聽日就年初一啦！！祝大家新年快樂＞＜第二次整Banner啦！

唔好偷圖呀..嘻嘻．．雖然唔太靚,,但都係我既心血黎呀..希望大家鐘意啦！！

毛毛,,新既一年．．．．．希望你開開心心．．冇晒所有煩惱既事啦

今日年廿九，無無聊聊就過左一日．．睇到千嬅攞到十大中文金曲，感覺好開心呀,,

祝佢新既一年事業順利，快ｄ搵個好人家嫁左佢，幸幸福福做少奶奶．．呵呵

老豆今日唔知發咩脾氣．．無端端就鬧我，我好嬲呀！！佢成日都係咁呀

我都冇做錯野，本來明明好開心嘛，比佢搞到心情差晒,,哼。

不過，既然新年就到，都希望佢身體健康，就睇在新年份上原諒佢啦^^

Yeah,,計劃左咁內既事終於都實行左啦..

整左一陣既Banner就面世啦！！不過,,,,,我仍然唔係太滿意..

字有ｄ怪怪地，無端端加果兩個公仔好似冇咩關係．．但為左個Banner睇落唔會太寡

．．．．．所以最後都係加左落去

今日好開心呀..我，阿霈，阿霈既細妹，靖靖同阿韶一齊去睇《魔幻王國》呀

都算幾好睇啦，但略嫌ｄ音響勁得濟，有一幕嚇到我嗌左出聲．．

好彩套電影的人物都同我同一時間喺度嗌，先冇人發覺　（除左坐喺我隔離既靖靖之外）

發現左海報上面ｓｈｏｗ出黎既白女巫果一幕係未曾喺電影裡面出現過．．

阿霈話可能係另外再影,,　或者係呱.....呢ｄ野我地又點知咁多喎~~