哇∼話咁快又到星期五啦＞＜聽日又有得睇鋼鍊啦！

今個星期五都算少功課嚕！通常ｄ老師一到左星期五就思覺失調亂咁比功課嘛！

算佢地今次都有番ｄ人性啦^^哈哈

唉..雖然係少功課，但係...聽日就係家長日啦T^T又即係代表住會比人鬧餐死既「大」日子

睇黎我都係難逃一劫啦∼我真係唔想去呀....邊個可以救下我呀，嗚嗚

今日我同阿陳發現朱朱玲老師竟然搽左唇膏！？真係嚇死我地兩個啦..唔知佢係咪去相體呢？

好心佢啦，都一把年紀嘛，就唔好搞咁多野，嚇親人地就唔係咁好啦！

雖然人地話「呢個世界上只有懶惰既女人」啫，但係佢都懶左咁多年就冇得救呀

拜託，佢唔該有番ｄ自知之明好冇？！

差唔多六點幾既時候，就去左健康院睇醫生，點知我同阿秀咁有緣喎！竟然一齊喺果度睇醫生呀！

我覺得個醫生隻眼好大呀！比我既感覺係好闊，好似塊樹葉咁既形狀啦，講野有ｄ幽默

唔知係咪趕住收工，我見佢有時有ｄ唔耐煩同埋寸我阿媽添呀！諗起都有ｄ嬲！

今日我終於ｄｏｗｌｏａｄ到Ｇｉｆ５啦！好開心呀！仲識整閃閃字，原來係好易整呀！

比張作品比你地睇啦！

真係唔好意思啦！我尋日冇寫到日記，今日補數啦！

其實我都唔係好記得尋日發生過咩事啦，嘿嘿，不如..就咁算啦！哈哈

好，入番正題先，今日終於到左小組話劇比賽既日子，雖然遲左少少放學

但係都算幾好睇啦，有時ｄ搞笑野到宜家諗番起都仲覺得好好笑添！

不過，我就覺得Ms.Chai（唔知個姓有冇串錯）好似有ｄ偏心喎，淨係比自己人拎晒ｄ獎

雖然..我地都有一個獎攞，但係我覺得攞獎既組別都唔係實至名歸既..

仲有ｄ係超悶都攞到獎，我其實覺得ｃ班同ｅ班有ｄ話劇都做得幾好啦！

但係落足心機上台表演，就乜獎都冇，反而其他比Ms.Chai教過既班別求求其其講句野

就攞到三四個獎，真係唔公平呀！

番到屋企，就準備要8幅昆蟲圖圖ｓｅｎｄ比阿秀，再同阿秀＆阿橋一齊去相舖晒相啦！

點知晒相最快都要等一個鐘，阿橋有事要走先，咁我同阿秀咪喺尚德商場周圍逛囉∼

噢！終於攞完相可以番屋企做功課啦！唉，就係因為做功課做到我到左宜家先打得日記，

真係悲哀！