今日係我地為來緊5月份去福岡之旅開簡單既茶會.......順道食大餐

其實主力係食大餐,學整2味餸.....仲有神秘任務,後補生日禮物~~~送花束比楊太

今日煮既餸好多,所以下午就約埋楊生楊太一齊去買餸,為左比個驚喜楊太,唯有預先叫我老公將花束比楊生拎返屋企收埋佢先。

楊生出門口後冇耐就扮肚痛,要返屋企去廁所,我老公就扮去圖書館還書。成功係神不知鬼不覺下將花束收埋左係屋企先。

2個男人之後前後腳回合返我地繼續買餸.......

今日晚餐真係非常豐富,我仲學識左整B仔雞翼尖同埋炸豆卜饟魚肉
8個餸無湯無飯,但都食到好鬼飽

聞名已久既B仔雞翼尖,好美味!

終於都學識既炸豆卜鑲鯪魚肉

砂鍋雲吞雞,D雲吞仲要係自已包既,勁丫!

水晶晶

川式風味烏頭魚魚頭

豉汁蒸烏頭魚魚身

糖醋骨

蟹肉油炸鬼蒸蛋,蟹肉仲要係我地之前去沙巴買返來既手信

真係超級豐富又美味,食完正餐仲有甜品及嘆茶

雖然是遲來的生日禮物,但希望你鐘意

這束花用左好多靚花材,大部分都係日本進口花。