蝦子餅屋企有個習慣,一個月總有最少2-4日FAMILY DAY, 全部人都要返奶奶家食飯,一家人返齊既話,都有十幾人,有時有遠方親友來食飯,會更熱鬧

而我同蝦子餅例牌一回到家,奶奶就會將個廚房交比我地.......而我間中會負責1-2道菜色

每逢有親友將會到,奶奶就會打比蝦子餅,問下我有冇時間可以負責整餸....剛過去既星期六,有親友到訪,所以今星期負責2道菜

冰糖黑醋炆豬手 - 呢樣餸已經係第3次係奶奶屋企整比親友食, 真係易整又好食,基本上每次都食到大家LAM LAM利,今次老爺仲食3左隻,食完仲話要D汁撈飯.......

青咖哩雞 - 呢樣又係唔難整, 又好味道, 去完泰國整左次黃咖哩,今次就整埋青咖哩比大家試,一樣咁好味,小朋友好喜歡個汁撈飯