話咁快又到初三啦..唔想番學

今日同平時一樣咁無聊,,生活苦悶而乏味~~唉！

但係我就喺論壇度發左一段野，都想同大家分享下

呢段野既題目係「你會用咩黎形容愛情？」∼

（你如果有咩靈感都可以喺日記度留言話我知呀^^ 當然, 要講埋原因啦）

新年黎到，我就會用全盒去比喻愛情

全盒會擺放好多唔同類型既糖果，就好似我地遇到唔同既人一樣

當我地去選擇既時候，總係會揀自己未曾試過既糖果

如果嘗試過，又合自己心意既，可能就一拍即合

但覺得不適合自己既時侯，就會想把已經放在口中既糖果吐出來，

或者以後就唔再食果隻糖。

始終，我地都會揀番自己食慣既糖，就係因為習慣，

我地清楚果隻糖既味道，一直都鐘意食呢隻糖，

自然無論喺咩全盒都會首先搵番果隻糖，

就好似情侶無論在咩地方都會想念對方一樣，而且糖果係甜絲絲，

就同愛情一樣能夠帶給人甜蜜蜜既感覺一樣。

再說，全盒本身就帶有祝福既意思，就如愛情能令每對情侶感覺幸福。

如果我地唔嘗試全盒裡面既糖果，又點知糖果既滋味呢？

雖然可能會遇到不合自己口味既糖果，又或者係自己剝唔到殼既瓜子，

但我地仍然都會剝瓜子吃，拆包裝吃糖果，

因為我地知道總會剝到靚瓜子，拆到好味既糖果

By.　依米

唔知你又同唔同意呢？

今日，一大清早就起左身，因為我地要去探爺爺∼（又有利是收嘍！）

爺爺住喺沙田，搭車過去，時間仲長過去葵涌，坐喺車度，一邊聽MP3，一邊比架車震到好似個搖籃咁

我終於敵不過周公，喺車度訓著左．．

終於到左沙田啦，爺爺住既係舊式屋村，即係果ｄ得廿幾層既樓,,樓齡都幾高下

去到爺爺屋企，開著電視，先知道獎門人重播，雖然幾好笑，但係最尾都有少少感動

家姐同佢男朋友一齊去左睇煙花，仲話睇煙花要愈凍愈好，氣氛先夠勁喎..乜呢個年頭有ｄ咁既潮流呀？

呢兩日冇左靖靖喺耳邊吱吱喳喳，好似有ｄ唔係好慣，少咁ｄ野

可能就係因為習慣左有佢把聲既關係呱~~ 呵呵

我又學識左一種整Banner既效果啦.....仲識整斜紋添（原來好簡單,,只係我蠢既關係..所以以前一直都唔識）

ＰＳ同ＵＧＡ真係好好玩~~我好似已經玩上癮.............