終於派完卷啦,,　終於...終於...可以真真正正鬆一口氣啦！

阿媽還算滿意呢個成績,,　今個暑假應該可以唔洗受苦啦∼Yeah!!

唔知所謂既試後活動係咩活動呢？

不過,,　都冇乜值得期待啦,,　最期待都係Fashion Show,,

因為阿秀果組入左圍呀！！　好想睇佢地整成點呀∼∼！

加油喔！！　支持支持！！

咔咔,,　自從睇左一連串既韓劇同綜藝節目,,

就開始想學韓語,,　雖然唔識睇韓字唔識寫韓字,,

但起碼都要識聽少少,,　識講少少啦,,

我仲整左一本外語學習の記事簿添,,

實行日文,,　韓文,,　乜都學一餐自學計劃,,　希望唔會半途而廢啦,,

比大家睇下我本記事簿先,,

雖然唔係影得好清楚,,　不過略略都睇到係點既樣,,

咔咔,,　我要努力啊！

幫阿霈整左一輪ｂｌｏｇ之後,,

入多次阿霈既ｂｌｏｇ,,　突然聽一首好熟悉既背景音樂,,

咔咔,,　相信Smoke都唔陌生,,

就係我用《小孩不笨２》首插曲之前既背景音樂,,

修二與彰唱既：

青．春．ア．ミ．ー．ゴ　啦！！

咔咔,,　仲當場比我捉到,,

阿霈聽到之後即刻話轉歌,,　其實唔洗轉啦,,

我宜家都唔係用果隻歌嚕,,　我用緊「一生絕望」呢隻歌嘛　（笑）

今日派左卷,,　成績都只係麻麻地,,　唉,,　讀極到係咁,,

不過比起上次U.T.已經有進步嚕,,

今日派得最開心既卷竟然係MTH,,　哇∼比起上次39分進步左好多呀,,

第一次攞今次呢個分數,,　係我升上中二以黎最開心既一次

為左獎勵自己,,　去左食麥當勞既脆香雞餐啦,,

就快暑假啦,,　又要離開一班好朋友,,

唉,,　真係有ｄ唔捨得,,　唔緊要啦,,　大家可以約出黎玩嘛

要食飯啦,,　你今晚食咩呀？