2008-11-29 分類: 未分類

怯

而家好耐先打一次日記,其實要打都可以好多野打的,不過唔知點解冇咩心情,睇返以前d日記(n年前個d),發覺以前既我真係開心d,特別係2005年,個排岩岩同mimi一齊返緊油麻地旅遊起將軍澳返工,返工又近,又可以出下團,放工同mi出街,成日去旅行,好似個年仲買左rere返黎,雖然只係好簡單,搵得都唔係多(但唔知點解去親澳門都win好多,次次免費去旅行),可能個時仲年輕,冇咩壓力,而家人越大真係越多野諗,越多野煩,年齡一年一年咁大,老實講我真係好怕到30歲個陣我點,覺得自己好老,而家又要諗將來點,幾時搬出去住,幾時結婚,點樣儲$$,返工有冇前途,返學又要洗$,讀毅進唔知有冇用但有排讀,我真係好想放大假去旅行,但又冇$又要返學又遇到金融風暴,不過人總係要望前面,睇返以前點好係冇用既(想睇都冇得睇啦,過左去冇得返轉頭),現實就係咁殘酷,從前係起人地眼中係個細路,而家就要做個大人,好多野都接受,近排壓力真係好大,什麼都想,什麼都怯,有時我唔係想避,近排係有d唔開心但我唔知可以同邊個講,好多野都好煩...唉...好頭痛...

話咁快又到聖誕,以前我最期待最開心就係聖誕節,好想同女朋友or一大班人無無聊聊咁行尖咀去睇燈飾同到數,但而家...冇以前咁期待聖誕lo,越黎越冇氣氛,可能人大左比較忙既關係,雖然期待無聊玩一餐,但冇人陪我勉強玩一晚,以前好想有感情傍身曬一番,但而家冇咩呢種感覺lu...

我睇左呢篇日記....個一刻..哼..只可以講自己浪費左3年多時間係呢個人身上....原來我只係...根本再沒有理由去接受佢，加上佢都咩都唔會做..

分手就分手...佢根本唔係真係鐘意我的..妻係鐘意我的..會咁樣對我???

有咩女人係唔會發脾氣..有咩女人係唔係呷唶?有咩女人唔想自己男人錫自己???