唔知係咪宜家得返我咁長情，仲係到用緊qooza blog去update自己既人生呢？

唔經唔覺原來都用左qooza 10幾年...見證仲由中學，到大專，讀大學，到宜家正式踏入社會既心路歷程。

當然啦，中學時期所紀錄既會更加詳細，詳細到其實宜家都稔唔翻到底其實自己發生左咩事xd 

由細到大，其實自己都係一個好在乎關係既人，好多事其實都睇得好細微，別人眼中覺得我神經質，其實只不過我係比別人敏感一點吧。

幸好長大既我感受到好多身心靈帶比我既舒坦，認識到其實我只不過係高敏感人既一員~ Then everything make sense. 

最近社會變得好痴線...逃犯條例、covid 19 已經令我地呢幾年失去左好多，竟然亦要被逼針...生活好唔容易...

唔經唔覺都已經26歲了，以前既人事物不知不覺都經歷左唔同既改變...

最近睇返以前D相、以前同某D以前既朋友既對話...發覺自己已經比起以前更加既勇敢..呢樣真係一樣幾好既改變呢！

同埋，慢慢一步一步敢，去實現自己心中所想既，其實都真係唔錯...記得以前自己好想做社工，宜家真係比我做得到，仲唔經唔覺係呢間中心做左就來2年..

係呢間中心其實都做得幾開心，好感恩係呢到可以比我遇到好好既同事，佢地唔只係我工作上既好伙伴，仲係我好好既朋友~

其實只要心存正念，身邊既事自解都會一樣好正面！感恩自己生活入面都唔係咁差~ 

唔知幾時呢到會再有以前既朋友再來睇呢到呢？ 如果真係見到既，我都好想同你地講一句: 多謝你地曾經既出現呢！唔知你地宜家過得如何？

今次又打到呢度吧！唔知下次又係幾時得閒update? 隨心吧！我知道未來都會安好的！