 哈哈哈哈！！終於過左果堂瘀爆既英文堂啦！我生命既火焰又再燃燒起黎啦！
不過，有少少唔高興既係Ms.Luk成日窒我今日既介紹囉，
雖然佢咁樣講可能係為左我好，但係都唔洗踩咁盡呱，咁我真係諗唔到有咩要講嘛..
如果唔係阿揚幫我手，我果段介紹可能連廿秒都冇就完左嚕，喺呢度要多謝下佢先
我又唔係自願出去講既，係佢迫我喎，比下面都唔過分啫
哇！今日留喺學校整網整到六點幾，本來我就只係去改少少野，但係阿橋仲未整完
我咪等佢一齊放學囉，落樓梯既時候都唔知邊個咁「有手尾」熄晒ｄ燈，
搞到條路黑蚊蚊，好彩，我地都平安無事落到地下，等車果陣望下隻錶先知已經六點幾
番到屋企就即刻沖涼，舒舒服服咁坐喺書臺面前玩電腦嚕^^
今日阿靖又問我係咪仲鐘意佢，我可以答你，既然鐘意左佢，
一時三刻緊係冇可能話唔鐘意就唔鐘意，正如我個日記咁講〝想放棄不等於能夠放棄〞
我其實都唔想鐘意佢，你問我點解會鐘意佢，我都解釋唔到
都係果句，鐘意左就鐘意左，改變唔到，（只係答你問題，冇諷刺你既成分）
一係你去勾引佢等我死心，我可能會唔鐘意佢呢∼
 （純粹建議＆講笑） |
