又有一段時間無打blog了~

其實宜家都唔知仲有無人堅持繼續打blog吧~不過宜家ig, snapchat咁hit..大家對於分享生活既模式已經改變左~

以前大家總會打好多文字去講自己既感受..但唔知係咪我地現代人，已經好似無咩呢個耐性去用文字表達自己既感受，通常都係po張相，打幾句就完左..

唔知呀..幾個月前，知道一位曾經既好朋友已經畢左業，但我估我都已經無一個勇氣去再同佢講野了..

有時候都會覺得呢一個係遺憾來，因為宜家稔返轉頭，如果自己當初無做一個咁樣既決定，可能大家都呢一刻仍然都係好朋友?

不過同時候，我都知道自己好決絕咁中止大家既關係都係出於我對自己同對方既了解吧？因為我自己實在太懦弱，而對方太了解自己既弱點，

而我知對方一直都懂得點樣利用我既弱點去做D佢想我做既事...可能中止對大家都係最好既結果..但我亦都理解到，可能我會係最後一個令到佢為我付出自己最真最真既個一面既人吧？

唔知道呢一刻，佢既生活過成點？會唔會真係有一個人可以係佢失落，開心既時候陪係佢身邊？ 但願佢一切都安好吧，希望佢唔好再稔起呢一個我，真正將我忘記..

有時候都會好掛住以前大家既關係仲係好pure既時候...不過我知宜家都唔可以再講返之前，都已經再無意義，而我知佢都已經好耐無再上Qz，所以佢更加唔會知道哈哈

不過我相信，宜家佢係台灣一定已經識左好多朋友，都已經適應左係個邊既生活，可能會係個邊住？其實咁都幾好呀. 雖然佢永遠都唔會知，不過我都祝福佢人生可以順順利利，搵到佢想要既生活就好了. 

升到上year 3，真係睇清楚好多人...本來都會覺得，大家都係社福界，點都唔會咁無情，點知其實真係唔關事，因為世界上既賤人真係可其既多..即使係社福界都係一樣..

搵到真心朋友係開心既，所以要好好珍惜..

打打下，都已經覺得好眼訓了...唔知下次再打blog係幾時？我都唔知~ 

但我發覺打blog都係一種好好既紀錄吧，即使無人關注都唔緊要，因為呢個地方就係可以盡情比我發揮~

之後既日子要加油！因為mid term真係好辛苦呀!!!!!!!!!!!