尋日番左去st.ant 同師妹做分享，係放榜前勉勵下佢地..

我覺得真係好感觸. 原來我已經中學grat左2年. 老師話我冇咩點改變，仲係低低BB咁..（我都唔想架...）不過我心知，我呢2年真係經歷左好多嘢..先有今日既我.

仲好記得我dse拎到張成績表個下真係好驚，因為我成績真係好差..個下沖左去IVE，報左HD, 亦係我最大既轉變. 我沉左成個暑假，番左唔夠一個月工就quit.. 我真係覺得自己係零.

係開學個一刻，我同自己講，我唔可以再令自己呢2年白費，我要入到大學，我要讀到degree，我要讀社工！ 呢一個承諾，我呢2年一直都有keep住係心入面，一直支持住自己. IVE 生活大部分時間都係好lonely, 因為我真係好難揾到同我志同道合既朋友...做功課更加係成日得自己一個人carry唒成組人...每到呢d日子，我都會記番起我對自己所定下既承諾. 有時逼得自己太緊，會晚上自己一個人喊. 但我知道，喊完自己就要堅強，我知道我係可以再堅持多一下. 真係好感激現任男朋友，因為冇左佢，我真係唔知涯唔涯到..

到左宜家，我終於都讀到我想讀既社工degree，雖然係明愛，但我都已經覺得，呢2年真係盡晒力，我已經無悔了. 13/7我會盡最後既力，睇下可唔可以in得入樹仁social work.

我知道，有d嘢係可以改變，只係靠你有冇一個目標同個心去爭取. 我知前面既路唔係咁簡單，同男朋友既路都一樣唔係一樣事事順心，但我堅信，係自己既，有努力既，呢d事唔會難到Cherry姐.同男朋友就來一年，真係經歷左好多風風雨雨，但最後我地都知道，大家愛既係對方，點會咁容易放過對方呀∼

2016已經過左一半，好似時間真係好快...唔知未來既半年會點呢？唔知未來既半年我仲會唔會打blog? 呢d嘢，就到半年後先知啦！