預計行程 : 早餐 > 行街 > 雞飯 > 14:40出發到機場 > 16:40 機
最後行程 : 泰榮早餐 > MASSAGE > 周圍行下 > LUNCH@酒店附近 > 2點15分左右出發去機場 > 15:00 到機場
今日係泰國既最後一日, 仲有半天可以閒遊下, 一早又再去泰榮食早餐, 來左5日食左3餐
可能今日星期日....比之前多人好多......
 
2條友真係大食,每人一碗面,再加炸魚皮,再一碗剩旦,再來一杯菊花茶,好滿足!
食完早餐就嘆返個早場先,係泰榮附近有幾間按摩店,之前行過都睇左幾次,今日一於試一試,250B 60MIN FOOT MASSAGE.
呢間就係Phrom Phong站附近個間naraya,好大間,有2層,幾好行,人少d,blogger介紹個間雞飯就係蝴蝶袋再向前行少少就到。
按完腳就搭返BTS去T21個邊,再行下TOPS MARKET睇下仲有冇野要補貨,行完蝦子餅話慢慢行返去NANA站,原來ASOK行去NANA站唔係好遠,不過行行下就開始落大雨,唯有入STARBUCKS飲杯野避一避先......
 
今日天色都麻麻地,剛好飲完杯野飲開始停雨,咁我地就行返去酒店外面間街邊檔食野,日日返酒店行過都聞到幾香,所以臨走都要試一試先.....
    
同泰國朋友食完個LUNCH就出發去機場LU.......
食完大概2點鐘左右就出發去機場.....去機場既途中大塞車,機場已近在咫尺,但無啦啦大停頓,完全唔知咩事,又見唔到交通意外,好彩最後都趕得切及機場。
這樣5日4夜之旅眨下眼就完結....最後一個喼加2個HAND CARRY,都唔係好多遮,十年冇來過算係咁啦,身邊朋友去泰國如返鄉下咁,我今次就好似大鄉里出城先咁多野想買返來.....但其實我覺得都未買得夠
|
