唉。我妹妹同一個同佢3年半既男朋友分左手。

其實一直見到佢地真係有好多問題，但就永遠都解決唔到。

到最後係個男瞞住我呀妹去有左第2個但又要挽留…呢段感情就咁樣結束左。

我作為一個局外人，見證住咁多事既發生…有時都係到諗…到底咩係愛…到底咩係愛情…

其實我知我呀妹既性格真係唔係外人都可以接受得到，包括我有時都好憎我呀妹既一d行為…

但有一點我可以肯定，佢真係付出左唔少，亦見住佢為對方改變左唔少黑人憎既缺點…

佢地開始既時候大家都係中學生，有共同既目標，理想…

唔知外面既世界，外面既思想係點…

但當有一方入左大學，另一方仲係中學生，所有嘢都開始有改變…

可能外面真係有太多太多太多既引誘…從前係男校，如今讀社工系，女多男少既比例真係太引人犯罪了。

而因為咁，作為一個什麼也不懂既女中學生更加冇安全感，因為佢知自己有更多競爭對手，所以就對對方採取緊縮政策…

佢既佔有欲一日比一日更強，管自己既男朋友實一實…其實說到底都是感到自己的男友會被搶走先會做得愈來愈緊。

但呢一個緊縮政策並冇帶來更踏實既心，因為愈管得緊，對方反抗既心就愈大。口裡說不，但行為卻好誠實咁表達了。

其實我相信對方一早不愛了。如果唔係，點會一次又一次咁傷害我妹呢？

但我妹妹就完全唔肯承認大家已經有左一道唔可以修補既裂痕，而我一早就同佢講過…但佢永遠就係咁任性，唔肯聽我講…

但我心入面就唔明，如果唔愛了，點解唔可以一早分手，而去搞咁多嘢？

到底呢種係咩心態？我真係諗來諗去都諗唔明…

其實由入大學個一刻起，所有嘢真係會唔同，因為大家既目標已經唔同左。

而事實上都證明大家已經冇左以前個種想堅持既心… 其實大家一齊係為左咩呢？

有時我都會問自己：咩係愛情，點解拍拖，點解選擇呢個人…

愛情…當中就係由2個人對對方有一種好感，好想認識對方，好想同對方有一d好親密既關係試下生活…

透過拍拖去了解對方，成個過程就產生愛情…而拍拖就有好多既形式，而時間愈耐，就愈接近對方，

當中會有唔少既磨擦…但如果大家都無意去大家一齊解決，由得個問題發大，最後就會大家分開。

可能大家跟本就冇改變，只係大家好識得去偽妝成對方想要既型像…

到底，要幾多段愛情先可以開花結果呢…