一直都有留意高雄機票幾時有promotion, 日日都會係facebook上唔同既TRAVEL AGENT望一望,怕自己MISS左
一直都想找機會去墾丁,難得出年3月前公司要清假,而年中去過日本,蝦子餅申請左國際車牌,諗住去台灣自駕可以用多次,唔好浪費麻
同埋想平平地去個短trip,所以高雄+墾丁就最岩心水。
因為要3月底前去,所以都不是主打游水,只係諗住hea遊下,去下景點,食下野咁,而且3月既墾丁應該冇咁熱......舒服d
而家年紀越來越大,有時都好怕去既地方係太熱.....

早排見到國泰/港龍推平機票去高雄,優惠係3月31日前出發,二人同行優惠,大概$1197 連稅, 咁梗係立即上網睇,當然佢唔係日日都做到呢個價,最後揀左3/5 - 3/10, 時間去程: 0800-0920, 回程: 2125-22:55, $1204/1, 即刻問下蝦子餅意見, 其實我知未去到最平,不過蝦子餅覺得呢個價錢坐港龍,絕對可接受,所以立即決定買.......

本來有另一PAIR朋友打算一齊去,係第二日諗住買既時候,去程個時間已經冇左,我估佢預唔係好多既機票出來做PROMO,真係好彩我一見到就拿拿臨做決定

而家就開始PLAN下行程, 睇定酒店/租車資料等等.....其實去過既朋友話我地6日5夜好似多左D.....但要玩高雄+墾丁,真係多?
朋友話高雄比較悶,冇野睇,但我睇過旅遊書,都唔係真係太冇野玩吧!

高雄景點: 義大世界/旗津島/打狗英國領事館/85大樓/糖廠/真愛碼頭/壽山動物園
高雄夜市: 瑞豐夜市/六合夜市/金鑽夜市 (開2,4,5,6,日)/凱旋夜市 (開1,3,5,6,日)
高雄住宿: 城市商旅高雄真愛館

墾丁景點: 墾丁大街/海生館/船帆石/佳樂水/風吹沙/出火/鵝鑾鼻/港口吊橋/最南點/貓鼻頭
墾丁夜市: 墾丁大街
墾丁美食: 豬手/牛肉面/小杜包子/AMY'S CUCINA
墾丁住宿: STONE INN/亞飛衝浪店/牧場旅棧/小徑民宿