聯絡保險後好快就約左今日去睇心臟科醫生,早上由自己屋企行去搭車既時候,路途只係8分鐘左右,但已經令到我有氣喘同有D想暈…….有D心跳快

去到醫務所見醫生,又講述返係泰國旅行時開始唔舒服既狀況,以及入左政府醫院時既狀況,跟住量血壓就14幾/90幾,心跳快左少少,但CHECK左 血液裡既含氧量係沒問題,醫生話我咁後生有心臟病既風險好低,不過都會安排我入院做較詳細檢查,例如做心臟超聲波,做顯影劑電腦掃瞄,心電圖,同埋醫生建 議做埋胃鏡,佢懷疑有機會我傷左胃部同食道所以引致其他問題,不過私家床位都緊張,最快安排星期日入院,星期一做檢查,開左心臟藥/降升壓藥,胃藥,放鬆 藥等等比我食。

睇返D年紀大D,經驗豐富D既醫生係好D,起碼佢會講出可能我胃同食道有事,令我知道可能有其他原因導致我咁,唔一定關心臟事……