預計行程: 地鐵一日票 > 早餐 (雞絲湯粉) > 行街 > 雞飯 > RED SKY BAR 睇日落(HAPPY HOUR) > MASSAGE
最後行程: 泰榮早餐 > 去T21 > TOPS MARKET > 雞絲湯粉 > CENTRAL WORLD＞ SIAM PARAGON > MASSAGE > 晚飯 > BIG C > 回酒店
今日主要係shopping day, 已經有張must buy既list去掃貨,主要都係買調味料,護膚品,手袋等等......
出發前都打算今日會買BTS一日票,但經過蝦子餅研究過我地要去既地點,由出發到返酒店都用唔到一日票個價錢(140B),每程散買抵D,咁我都唔介意每程都要去排隊買飛。
1) NANA - PHROM PHONG 22B
2) PHROM PHONG - ASOK 15B
3) ASOK - CHIT LOM 25B
4) CHIT LOM - NANA 22B
TOTAL: 84B (慳左56B一個人)
 
今日再去encore泰榮魚旦, 今次試細舖, 可能比較早既關係,人都唔多........真係好食又抵食
 
食完就出發去T21...係香港時見到T21火燭,好彩冇乜事,雖然有朋友都話T21麻麻地,唔太多野睇,不過我有目標舖頭係個度,同埋話哂未去過,點都要到此一遊下既.......裡面仲有少少商舖未開門,可能早,人流都比較少,一開始就去搵自己想睇既舖頭....好快就係BEAUTY COTTAGE買到戰利品, 跟住再睇POSH手袋,不過冇收穫, 睇完呢2間諗住再周圍行下,但蝦子餅冇興趣,咁就唯有快速落埋地庫間SUPERMARKET買調味料
之前聽BLOG友分享過,好多商場都會有D DISCOUNT CARD, 某D SHOP買野會有5% DISCOUNT, 雖然未必間間有, 不過優惠唔怕多, 唔理有冇野岩都係拎左DISCOUNT CARD先, 尤其超市買野通常都有折。呢張咭就係超市收銀隔離有個COUNTER度拎, 跟住係超市買左D藍象調味料都有5% DISCOUNT.
 
係超市買完野就離開T21, 經BLOGGER介紹, T21附近有間24小時超市叫"TOPS MARKET", 咁當然又要去睇下啦,因為T21行過去都好近, 超市就係ROBINSON & McDONALD'S 樓下
呢個超市個STYLE係比較靚少少,類似一田,AEON個D咁,裡面除左買野仲有個細型FOOD COURT,入口左面仲有間做FOOT MASSAGE,我見到都幾多人按,下次有機會可以試下先.
行左一陣,又去搵食先,下午個餐已諗好左去食街頭粉面檔,之前BLOG友介紹的, 食雞絲湯粉.....好彩蝦子餅好重方向感, 如果靠我就死得......大概位置係BTS Asok 站既Exchange Tower出口,一落樓梯向前行, 經過條小街,街口有便利店,繼續向前行,差唔多有個等車既有蓋站,再行前少少就係,係街邊檔,一架車仔,有幾張檯同chair...行緊去既時候開始下雨,越落越大,逼住去左便利店避一避先,等左陣細雨返先繼續行,好彩食既時候都停左雨.....
檔仔細細都幾多人食,可能又差唔多到寫字樓既食飯時間,我見都有d類似OL既來食,我地差唔多食完既時候已經有人企係我地後面等位.......有雞絲同雞脾揀,有撈面,我都係試傳統D既雞絲湯河.....係呢度見到特別既地方,每張檯都有碗"芽菜+羅勒+苦瓜",我見隔離檯每檯都有,見有D人係自己去拎D菜, 後來問返朋友先知原來係任拎,佢地食面係興有呢D野比人拎來加隨意加落碗面度
 
