由於都係新手既關係, 僻完味後第2風都打算風下生果,試下效果先。

上網睇左好多人分享,由於我部機WATT數低,得250W,所以每次風野需時都會比較耐,同埋最後將要風既野切簿D,咁就易風D。

今次試風了美國蛇果,南瓜同菠蘿。

用60度風左12個鐘,可能切得薄既關係,風左幾個鐘有D已開始捲起。有谷友教風生果用50度會好d,下次再試下先。

風後感:
蘋果略帶酸味,見網上有人分享好多人風蘋果都有酸味,個D係果酸,但唔同牌子蘋果風出來既效果都有唔同,真係要慢慢摸索,亦有人教風前淹鹽水。
菠蘿因為薄都脆脆地,都有略帶酸味
南瓜由於我是生風,略帶草青味,谷友教最後先煮一煮南瓜先風