今年突然既旅行.......冇諗過中途殺出一個布吉之旅......

之前申請左DBS張MASTER咭諗住用來儲飛行里數,咁岩個排簽滿左2萬蚊,結果有個迎新禮品有免費2晚酒店

PROMO有5間酒店揀,有1間布吉,2間蘇梅,1間峉里,1間三亞,本想揀蘇梅或峉里,但機票太貴,而三亞就一定唔會考慮,結果就揀左布吉,其實之前HONEYMOON已經去過布吉,亦都感覺麻麻地,但老公卻好喜歡,為左留返D彈藥用係5月既福岡之旅,唯有再去多次布吉。

今次送出酒店住宿既係ANANTARA集團既酒店,BOOK房時佢會SALE你聽佢個簡介會,但個簡介會係去到當地酒店先聽,又係SALE入會個D野啦,就算聽完唔JOIN,佢都會再送多一晚酒店或Upgrade本來已送既那2晚酒店,不過聽一聽都預左要2個鐘,我老公就對呢d好反感,堅持唔聽。

咁我地諗住住2晚就會轉酒店去巴東個邊住同玩。

對於呢間咁既集團,未出發已經很沒好感,事源我係book酒店個陣,send booking信之前打電話去cs問野,因為佢除左免費2晚酒店,仲會送埋機場接送服務及2日早餐,咁我當時就問,如果我住2晚自己轉酒店,咁我享用唔到第2程既機場接送,可否將個程車轉為去另一間酒店,跟住cs個小姐話冇問題,只要唔太遠就得,咁我當時再問佢,去巴東個邊得唔得,佢再答我冇問題,仲話只要唔係去離島個d就得,佢仲話我落完book後會收到佢地個confirmation email, 跟住叫我用個個email reply返航班時間既時候mention返就ok。

咁一心諗住一切妥當啦,不久就收到佢地個confirmation email, 咁我係出發前3星期左右就回覆佢地,打埋航班時間及第二間酒店地址, 跟住佢地就有個email覆我話安排唔到第2程轉酒店既接送,但就送返1000B COUPON比我係酒店食DINING或做SPA用,個email係由上海office send過來。當時見到佢咁講,我都回覆返EMAIL同佢講話我落ORDER既時候,佢既同事係回答我可以安排,點解而家又話安排唔到,但SEND完之後佢地幾日都冇再覆我EMAIL,見到咁樣,我就打返去HK CS既熱線問清楚究竟係點,當時落BOOKING時冇問到口頭答應能安排第2程接送那位小姐既名稱,因為根本冇諗過會發生呢件事,接我個電話個位小姐當然唔會咁岩就係當時接我ORDER個位,但接電話個位小姐話係佢地系統度見到當時係邊個HANDLE我呢張ORDER,但佢講緊另一電話,話會通知個位小姐覆返我電話,咁無法,唯有等佢覆我。

好啦,個位小姐覆我電話,咁我就講返我收到上海EMAIL話安排唔到第2程車接送,我話我當時問佢,佢話沒問題,當時個位小姐亦冇唔承認自己講過,冇唔承認答應我可以安排。但佢就話剛剛公司改左POLICY(剛剛改左1個月wor),而家只能安排機場到酒店或酒店到機場既服務,我話,嘩,你地隨便單方面話改就改,佢話佢地有權咁做,我話你地係我落左BOOKING後隨便改你地既野,咁去到收返我酒店錢都得架啦,一句話有權單方面改野。我話,如果你當時唔係答我話得,我就唔會咁樣PLAN我個TRIP啦,我就聽佢個簡介會住多晚,玩4日3夜就返香港啦!佢竟然聽到我咁講,問我係咪如果安排返聽簡介會就住多晚,佢試下幫我問下改唔改得,我話,小姐,我已經BOOK哂酒店,點改丫,而家搞到咁,梗係唔聽啦,佢仲叫我打去個邊睇下改唔改到,我話而家距離出發都唔夠2星期,而家CANCEL,好多都要罰錢架啦,我話我既損失係咪你地承擔,同埋我係買左5日機票,咁你叫我玩完4日3夜就走,咁我個1日機票唔通又改丫,我真係忍唔住問佢有冇去過旅行......跟住佢就話問下公司,睇下可以點處理再覆我電話........

傾完呢個電話真係火都來,個程車錢我唔係比唔起,但就最憎人反口。而上海個邊仲唔覆我email,我就再發多次佢先覆我問我個位同事叫咩名。而那位小姐覆我電話,話公司只能比返1000b既coupon我用,當時我都覺得再同佢嗌都冇用。

我選擇用email投訴呢件事,我同上海個邊講,我冇預計呢件事會發生,所以冇員工個名,我話相信佢地公司有辦法查到邊個員工handle我呢張order (其實我已經知道個位小姐個名,但我想等佢自己去查)跟住我話對佢地集團十分失望,叫人點有信心去JOIN佢地個會藉,跟住叫佢安排返機場到酒店個程接送比我,叫佢回覆返我。跟住佢回覆返我話搵唔到有同事認承過我呢樣野,但就話知道同事OFFER左1000B DINING OR SPA既COUPON比我,我真係覺得好好笑,佢又會搵到有人OFFER左野比我,但又搵唔到邊個HANDLE我個ORDER,我真係覺得呢間公司好唔老實囉,而且佢都仍然冇係EMAIL回覆我第1程車會安排。跟住我再email佢叫佢MAKE SURE會安排第1程接送,但都係收唔到佢回覆,大佬,距離出發10日唔夠,仲唔覆我想點.......

跟住我再打去香港CS問,我問佢如果我覆左佢地航班時間叫佢地安排接送,佢地係咪應該會EMAIL回覆確認返我,當時CS位男仔答我係,但我話我已經追問左幾次,但佢地都冇正式回覆我囉!咁個男仔就比埋佢自已個EMAIL我,叫我forward個EMAIL比佢,佢明早幫我跟進。咁我就搵返當時第一次收到CONFIRMATION個EMAIL,裡面原來係CC左好幾個人,咁我就REPLY全世界及CC埋比個男仔,叫佢回覆係咪已幫我安排第1程接送。真係發現有D人真係好衰,之前我一直只係同緊一個人溝通既時候,佢就拖住我來覆野,但當我REPLY比所有人既時候,佢就覆得好返。終於覆我話會安排。

對於呢間野既服務,真係大開眼界,我己經有朋友去左峇里間酒店,聽埋佢個簡介會,佢個會藉閒閒地都十幾萬,如果JOIN左佢地就真係慘,咁既服務質素.......區區一程接送服務都可以搞到咁....同佢地溝通真係要小心,好唔老實囉!