^^今日好似冇咁凍喎，可能係我成日都冇出街既關係啦
 幸福唷＞＜
唉，好多功課未做呀！其實個日記主題應該改成〝救命啊！＞＜又是做死我的一天〞
呵呵，不過無所謂啦，意思差唔多啫．．做左少少Dreamweaver之後，
「鈴鈴∼」電話突然響起，原來阿橋打比我，話佢屋企既豬咩化痴痴地
所以，佢就黎左我屋企整網網啦
 本來乏味既星期六亦因為咁起左ｄ變化
其實呢個日記，我想用書面語寫呀，但係黃靖話用口語寫比較有親切感喎
咁我轉左寫法，唉唉唉，我實在太冇主見啦（比佢睇到我咁寫，佢又會覺得佢自己影響力大嚕，唉唉）
家姐今日將《如果．愛》既歌全部擺落電腦度，實在太好聽啦
 （佢係用手提電腦，我用普通電腦）
好想去睇《如果．愛》呀，呢套戲好似有ｄ似《歌劇魅影》，又係有好多歌仔聽
總之好好睇啦！仲想睇睇周迅演成點喎，
嗯嗯，覺得佢演戲好認真，但係都要睇過先知佢做成點既．．
有冇人要請我去睇戲呀．．唉，我諗都冇人會咁肯做我隻水魚...（失落地慢慢拖著沈重的步伐走遠..） |
