今朝早真係嚇餐死呀

竟然喺臨出門口既時候唔見左副眼鏡

明明尋晚擺左喺書臺嘛．．

點知喺離書臺超遠既櫃度搵番,,　唔通我有夢遊症？！　（嚇）

搵番副眼鏡之前仲諗住戴副舊既番學先

但係舊果副戴起上黎個樣又勁蠢喎．．果陣真係唔知點算好

戴又唔係,,　唔戴又唔係,,　超白痴

搵副眼鏡果陣仲要一邊搵一邊比老豆鬧,,　唉,,　超無奈

唔見左副眼鏡我都唔想嘛,,　駛唔駛鬧得咁盡呀！　（怒）

好彩最後都搵得番．．有驚無險又過左個上晝。

到左英文堂presentation,,　阿韶講得勁搞野,,　搞到全班都係咁笑

我諗,,　ｄ分數一定唔低啦..　咔咔

終於放學啦∼喺堂上面捱左咁內眼訓,,　終於可以抖一陣

抖完一陣又要趕過去304室留堂,,　真係麻煩

唯一比較開心既係原來Yvonne都係要留堂呀,,　有個人陪下都好ｄ

超唔妥果個留堂Miss,,　管三管四,,　叫人地唔好傾計,,　自己又喺側跟溝仔

仲要溝埋ｄ樣樣衰衰既Prefect,,　真係作嘔..

聽日就端午節啦,,　都係餐餐食糉既日子.....家姐又放假留喺屋企

冇電腦既日子要點過呀......................　（哀叫）

哇．．ｄ日子真係過得好快呀

話咁快六月又黎緊啦,,　過左咁多時間都唔知自己做緊ｄ乜

今日喺英文Presentation既我好白痴,,

諗番起真係想掘個窿埋左自己,,　呀！！！！！！！！！！　（羞）

唉,,　算啦..　都唔係第一次有呢ｄ狀況出現...　要節哀順變..　（嗚）

超無奈,,　今日竟然唔記得帶硬筆果本野,,　明明諗住今天咁Lucky

唔駛考中文說話評估仲鬼咁開心,,　點知..　諗起都有ｄ心痛

我真係全世界最不幸既中學生呀∼　（改編自 Do Re Mi 至理名言）

今次真係愈打愈冇心機．．．．＝．＝”

終於睇完韓劇《宮》啦∼　（我的野蠻皇妃）．．真係超好睇

仲睇埋特別企劃添．．李信既ＮＧ片好搞笑,,　極力推薦喔

ｄ歌都幾好聽呀＞＜　你我是傻瓜,,　是愛嗎,,　呢兩首都幾好聽

歌詞都填得唔錯．．有時我睇睇下《宮》都會喊呀,,　有ｄ場面真係好感人

咔咔,,

一次過換晒個日記既版面係咪好好多呢,,　希望大家鐘意啦