傾計!!!好彩仲有人理我姐!!!

哈….佢都幾好笑架喎!同我傾下傾下都可以訓著左架喎…..我仲以為我串到佢唔同我講野添….wakaka

之後仲百痴﹐同Jenny玩msn喎!!!佢坐我隔離﹐都要向msn傾計!!!好好笑呀!!!

跟住我再搵Lydia傾計啦!!!點知佢又係同我hi完﹐就無同我講野啦~~~唉….

不久﹐Jenny向電腦睇東張西望!!!

哈…..咁我搵9/3果集啦!因為果集有我至愛!!!而且好好笑!咁我開俾Jenny睇啦!

至愛真係好可愛呀!!!佢同黎姿&邵美琪講埋D鑽石BRA､珍珠BRA & 膠BRA啦!

咁我向MSN問Jenny要咩款呀!咁我話我買俾佢啦!

點知佢唔要﹐佢仲問番我要咩款﹐佢幫我整個!

哈….我緊係要……

笑死我地呀……….wakaka……

lunch果陣﹐俾我發現到一樣野﹐原來好多人都好期待睇至愛果4集向世界出發架!我都可期待呀…….我一定會錄低佢架~~哈……

到左3:30﹐上KK堂啦~~~好開心呀~~~好好笑呀…..哈~~~

放左學﹐我地去搵Crystal!!!俾佢睇下我地果份問卷得唔得!!!但佢一睇完就即刻閃~~~

咁當我搭49X果陣﹐有個人開著個打火機﹐勁恐怖呀!幾驚佢放火呀!!!如果佢放火﹐後果真係不堪設想呀!!!

好驚呀!!!聽朝要去做訪問呀~~~

***點解我成日都唔記得左做一件好重要既事呀?突然之間感到好不安!***

HAPPY BIRHTDAY TO MY DAD DAD~

今日番9:30啦!!!咁我照平時時間出門口﹐但點知49X架車開得勁慢!!!到左搭243M啦!架車無端端向美景落人喎!!!唉….今朝唔知發生咩事架?已經遲架啦….仲要我行番去!

番到去﹐上ECB!!!

唉….我份問卷又要改啦!!!都唔知要改幾多次先得????好煩呀…….

上完2個鐘﹐就放lunch啦…..

今日得我同Jenny & Ella食飯喳…..今日個話題係咁講人既衣著同髮型!!!講到好好笑呀………哈!!!

咁食完飯就陪Jenny交$$!!!之後就去電腦室做功課…..

哈….我諗唔到自己可以做得咁快!!!追到Ella啦….應該係話我仲做得仲快過佢呀!keke….第一次3粒鐘既LUNCH過得咁充實喳….好有成功感!!聽日再努力…..

到左2:30﹐上普通話!!!依堂好少人上!!!d人走哂…..但上得好FREE~~~哈…..

4:30放學啦…….

哈……今朝果架243M唔係兜錯路!!!原來係封左路﹐正想話果位司機架啦!!!哈…..

到左夜晚﹐真係好煩呀……..煩到嘔呀…..又要整番果份問卷﹐又要PRINT 果d report!又要煩星期六食飯既野喎…..

呵呵…..又無打日記啦!!!我係時侯要update下啦….如果唔係﹐後果就不堪設想啦!

其實依幾日都有好多好笑既野發生﹐由於實在太多﹐所以都係唔打出黎啦…哈~

我會再勤力d打日記架啦….我唔會令我果位忠實FANS失望架…..請您原諒我吧!

講番今日發生左D咩事啦……

今朝﹐第一堂係ITTA!!!十分之黑仔…..

都開唔到D files﹐試來試去都唔得!!!之後我放棄左………

我覺得今堂好似無上過咁!!!唉…..下堂又話quiz啦!唔知點死俾佢睇呀???

跟住上IAC﹐好專心上堂!!!哈………..

本來可以放1:30架!!!但要參加普通話時間呀!!!

哇…佢俾我地睇果套戲好悶呀….只係中間有D好笑位.!!!所以我睇下睇下差D訓著左…..可想而之套戲悶到點啦!!!!

2:30就放學啦……..

番到屋企﹐食左D野﹐跟住就要履行我既目標啦!!!加油…..

到左夜晚﹐睇左d野好開心!!!開心死啦……好HIGH~~~kaka…..

不過一剎那既光輝好快就消失左啦…….