呢度個面既湯底好深色,但又唔係話好濃味,鐘意佢有D芹菜同炸左既蒜頭
食完行返上BTS站搭車去CHIT LOM行CENTRAL WORLD,係行緊既途中又越落越大,我地又要去便利店避一避....丫D雨呢,一來就突然好大......想行去BTS上橋都來唔切.......終於等到細雨D就急步上天橋,由ASOK過到CHIT LOM既時間D雨越來越大,又行雷......好彩出BTS後有天橋連住商場......
原來CENTRAL WORLD有咁大間BEAUTY COTTAGE,早知係呢度買啦,T21個間得呢度1/3左右咁大
呢度又有間勁大蝴蝶袋,本來打算等走個日去PHROM PHONG站個間買,個間有2層,少人D,好行D,但諗住快快買完,可以早D執喼, 係度掃左10個8個袋..... 有D係小袋仔.....真係好鬼平....平過我之前係布吉睇
來到CENTRAL WORLD又去拎左DISCOUNT CARD先, 以備不時之需, 佢呢度有寫邊D SHOP用得。
行左陣CENTRAL WORLD見到停雨.....就拿拿臨行去SUPER RICE唱錢, 之前網上有人介紹BIG C個邊行入少少會有2間SUPER RICE, 一間橙色,一間綠色, 好似話橙色就方便D,舖頭位置出少少, 但綠色個RATE會好少少, 但其實2間好近, 咁就梗係睇哂2間個RATE啦, 當日2間都4.62, 但唔知點解d人會擁哂去綠色分店, 橙色冇乜人, 所以我去左橙色分店......
唱完錢就去左big c個商場, 係地下個層發現左間舖頭仔有好得意既貓頭鷹,可以寫字係上面,我最鐘意呢d野,所以又買左對.....等埋哥仔寫字都係8-10分鐘左右, 150b
 
貓頭鷹既斜對面就係boots, 係蝦子餅等既期間,我又閃去boots睇下先......
行完boots再上左big c 睇左一陣就出發去siam paragon, 幫朋友去超市買野......一去到指定動作拎左discount card先啦, 跟住直接落supermarket, 原來呢間supermarket就係 gourment market, 即T21地庫個間, 早知係個邊睇下有冇先,唔洗專登走過來
買完野行左陣有D餓....就去搵野食.....係呢度都唔知食乜好,結果係FOOD COURT揀左間食泰菜, 都唔錯,係價錢接近返香港消費既價錢,呢餐食左700B, 不過當時好肚餓,都唔理得咁多......
  
本來今日PLAN左去RED SKY BAR睇日落HAPPY HOUR, 不過今日天色真係麻麻地, 雖然停左雨, 但都灰灰地, 所以決定唔去, 改為去做MASSAGE.....結果亂衢亂撞搵到呢間"CHANG", 之前Youtube有人介紹過唔錯, 成座3層, 都幾干淨, 價錢都合理, 就試試啦, foot massage 300b/60min, thailand massage 300b/60min, shoulder 300b/60min......
按摩完就搵晚餐食....之前youtube有人介紹同一條街前少少有間食豬肉丸既不錯,同埋有個火腿蛋飯好食.....咁又諗唔到附近有咩特色野食,就去試下.......呢間餐廳最得意既地方係佢有d檯每個位前都有個"燶"係度, 有d檯就冇, 初初唔知個"燶" 要來做乜,我見隔離檯個人食面又避開個"燶", 咁我碗面來到咪又避開個"燶", 跟住個侍應指示我張碗面放落個"燶" 度.....原來係咁樣既.....個"燶" 可以卡住個碗
 
佢既豬肉丸又幾彈牙wor, 呢個係沙爹湯底都幾好食
呢個看似好簡單既火腿蛋飯.....但佢d蛋又真係好滑.....真係睇佢唔出又幾好食wor.....
食完飯去返BIG C 買左少少生果就返酒店, 由CHIT LOM > NANA BTS 22B
返到酒店安頓好,沖埋涼,有少少肚餓,又走左落街買宵夜, 日日行過酒店出面檔街邊少炒都聞到幾香,結果忍唔住買左個炒通菜,再去附近7-11買野飲, 又返酒店食邪惡宵夜......
 
呢度係我今日戰利品.....其實都唔算好多之麻
明天就要決戰JJ MARKET了,好期待!
|
