哇,,　書包重到我條腰都就黎斷開十幾截,,

TMD老師們又唔用書..　帶番去都冇用既,,

今日,,　發生左,,　一件,,　我呢幾日都難忘既瘀事,,

如果係我身邊既朋友就會知發生咩事,,

所以無謂多講,,

唉,,　我真係想搵窿捐呀！！　（糗）

我直情唔想番去見到佢地幾個,,

真係希望從來都冇發生過呢件事,,

啊－－啊啊－－啊啊－－啊－！　（尖叫）

我發現我一遇到唔如意既事就會大嗌,,

真係要改下先得,,

話時話我隔離果位阿生今日冇講過五句野,,　（喺我聽到既範圍內）

而且仲要好細聲,,　我未聽過ｄ男仔講野可以咁細聲,,　（汗）

唔知係咪我地仲好「生寶」既關係,,

或者可能佢本身講野就咁細聲..細聲..細聲..　　（碎唸）

總之就係四個字講晒：「寂默一片」,,

由於今日有六科既關係,,　（Day 1真係辛苦|||）

又知道多ｄ科既老師名單啦,,

西史係繼續由方阿嬸教,,　（慘,,又要肥佬啦..）

中史由（唔記得左邊個教）,,　所以略過,,

中文由朱婆婆教,,　（唉,,又是慘淡）

ＥＰＡ由風趣幽默既Mr.Wong教,,

Mr.Wong全名係乜野？！　我其實都唔知,,

我覺得黎緊呢年最鐘意上既將會係ＥＰＡ,,

因為果個阿SIR實在太識搞gag啦..　（笑）

一年一度既開學禮,,　一如以往既沉悶,,

沒有特別既事發生,,　校長喺台上不停重覆以前既訓勉,,

我旁邊隔一條走廊既Form.one仔個個都勁專心聽,,

慌死聽漏一隻字會比人趕出校咁,,

佢地之後就會知道呢間所謂既Band.one英中其實都冇乜大不了,,

「人地以為佢執到寶,,　其實都只係條爛草」

終於知道邊個係我地訓導啦！

係朱SIR,,　問我邊個朱SIR？！

我都唔知邊個朱SIR,,　（茫然）

至於數學就由班主任周阿姨教,,

英文由「高」水準葉阿姨教,,

地理理所當然由班主任柴師奶教,,

唉,,　除左呢幾科之外,,　全部都一無所知,,

呢排發現ｄ細路愈黎愈身驕肉貴,,

都到左讀中學,,　仲要ｄ阿媽接送番學,,

有個仲離譜,,　個家長接定架的士等個仔女放學,,

啊－－！　（尖叫）

點解可以咁誇張呀？！！！　（大叫）

太恐怖啦,,　我諗我要去收下驚先得啦,,

啊－－啊－－－啊啊－－！