已經好耐冇再up blog了. 不經不覺呢度原來已經開左8年~

睇番以前既文字，有種講唔出既感受...原來以前既我同宜家既我已經有好大既唔同~

當下覺得好傷心既事，到宜家睇番，原來係咁不值一提..好多都已經唔知自己講緊咩..XD 但我應該係好著緊的~

呢度曾經既朋友如今都已經有自己既人生路，正如我自己都有我自己既人生路...

呢8年我成長左好多...無論朋友觀，愛情觀，對人生既睇法都睇得比以前多，原來中學既我真係好幼稚，唔知原來人生可以咁長..

宜家既我已經22歲，過多3個月就23歲了. 大個女，開始稔將來~

同緊宜家既男朋友就來一齊3年..呢一次拍拖同以前拍拖好唔同..拍拖去邊做咩已經唔再係重點..而係..我要做一個點樣既人，令我地可以走下去..

點樣既決定對大家最好..點樣包容接納對方既缺點..點樣去欣賞對方對自己既好....呢D稔法都係以前拍拖冇稔既事..我都好興幸自己可以搵到一個願意包容自己既人..~ 

宜家終於都可以搵到自己想投入既行業...宜家已經升上社工year 3，時間好快..好快就要投身社會..漸漸失去作為學生既優越地位..唔知將來點..所以，自己都好努力作好準備~

明年就實習，所以來緊既學年要加把勁~

明愛係一個好溫暖既地方，我識左一班好朋友~願意接納我既朋友~更識到一個好知己~佢係一個善良既知己~總係我失意既時候陪伴住我~亦比左我好多支持同鼓勵~

呢3年來真係有好多改變~唔知點解好想同以前既你地講...感激你地以前既陪伴..以前既你地，我到宜家都好得~

多謝你地.