預計行程: 12:40 PM 到泰國 > 先去酒店放低行李 > LUNCH @ 榮泰魚旦粉 > SHOPPING - T21/BIG C/SIAM > 夜市ASIATIQUE > MASSAGE
最後行程: 香港 > 曼谷廊曼機場 > 酒店放低行李 > 去泰榮食魚旦粉 > 再食雞飯 > 返酒店拎車出發去ASIATIQUE > BIG C > 夜宵
 
終於來到泰國,好興奮,今次呢班機不是太滿,本來都有人坐係我地隔離,不過起飛後自己掉左位,我地前面個排紅色chair又冇人坐,都幾舒服.....而過關過程都幾順利,好快就順利過關,出到去行李都已經到左,好快搞掂出去搵朋友,好彩機場有免費wifi....因為泰國舊機場都分幾個區,我地係唔同位置,要一路fb message聯絡先會合得到...點解話好彩有wifi....話說我地一早係香港買左電話卡,點知起飛前先發現唔記得拎iphone枝針,換唔到咭,好彩立即通知泰國朋友帶支針比我......所以去到機場都係靠wifi先聯絡到.....
會合左朋友就出發去酒店check in 先, 上車立即換咭, 非常方便, 插咭, 開機, 用得, 張咭係鴨記買$50。
機場唔算好大,一面有幾間兌換店,知道機場實唔太抵,所以冇特別睇個RATE係幾多,另一邊就TAXI SERVICE及自駕遊既租車公司店
去酒店途中都有點塞車,有見及此,一陣去酒店放低完行李,朋友就建議泊架車去酒店,再搭BTS去我想食個間粉店面,因為間舖收4:30,如果揸車怕塞車趕唔切,而且只係搭2個站,所以朋友同我地去到酒店後都放低架車,好在酒店有免費泊車服務,跟住就一齊搭BTS站去Phrom phong站搵食.....我當時已經好肚餓,由於剛到步,未有時間去super rich唱錢,見酒店附近有間個RATE都有4.54,都唱左少少用住先
第一次搭BTS買飛,來緊呢幾日都會搭......由nana去phrom phong 22b
 
好彩冇揸車, 去到泰榮魚旦粉已經4:00, 所以舖頭都冇乜人, 佢有分大細店,聽BLOGGER講,係2兄弟分別經營,我2邊都試過,我覺得大舖個湯底較有魚肉湯味,細舖偏濃,不過細舖有中文MEAU及菊花茶飲,呢餐係泰國第一餐,抵食又好食,連我泰國朋友都話好食。
左邊藍色頂係細店,右面紅色頂係大店
  
 
  
食個簡單既面都有好多調味料比你加,有花生碎,辣粉,青檸汁,糖,魚露等等......原來泰國人好鐘意加糖!
4個人叫左4碗面,1碟炸魚皮,1碗剩旦,3支可樂,TOTAL: 268b......真係超超超級抵!!!!
 
泰榮位置: 係BTS Phrom Phong站4號出口,下樓梯後向背脊方向行,行一陣會見到24/1街(細街仔),再行前見到26街 (T字大路口)(中間係唔會有25), 26街轉右行入去, 行到咁上下經過左間酒店前少少就係。
  
食完行返出BTS站, 行左一陣蝴蝶袋專門店, 跟住行返前少少就見到BLOGGER介紹個間雞飯開左檔, BLOGGER介紹呢間雞飯開6-8PM, 好食過水門雞飯, 係走鬼檔, 買完就收檔, 當時5點幾, 咁好彩遇到梗係拿拿臨要試下, 5點幾已經好多本地人來食, 開始要排隊買,又真係幾唔錯, 不過我冇食水門雞飯, 冇得比較邊一邊好食D。
 
好彩早左少少到,食完已經開始排長龍
 
食完就返酒店拎車準備出發去ASIATIQUE夜市......差不多7點去到夜市....呢個夜市都幾好行, 有野睇,有野買,有野食,不過我就只係度買左BKK袋同2件小朋友衫仔, 呢度都有蝴蝶袋專門店, 不過冇理由係呢度拎返去咁遠,呢度有幾間買手信既SHOP,都人山人海,本來打算係度掃藥類, 不過朋友話遲D帶我去佢家附近藥房買, 會平D, 所以冇係呢度買。由於我地5點幾先食左雞飯, 未咁快肚餓, 所以冇係呢度食DINNER, 行左2個鐘左右就走LU
    
呢幾間shop好多人買手信,不過我冇特別睇d野咩價錢
 
試左呢個都幾好味,幾得意,好香椰子味!
 
行完去左朋友屋企附近屋企間BIG C 掃貨.....主要都係掃薯片,紫菜,調味料等等, 呢間BIG C好大,遠離市區, 成間BIG C 都好似得我地幾條友, 好好行......靜到鬼影都冇隻.......
朋友介紹呢隻蛇粉好用,買左2樽試下
呢隻同事order要掃貨,掃左十包都有
呢隻食面時可以落d或炒菜時落d會好野味,有好多隻味,可以試味,最後買左3盒。
通常買得多都會主動問要唔要紙箱,我只pack左一少箱,都唔算買得好多
 
買完先去地道大排檔食宵夜,去到都11點......叫左幾碟小菜, 係蜆比較細碟之外,其他都不錯, 尤其海鮮粉絲沙律, 酸酸辣辣好醒胃。由於食完都12點幾,所以朋友車我地返酒店, 都要20分鐘車程, 而且去到酒店附近又有點塞車, 我酒店出面個條街原來夜晚變成酒吧街, 好熱鬧...好多野睇!!!!
    
  
原本明天打算各自食早餐後就預10點開車出發去芭堤雅, 但今晚朋友送到我回酒店再返屋企都應該要點幾了, 而佢又介紹我地去佢屋企附近一個街市食早餐, 所以改左晏D先出發, 等大家訓晏少少, 反正明天芭堤雅主要都係水上市場同晚飯, 冇乜景點要去, 晏D出發都冇所謂!
|
