「『腐』就是我的王道！」

熱

死

我

了　（發洩+順便浪費篇幅？XD）

外面簡直就係一個另類桑拿浴室,,　討厭夏天絕對係應該的！

今日又去左飲茶,,　就黎飲到變茶壺的說"　去左樓下果間新開既谷舫酒樓試新野,,

ｄ員工服務態度懶散,,　個樣冇咩精神,,　有ｄ個頭好似啱啱訓醒仲未梳頭咁,,　（做茶樓侍應真係咁辛苦？）

好在ｄ野食黎得快,,　味道一般過得去,,　但都係尋日果間好味好多,,

番到屋企冇野做,,　又悶又熱,,　

打電話比Smoke,,　但佢又出左街,,

打電話比Yan子,,　但佢又出左街,,

乜原來全世界淨得我喺屋企悶到抽筋？"

「雖然人美，心不一定是美的，但很多時候，人醜，心也跟著醜了。」

尋晚明明印象中發左好多個夢,,　但點解一訓醒就全部唔記得？

去左北角既新都會大酒樓同姑婆佢地飲茶,,　又抵又好食,,

ｄ小籠包好食過我地樓下商場果間,,　好想再去食多次,,

呵呵,,　同媽媽去左APM訂左對銀色平底鞋,,　我好鐘意果對鞋,,

下星期四搵人陪我攞貨先,,　好開心好開心呀,,

今日終於攞到副新眼鏡嚕,,　第一次配粗框眼鏡哩,,

嘿嘿,,　如無意外既話,,　Smoke佢地應該係第一個睇到既FD,,　有冇熱血沸騰既感覺呢？XD

睇左《哈利波特》,,　嗯,,　冇預期中咁好睇,,

特別係哈利同張秋無端端錫果一幕,,　顯得有ｄ不知所謂,,

只有臨尾果幾場打鬥場面比較精彩,,　有ｄ失望添..

最近睇到好多關於小朋友犯風化案既新聞,,　覺得好驚訝,,

原來咁細個既小朋友已經識得點玩SM,,　簡直睇到我啞晒,,

真係唔知佢地係對性方面知得太多,,　定係明白得太少,,

我一直都覺得宜家ｄ小朋友真係好「見識廣博」,,　有ｄ只係讀緊小學一二年班已經識點樣爆粗,,

識點樣上堂串老師,,　識點樣聯群結黨出黎欺負其他小朋友,,　恐怖程度絕對唔會比大人輸蝕,,

係時候要檢討下點解ｄ小朋友咁「厲害」..　諗起都一額汗。