今日換左個背景音樂,,
係《生肖奇緣》既主題曲「For fruit basket」,,
覺得幾好聽就擺上黎,, （笑）
原來《生肖奇緣》係另外一個名叫《幻影天使》既動畫,,
喺FOXY要打「幻影天使」先搵到,,
呢套係我星期六同星期日狂煲既動畫,,
初頭比較搞笑,, 中段既時候情節已經令我勁感動,, （個人見解）
後尾仲勁,, 集集都喊,, 最尾果集喊得最犀利,,
唔好誤會,, 呢套唔係一套慘情戲,, 仲可以算得上搞笑動畫添,,
但係入面既草摩家族ｄ人既遭遇實在令我好感觸,,
所以我先喺個電腦面前又喊又笑,,
接住落黎應該係睇《死神Bleach》,,
雖然唔知個故仔講乜,, 但好似好出名咁,,
又好似有好多人捧場,, 所以就試下睇,, （笑）
好辛苦呀今日,, 體育堂跑長跑耶！
雖然我同黃萱都只係行,, 但初頭緩步跑既時候,,
黃萱係咁引我笑,, 搞到我一邊跑一邊笑到肚痛,,
跑到我索晒氣,, 由頭攰到落腳,,
黃萱仲慘,, 佢尋日大姨媽黎左,,
佢仲話今日係第二日,, 係黎得最勁既日子,,
佢一路跑一路話比我聽：「死啦死啦,, 黃河缺湜啦！」,,
哈哈,, 笑到我肚痛,, 我答佢：「血河缺湜就真！」,,
一日就咁過左嚕,, 時間過得太快啦,,
終於有locker啦！今日揹住個輕飄飄既書包,,
心情勁靚,,
同阿秀一齊番屋企既時候,, 大談【夢幻西餐廳】遊戲經驗,,
唔知你地有冇玩過呢？ 可惜我之前洗機洗晒ｄ野,,
好想再玩番呀！ （笑）
|
