家庭關係永遠都係咁複雜..當你越來越大個，一直以來所累積既事情一直無解決既時候，呢D事都會一直咁疊上去..

當去到一D關健時刻，就會爆晒出來...好似總有好多事都解釋唔到..

對於有關我妹既事，我真係已經死左心。有D野一但已經死左心，好似就算對方有點示好既態度都好..我自己都仲係不能夠接受..

父母總係以: 你係大家姐來，呀妹係咁架啦，成熟D啦....每次只係覺得父母跟本就冇去理解我既感受...亦都無視左咁多年來我對呢個屋企既包容...

其實有好多由以前一直壓抑到宜家既事我都好覺得好hurt，但就因為我係‘家姐’，我要原諒，我要忘記..我要去包容..

每當升學，我做既所有決定都係得唔到我想要既支持，反過來我得到既就係責罵同批評..

我記得...當我好想讀社工，而我亦得到左明愛既社工學位，我真係開心到彈起，但屋企卻遇到好強好強好強既反對聲音..

基本上無一個人贊成我既決定..而我妹就叫佢男朋友錄音仲send上我地屋企group, 類似話..我係理大sw grad都好難搵工，何況你地明愛仔？

得唔同家人既支持都算，竟然夾埋外人一齊踩我...

一直來，我都默默為自己去努力..好可惜既係..大家只會覺得，最辛苦既都係我妹，我呢D係垃圾...

可能我真係啦...

其實呢2次既爆發，真係將我一直以來所容忍既事一次過爆晒出來..一切都翻唔到轉頭吧.

其實想講，如果我用你對我既方法去對待你，我稔你一早都會痴左線吧. 我一直忍到你宜家，我已經覺得仁至義盡..

可能真係同雷神同Loki一樣..各行各路，唔好再相見會係最好吧. 

活係父母既期望真係好辛苦. 親生唔親生其實真係唔係一個重點來...

由細到大，有D矛盾，有D感覺我真係唔知可以點解決，而我呢一刻真係無一個動力去為我地已經缺損到不堪既關係再做D咩. 

講真個句，我真係完全絕望，唔想再見到你，好想當我完全唔識你. 

somehow，我其實都對我屋企好失望. 到現在為止，佢地都仲係好執著要我原諒對方.............