真係好頂唔順.. 果位周嬸成日都浪費上堂既時間,,
講埋ｄ不知所謂既訓話,, 不知所謂既吹水演講,,
成日都用埋ｄ「你估我唔知你地咩！」「你地實係ｘｘｘ啦！」既字眼,,
每次講ｄ野都令我好反感,, 佢次次都將自己既諗法塞落我地度,,
佢以為佢係邊個呀？ 心理醫生定係青少年輔導社工呀？
身為數學老師,, 但成日都計錯數,, 仲成日諗住要輔導我地,,
好心佢專心教好ｄ書啦,, 淨係得個講字,, 搞番好ｄ教學進度先再搞其他野啦,,
今日又講埋ｄ「我地ｄ老師真係冇睇死你地呀！」、
「你地唔好成日比最壞既一面我地睇啦！」既說話比我地聽,,
真係隔夜飯都嘔埋出黎.. （汗）
唔記得邊位老師話我地班既教學進度係最慢,,
救命！ 你地堂堂都訓話緊係進度慢啦！
醒少少啦唔該,, 既然你地堂堂訓話我地班都聽唔入耳,,
就唔好再浪費時間啦,, 唉！
我校的老師們只要教好你既書,, 袋好你份糧,, 就足夠了,,
為人師表,, 書都未教得掂,, 管咁多野做咩呀..
講到我校老師們既品德,, 真係要提下我姑姐既真人真事,,
時間要追溯到本年度既陸運會,, 我姑姐係做康文署既,,
咁啱呢幾年就調左黎鄧肇堅運動場,, 今年係調職既第二年,,
老師們原本只係向鄧肇堅運動場預訂三個泊車位,,
點知黎到場地既時候發現唔夠車位,, 所以就同我姑姐講要多個車位,,
我姑姐緊係唔答應啦,, 有咩理由你預訂三個泊車位要比四個,,
老師們就開始發脾氣,, 理直氣壯咁話：
「有冇搞錯呀？ 我地校長冇位泊車咁點先？」
為左拍馬屁,, 咁既說話都講得出,, 真係最高景界,,
我地學校ｄ老師真係..
或者仲有好多好老師,, 但呢種老師喺我地學校幾乎絕跡,,
我校既老師們大多數係偏心,, 小器,, 死唔認錯,, 死要面,, 冇修養,, 冇自知之明既人,,
我已經唔會對佢地失望,,
從來都冇期望過佢地會有幾好,, 何來失望？
老師們認為我地成日都令佢地失望,,
佢地何嘗唔係達唔到我地所要求既基本標準.. |
