今日真係真係真係勁無聊,,

ｄ試後活動無聊到死,,　由８點幾坐到１２點,,

真係唔知點解仲要番去,,　（煩）

不過,,　有班Form.１仔成日都打打下乒乓波就打個波過黎我地臺底,,

前前後後加埋十次都唔止,,　仲有幾時打親Smoke佢地,,

雖然知佢地冇心,,　但係都忍唔住鬧左佢地幾句,,

除左因為悶到想搵人鬧下發洩下之外,,

仲係因為佢地一句道歉既說話都冇講,,　勁冇禮貌,,

有條Form.１仔仲懶係串咁鬧我,,　佢都唔反省下自己有冇錯,,

咁啱呢個時候我又好悶喎,,　咁咪同佢玩夠本囉,,

係咁指住佢黎鬧,,　搞到佢由本來扮怒睥變到睥都唔咁睥,,

勁搞笑,,　笑到肚痛,,　見到佢咁,,　條氣即刻順晒,,

啱啱睇完東張西望,,　到最尾睇到果ｄ類似香港先生特輯既時候,,

真係連隔夜飯都想嘔埋出黎,,　全部唔係牛扒就係雜扒,,

有幾個仲好似ｄ黑社會份子添,,　唉,,　乜無線咁慘呀,,

連呢ｄ質素都要啃,,　可憐耶∼∼∼　（悲哀）

一個星期又就快完啦,,　時間過得好快呀,,

如果溫書同考試的時間都可以過得咁快就好啦,,

今日家姐同阿爸去左實惠買左張電腦臺比我,,

話要擺番部電腦喺廳,,　而家姐就喺房用佢部手提電腦

以後都冇得再一邊嘆冷氣一邊一玩電腦啦,,　（哭）

．．唉∼日子以後真係．．難過,,

不過,,　家姐話會買多set喇叭比我喎,,

咔咔,,　又有新喇叭用啦,,　正！

但係,,　以後玩電腦都要比人望住晒,,　好冇自由耶,,

為左留念而家既位置,,　我影左ｄ相哩∼

呢排好似好鐘意影野,,　咔咔

舊既電腦臺↓↓↓

新既電腦臺↓↓↓

不久以後,,　唉,,　呢度就係我既落腳處..　（嘆息）