預計行程: 0930-1000出發到芭提雅 > 水上市場 , LUNCH@水上市場 > 1800-1830 到懸崖餐廳DINNER > 預9點返曼谷
最後行程: 9:00酒店出發 > 食早餐+買藥 > 出發去芭堤雅 > 水上市場 > LUNCH@市場 > MAKRO 超市 > 懸崖餐廳 > 返曼谷 > 嘉年華夜市 > 回酒店
今早會先去朋友屋企附近街市食早餐,而出發去芭堤雅個方向都係朋友屋企個邊,所以早上我地就搭BTS去BEARING站搵左個FD先....由NANA去BEARING站44B,約20分鐘
呢度係酒店對出個條街,成條街都有好多酒吧,行去車站大概8-10分鐘左右
朋友帶我地去左個24小時既街市......24小時超市就聽得多......估唔到街市都有24小時......唔係有朋友帶路,真係唔會識得來呢D地方
呢個街市都幾大,有好多蔬果買,生肉,海鮮,干濕貨樣樣都有,食野都有好幾間選擇
朋友介紹我地食呢間雞飯同雞絲粉,晨早流流食雞飯,真係第一次.......但係又真係幾好味WOR
  
呢杯咖啡蝦子餅好欣賞,要再encore tim
呢個雞飯好彩叫得快.....未食完已經聽到話賣完......當時只係早上10點幾
雞絲湯粉都好味,本身已經有d香料係湯底
係呢度食野都幾好,佢會比杯凍茶我地,唔洗叫野飲都有凍茶飲
 
食完早餐就去左一間藥房掃藥,買左拳王膏,鼻捧,按摩膏,蚊膏等.....係平過出面少少
買完就坐呢架戰車出發去芭堤雅lu......今日天氣都不錯
 
2個鐘頭多少少已經去到PATTAYA FLOATING MARKET 水上市場,中間有少少塞車,同埋去左中途站去下廁所,買下野飲咁........
遊客200b一個入場費, 本地人免費入場
 
如果要坐呢d船遊覽就要join package, 好似800b, 包幾個表演項目 (但個d表演本身有d係免費睇既, 佢冇得only比錢搭下船,所以我地冇join),好彩都冇join,因為行行下行雷落大雨,如果坐坐下船落大雨都唔知點算)
除左一間間shop之外,都有好多船家泊係側邊賣小食,都幾特別!
    
         
呢度有間shop有名信片買,有d泰文句子比人參考for寫名信片比朋友,呢d就最岩我,我最鐘意去旅行時每到一個地方都寄返張postcard比自已,佢呢度仲有個郵筒係度自己直接寄,postcard加郵票40b
寄完就開始下大雨了.....越落越大,仲行雷......超擔心,因為今晚去懸崖餐廳outdoor食dinner,如果落雨就會好掃慶
雨大得無法行,就求其搵間餐廳坐低食d野先,其實佢呢度有好大個food court,但當時太大雨,冇辦法行去
間餐廳既野食就麻麻地,所以都冇影相
之前係d船仔買左個芒果燸米飯,不過d飯硬左少少,麻麻地
食完野停左雨,可以繼續行,試左呢個拉茶,幾好飲,有d似香港既珍珠奶茶味,30b細杯,但細杯都好大杯......
  
來到呢度估唔到都有條鎖橋,去唔到歐洲個條,就係度玩下....40b有2個鎖
 
行完水上市場.....見未夠鐘食飯,就去左附近一間批發超市行下,叫makro,呢間超市買既野係要一pack pack咁買,就算買調味料都係要成pack買,我朋友話好多舖頭仔都會來呢度入貨出去賣......例如蚊膏個d,佢一條有10個,調味醬油個d一pack有4/6枝
  
行左一陣就去食晚飯lu.....滿懷期待既餐廳.....RIMPA LAPIN
真係好好彩係下午落左場雨之後就冇落雨了......唔係都唔知點算!!!坐
來到呢度真係有"嘩"一聲既感覺......來呢度想坐出OUTDOOR,最好就預先訂位,否則多數都冇得座出去,呢間餐廳都好多泰國人去食........
        
 
呢個冬陰公超足料....隻蝦超大隻,多菇,好味道!
菠蘿炒飯好食,好香!
蝦餅幾特別, 大蝦沙律好好味
魚......無得輸
4個人叫左6樣野,每人一杯飲品,都只係1980B,對住個咁靚既景食,真係好抵!
 
食完飯就回程返曼谷了....朋友打算帶我去個嘉年華,係佢屋附近,今晚係最後一晚,所以帶我地去見識一下
來到呢個嘉年華真係好熱鬧,類似之前香港冬季嘉年華咁,但呢度當然大好多,有好多賣野食既檔仔,又有劃分一個食野既區域,有好多攤位遊戲,好多人都拎住獎品,有機動遊戲,有乾貨攤位,賣衫,賣鞋,賣日用品,有賣糖果既攤位,有D攤位比人做手作,真係乜都有.......我係呢度仲睇左個好刺激既表演,睇到我好鬼驚!
   
架電單車越上越高,去到最頂條邊度,有D人會拎紙幣出來比佢,佢會拎,睇呢個我已經睇到好鬼驚,之後仲有架私家車好似佢咁揸上來,雖然私家車冇電單車去到咁高,但架私架車不斷轉圈既時候,成個桶勁震,震到我覺得好似就來散咁,好有死神來了既感覺,真係好驚,捉住蝦子餅喊住要走.......
https://youtu.be/b0zIiHp_nS0
https://youtu.be/BApahTsGR6s
 
          
行完嘉年華都11點幾,明天朋友要開工,陪唔到我地,有見及此,不好意思再要佢車我地返酒店,就去返BEARING站放低我地自己搭BTS返去,最終應該趕尾班車返去,坐返去真係幾快,因為冇乜人,一到站開門唔夠幾秒就關門,快到呢.......
明天主要行街/做MASSAGE,所以都會晏少少先起身......
|
