近排仲係好忙,但難得流浪狗之家有個探訪活動,百忙都要抽時間去一去
一直都好想找個救助動物的機構做義工,無奈真係太忙,今次真係要掟起心肝,親身去認識及接觸一下這些機構
今次揀左"香港流浪狗之家"既原因係一直都有留意他們的FACEBOOK專頁,這機構既成立歷程確實觸動了我
真係萬分感激創辦人Angela, 她付出了自己一切就是為了救助流浪動物,所謂既一切是包括一般人都認為很重要既野
完全感受到她是真心為動物既付出,其實我都幾羨慕她,起碼她有能力去做
有時我見到好多被遺棄既狗仔,好想救但都冇能力去救,睇見就心酸
流浪狗之家成立後很快就收養左200多隻狗,而家既數目係260多隻
真係希望愛狗既人仕隨了愛錫自己既寵物外,也能為其他流浪動物出一分力,有錢出錢,有力出力,亦可去做義工,
流浪動物確實很需要我們......
某程度都覺得有咁多流浪動物都係人類造成..............
今次這個探訪都令我好深感受,雖然自己都養左寵物好多年,但都是細狗,而這個狗場,幾乎全部都是大狗,唐狗,因為狗場位於新界區,地理位置既關係,所以救回來的大多數是唐狗,而唐狗卻是最難有人領養既品種,我自己就覺得要有大少少既地方養大狗才比較好。今次亦第一次一次過接觸咁多狗,起初都會有D膽怯,話哂咁多隻,總有D係性格比較惡吧!其實佢地居住的環境,都是一個個比較大既區域,一個區域裡面養了一堆,我都很有疑問他們不會打交嗎? 相處過後發現,除了我們拿小食出來餵他們的時候,他們因為有點搶食之外,其餘大部分時間佢地都係好平和,沒有太多衝突,而我地進入狗群當中既時候,他們都是好熱情,會好奇地在我們身上嗅氣味,當我地摸佢地既時候,佢地既樣子都是很享受,大部分都是很喜歡比人摸,當中有D可能曾經給人類虐待過,想走近既時候,佢地已經好驚咁走左,有D就算困左籠裡都好驚,尾巴也下垂,縮埋一角,看見他們真的心痛,其實他們很多都很乖,為何人類要這樣對他們。
看看他們每一張面孔及眼神......他們真的很想有人愛
 
這隻大狗身型很大,但樣子傻傻的,十分嗲人,常走到人身邊要人摸他。
這隻3腳狗生命力很強的,小時候遇上交通意外,冇左1隻腳。
有小食吃就好開心....
每天也是等待著會給他愛及家的人........
真心希望大家可以幫下流浪動物,可以捐狗糧,物資等等,未來狗場會為所有狗狗打心絲蟲藥,現正為此項目籌集資金,希望大家都能出一分力,沒有好多人可以好像ANGELA那樣將自己所有野付出給動物,我們就用我們能力可付出既範圍內幫幫他們吧!
整個探訪既過程, ANGELA常說多謝我們來探狗狗,多謝我們的帶來的物資,我跟她說,其實是我們多謝你才對,雖然在外面流浪既動物還有很多,但她用自己所有既給了200多隻狗暫時有個家,得到好既照顧,我真心很敬佩你及多謝你既付出。
香港流浪狗之家的專頁, 可以去了解一下。
https://www.facebook.com/pages/%E9%A6%99%E6%B8%AF%E6%B5%81%E6%B5%AA%E7%8B%97%E4%B9%8B%E5%AE%B6/155228108013262
|
